OUT爆西餐班(四)

時間過得好快...又到西餐班第四堂喇!典解快得咁緊要上完第一堂就跳咗去第四堂...無他嘅...咪走堂囉...唔得咩...哼!

今日係整咸薄餅呀....話時話除咗去茶樓食嗰啲咸薄餅之外...我真係未食過西式嘅咸薄餅....原來都ok架! 呢個薄餅漿都係師傅整嘅...

我哋就負責煎........

煎到咁上下要反反佢....要"油剛"師傅咁徒手拎起塊薄餅反轉佢....熱屎人咩!

由於啲薄餅要煎得好薄嘅關係...嗰兜漿真係玩咗好耐先煎得哂...

將煎好嘅薄餅包啲預先準備好嘅三文魚餡(係咁架啦...啲烹飪節目次次都話由於時間關係整定一堆架嘛...)....完成喇....

第二味餸就係煎猪扒喇...首先梗係要醃吓佢先啦...

又由於時間關係...師傅已經整定個汁喇....個汁真係要淆成粒鐘架....揀正係精華所在! 連排骨仔佢哋都話個汁好得....

我哋呢啲二打六梗係做啲easy job啦....煎吓塊扒...咪見塊扒白雪雪冇乜色水呀...其實塊扒好夠味架.....

最後加埋啲汁就更正喇....重有兩大塊蘋果伴碟...好味!