久別重逢

FACEBOOK真係一項幾偉大嘅發明....好多舊同事同舊同學都係喺FB搵番....不過搵番還搵番...又唔代表真真正正會見番面....畢竟好多舊朋友都已經係N年冇見...大家都唔知對方變成點...真係未必有勇氣同信心再約出嚟見呢!!! 難得我同呢位朋友仔都重有呢份膽量出嚟見個面..HAHA!! 其實我哋喺FB已經重逢咗幾年....不過始終都冇約出嚟見面....直至今年生日...呢位舊朋友喺FB留咗句HAPPY BIRTHDAY...打開了話題匣子....就係咁講吓講吓就約咗出嚟見面....之但係對於呢位朋友仔嘅近況....真係一啲都唔清楚呢(淨係知佢幾年前結咗婚), 熟悉得嚟又好陌生...真係好緊張呀!! 終於...上星期五就約咗出嚟開飯....食日式放題應該冇死啦! 點都有嘢啱食!!

久別重逢, 大家外表都冇乜大分別喎....(HAHA乘機讚埋自己先!!)...爹多幾爹就發覺大家都重好掛念對方呢....想當年我哋確係幾FRIEND架! 不過...真係太耐冇見喇 (真係十幾年冇見呢!!)...加上識佢嘅時候年紀太小....原來現在嘅佢同我印象中都幾唔同喎...有趣有趣.....就當佢係識咗N年嘅新朋友吧!

由於真係太耐冇見...食飽再搵地方吹吹水....邊飲紅酒邊吹水...吹到咁上下見有啲眼瞓就望吓隻錶啦...嘩!! 唔係排唔覺唔覺...原來已經係半夜3點....終於...爹到4點先閃...好耐冇試過咁長氣....超級倦呢!