又打風?唔係化....不過黑格比呀黑格比人做颱風你做颱風....乜你打得咁唔合時呀...就放工先嚟打....真係算罷啦! 攪到我學又冇得番....放工番屋企又好似走難咁....5點未夠就著草走....6點7先番到屋企
! 番到屋企又冇嘢好食....諗住去惠康買入啲貨...頭皮煮啲嘢食算啦...典知....
一睇就知出事啦...一條友食兩大兜嘢....食死咗! 呢個係冷烏東...姐姐推介...又確係幾好食....不過....唔知原來兩札烏東有咁多
....食唔哂啦!
好似幾年未食過菜咁...haha....呢個係上湯娃娃菜嚟架!
又係考考你嘅時間....頭先喺公司大家諗住走嘅時候...有人講咗句...."你地住得遠嘅走先啦...不過唔好一次過走哂喎"....之但係.....我哋4兜友...一個住山區...一個係屯門之友...一個係馬鞍山嘅朋友...一個重去到大嶼山!...咁....其實應該邊個走先呢? 唔好一次過走哂....即係隔幾耐先走一個呢.....即係典呀....好多問題呀!
經過我地一眾三姑六婆嘅退庭相議.......... 一至裁定, 個先後次序應該係:
回覆刪除大嶼山 ==> 屯門 ==> 馬鞍山 ==> 山區
你應該要係最遲走嗰件蛋散呀~~~
[版主回覆09/24/2008 22:47:00]嗯....法官大人....你知唔知香港地係有地鐵去東涌(即大嶼山)架, 可能最交通最方便係去東涌添呀...唔駛轉車.....我實咗好質疑各位陪審團嘅決定...我提議解散陪審團再審!
嘩....你個烏冬.....好似好好味.....好鬼吸引呀! o個個係咪麻醬黎架~
回覆刪除[版主回覆09/25/2008 23:06:00]確係醒喎...之唔係麻醬嚟囉...都係姐姐推介...簡直係成碟嘢嘅靈魂, 真係幾好味架! 你有性趣(又夠膽食)嘅下次嚟我屋企..等我整比你食 !
就係呢支醬喇....唔記得幾銀...不過應該唔貴(唔係我點捨得買吖 )...吉之島有售!
回覆刪除