OUT爆西餐班(七)

那邊霜有小淫蛙嘅"沉悶兼夾冗長嘅喪玩回憶錄"...我呢邊都有個"閹悶嘅out爆西餐班系列"...重有3集咋...大家要撐落去...唔好咁快瞓著呀....

查實呢....印象之中...呢堂係最豐富又最啱食嘅一餐嚟架....連姐夫仔食完都話想試吓自己煮嚟食(當然...佢都係吹吓啫...haha)!

呢餐真係唔錯架...整酥皮法國蝸牛(好似好勁咁...其實係罐頭田磥嚟架)...一嚟就梗係要搓吓酥皮先...其實之前玩過整酥皮架....真係好煩吓...所以今次師傅都係頭皮示範吓....見佢將塊酥皮搓吓又雪吓.....都確係幾悶吓囉....

除咗有法國蝸牛之外...重有鵝肝....都係夾喺啲酥皮入面架....(其實係假鵝肝嚟架咋...都唔記得其實係乜肝喇....味道都ok呀)....

啲法國蝸牛要煮煮佢加啲調味...其實就咁食已經唔錯!

再將啲唔知乜肝切粒備用...

其實整酥皮呢家嘢真係太煩太嘥時間...所以....由於時間關係...師傅已經準備好一堆現醒嘅酥皮喇! 當然係要cut開佢細細塊先用啦...

將啲鵝肝同法國蝸牛夾喺酥皮入面....

之後再喺酥皮上面揸啲蛋漿...焗出嚟個樣靚啲吖嘛....

焗好喇...不過第一轉嗰啲好似燶咗少少呀....

最後...當然係要撻番去進貢比小魔怪佢哋食啦...又估唔到肥師奶咁like啲鵝肝架喎!

重有一味架....煎牛柳....塊塊都好重手架....

由於厚厚哋嘅關係真係煎咗好耐吓....

側邊伴啲薯仔...上面再加塊鵝肝....加埋師傅整嗰個唔知乜汁....好好味呀....

恭喜發財...

哈佬咁多位哥哥姐姐uncle...auntie, 你知唔知我係乜水呀? 我咪就係亞祖個姨甥女"彤彤"囉....唉...我姨仔又冇屎用...唔夠我靚女...佢話新年流流唔想擺自己張相出嚟嚇親大家喎...所以咪撻我張靚相出嚟同大家拜個年囉....恭喜發財呀咁多位.....你哋重唔快啲比封利是仔嚟喎........係呀啲利是呢...亞祖會幫我代收架喇...你哋比哂佢得架喇....

靜龜龜話你知吖....我識咗個新朋友仔呀...佢叫"拉人拉人"(洋名係lion lion, 係肥師奶表姐幫佢改架)...我同"拉人拉人"好friend架, 我成日拎住佢嚟咀架...係喎...."亞仔"(即係亞祖呢)教落收咗人禮物要講"多謝"架...."多謝"送"拉人拉人"比我嗰位靚姐姐呀....祝你一年靚過一年...今年賺多啲(賺多啲係咪可以送多啲禮物比我架....呵呵)!

爆房實錄

前晚...亦即係鼠年最後一個工作天...放咗工約咗成班爛賭嘅同樹去咗酒店爆房...11條友齊齊去爆房...場面認真盛大...好緊張呀.....你哋諗梗乜呀....我....我....我哋係去爆咗間麻雀房咋....

我哋就係去咗呢間酒店喇.....呢間嘢喺灣仔架....

我哋咪就係皇雀會囉...我哋去到酒店係咁影...成班狗仔隊咁...好有捉姦feel囉.....haha.....................

爆房呢家嘢...未夠秤當然係唔得啦...好彩我"啱啱"夠啫...呵呵!

就係呢間房喇.....

都算寬敞架喇....11個人都坐得落....由於我哋幾個爛到倚晨早就到嘅關係...一路開枱一路等.....

打咗4圈又齊人就去開飯喇...啲餸都幾靚仔吖....

食飽又繼續開枱同睇吓電視....部份唔爛賭嘅同事11點就閃咗喇....其實我都想乘機走架...不過...比人捉住咗...終於...打到零晨4點先走得(真係有屎以來打得最耐同最夜嘅一次).....考眼瞓呀...重要輸成八....十幾蚊...成餐晚飯架喇....嗚...嗚...嗚...不過都好彩第二日standby support冇call啫...呵呵!