典解家陣啲後生仔咁架....九唔搭八....又白痴又串又囂又冇禮貌...乜人嚟架! 同佢briefing...講到口水乾....最後都係講句"即係點呀...唔識喎...都唔知做乜!" ....無論邊個教佢...無論邊個問佢(包括腦細)都咁講...真係威喎! 
咁...真係唔話你白痴都唔得啦...其實...好明顯唔你乜都唔識...係咪都話咗自己唔識先...莫非...你真係以為唔知唔識未掂過就可以乜都唔駛做咩? 正白痴!
講嘢態度又串又囂...咁唔在乎唔好撈吖笨! 冇嚟禮貌....叫人幫你做嘢就講句"唔該"啦...唔係連呢家嘢都要教掛?! 咁待人處事法...讀書比個"first鞍"你都死啦! 妖! 天呀...典解搵件咁嘅嘢嚟架....明明其他嗰啲都好正常架喎!
喂喂...叫你呀...睇完篇卜唔好周圍揚呀...殺人滅口架我!
終於放得工...閃!
話說上星期六去睇肥師奶表演....我約咗二家姐佢哋喺科學館門口等....守時嘅我(haha乘機讚吓自己先
) 早咗少少到....企咗喺科學館隔離嗰個小場館門口...之但係..我唔多sure喺咪呢個館喎....所以就打比二家姐問吓啦....與此同時....見到場館入面嘅肥師奶向我揮手(由於肥師奶要表演所以晨早去到彩排,彩排完就一條友喺度呆等
)...跟住我就行咗入去搵肥師奶喇....
故事告一段落...係咪好無聊呢....係...你講得啱..個故事本身真係幾無聊架, 係咪有啲比我坤咗嘅感覺呢!
不過我想講嘅唔係呢部份...我想講嘅係....肥師奶之後同我講嘅一段說話....
肥師奶: 「亞仔(即亞祖)....其實你呢唔駛驚架
....」
亞祖:「吓?!驚乜呀??」
肥師奶:「你唔駛打電話比媽咪架....」
亞祖:「即係點呀....」
(oh sorry...我真係未上到車...唔知你想講乜呀肥師奶)
肥師奶:「其實呢...你行入去睇就得架喇...唔駛驚架...你入去睇咪知係咪呢度囉!唔駛打比媽咪架....」
唔知大家聽完呢段說話有冇感想呢? 嗯....我覺得...原來肥師奶都幾了解我囉...哈哈!一個7 歲小朋友嘅智慧真係唔可以睇小呀! 
冇錯...亞祖確係一個怕死怕瘀怕痛怕病怕老怕悶怕靜怕窮怕煩怕小強怕賤人怕呢樣又怕嗰樣嘅人....明明企咗喺門口都唔勇敢啲行入去....明明係啱都唔敢行多步! 人大咗真係怕死啲?不過都唔駛攪到乜都怕掛?! 你會唔會好似我一樣呢?係嘅話真係要好好檢討係咪乜都要怕....勇敢啲啦亞祖! 各路英雄...共勉之呀!
肥師奶確係幾話頭醒尾嘅....抵我同你咁friend....改口叫你聲"樂兒姐"先...一次咁多啦......haha......
又打風?唔係化....不過黑格比呀黑格比人做颱風你做颱風....乜你打得咁唔合時呀...就放工先嚟打....真係算罷啦! 攪到我學又冇得番....放工番屋企又好似走難咁....5點未夠就著草走....6點7先番到屋企
! 番到屋企又冇嘢好食....諗住去惠康買入啲貨...頭皮煮啲嘢食算啦...典知....
一睇就知出事啦...一條友食兩大兜嘢....食死咗! 呢個係冷烏東...姐姐推介...又確係幾好食....不過....唔知原來兩札烏東有咁多....食唔哂啦!
好似幾年未食過菜咁...haha....呢個係上湯娃娃菜嚟架!
又係考考你嘅時間....頭先喺公司大家諗住走嘅時候...有人講咗句...."你地住得遠嘅走先啦...不過唔好一次過走哂喎"....之但係.....我哋4兜友...一個住山區...一個係屯門之友...一個係馬鞍山嘅朋友...一個重去到大嶼山!...咁....其實應該邊個走先呢? 唔好一次過走哂....即係隔幾耐先走一個呢.....即係典呀....好多問題呀!
又係一年一度嘅音樂會喇...每年肥師奶同排骨仔學琴嗰間學校都會攪吓音樂會比啲小朋友表演吓...今次...輪到肥師奶表演喇.....
兩位老師負責做司儀....其中有位老師又要做司儀又要表演...好忙架!
不過今次呢....啲老師表演嘅人數多過學生表演嘅人數喎!不過啲老師確係幾pro嘅...今次分開兩part....上半場係演奏會.....下半場係演唱會...
重有單簧管...小提琴....吹色士風....重有一埋敲擊樂.....都幾多元化...不過上半場全部都係啲古典音樂...聽多幾首,真係有啲悶架!
終於等到下半場....肥師奶出場喇....成堆小朋友企哂上台....要練習吓先....
正式表演喇....不過....比其他小朋友遮住哂...淨係見到肥師奶耐唔屎隻手好似揼石仔咁搖吓個鈴咋!
成班小朋友合奏咗長腿叔叔, 世界真細小同小時候! 大會派咗一人一個搖鈴一齊伴奏都幾有氣氛! 之後重有色士風表演, 由於下半場係演唱會...表演啲歌全部都係時代曲...好似"大會堂演奏廳", "我祗在乎你", "約定", 連"講不出聲"都有...啱聽好多!幾好聽架...真係唔覺悶!
表演完嚟番個大合照...不過參唔多十點先完...有啲小朋友一路影相一路恰眼瞓...好攪笑.............
