中西合壁

都話年紀大機器壞架啦

, 自從去完泰國喪玩喪食完之後一直病到家陣....食咗參唔多兩個禮拜西藥...本來已經好得七七八八, 之但係食得太多西藥攪到個人好燥, 重燥到瞓唔到, 唔夠瞓又攪到病極都唔好咁 (基本上我次次食完一輪西藥都係咁)...前兩日本應諗住12點幾碌上床瞓, 但係喺張床度典嚟典去典到點幾兩點先瞓得著

...咁都唔緊要啦...點知唔夠6點又醒咗, 又唔多舒服攪到瞓唔番....連續兩日都係咁呀...兩日夾埋都瞓唔到八個鐘..真係想死

! 而且食食埋埋啲西藥攪到口到寡埋, 食乜都係"苦"味...超難頂! 所以尋日就忍唔住去搵個中醫把把脈.....

成日都擺啲"藥"相喺個卜度, 我諗唔識我嗰啲人以為我賣藥架...

不過由於西醫比我嗰啲抗生素未食哂(之前個西醫又千叮萬囑叫我一定要隊哂佢), 所以家陣要雙管齊下, 一日兩劑西藥+一日三劑中藥....一日食5劑真係食藥都飽....個食藥schedule好鬼緊密!

 

話時話我都好耐冇睇中醫喇, 今次lee個女醫師又幾有心機講解喎, 問乜佢都答...佢重叮囑我, 以我嘅體質唔好飲太多涼藥, 原來女仕飲太多涼茶嘅話塊面會易出斑斑架, 唔講真係唔知

! 當然耐唔屎飲吓清吓熱係好嘅...唔知係咪心理作用呢, 尋日食完三劑中藥之後又真係好瞓咗, 連個口都冇咁苦呀

....

唔知點解次次病到口淡淡都係好想飲蕃茄湯, 咁啱今日要hea喺屋企做stand by support (重要hea到下晝6點呀...

), 所以今朝就煲咗個魚尾蕃茄湯....好耐冇飲魚湯喇...好味

...下次試吓煲魚尾木瓜湯先....

愛不釋手

今晚約咗屋企人出嚟食中秋節飯...我就順便拎埋啲泰國手信比佢哋...(團友們...我諗你哋應該記得我買咗啲乜比肥師奶係咪!!)....一見到肥師奶我就急不及待咁介紹我送比佢嘅手信....哈哈!佢一見到就話好鍾意呀...重拎住唔肯放添....究竟係啲乜?

就係lee個喺NaRaYa買嘅黃色小手袋喇! 佢重自動自覺擺哂pose影相...lee個pose好咪好pro呢...

不過另一個粉紅色小背囊佢就一啲都唔吼...叫佢做model拎住個袋影張相都唔肯....重話唔鍾意添呀.....大家評吓理...乜lee個背囊好肉酸咩!

肥師奶重拎住個袋唔放.....拎住嚟行cat walk.........

重有一樣嘢佢都好喜愛架...就係lee個蕃茄喇....不過.....

比佢蹂躪完一陣之後...個蕃茄穿哂窿喇...睇吓啲水流哂出嚟呀...果然係頭號破壞王...堅!

泰國食hea瞓揼之旅 - Day 4

話咁快又到最後一日喇....最後衝刺喇...食飽早餐check out埋(啲行李梗喺擺喺酒店先啦)就去咗我哋日日都話要去嘅Big C買手信...去Big C之前順道去探吓四面彿先.....

閒日都有好多善信嚟拜架.....四面彿周圍放咗好多鮮花呀........

側邊重擺咗好多木製嘅象喺度.....

重有人跳舞還神添..........

之後就去咗Big C買手信喇...間supermarket好鬼大呀....

睇吓關太揀得幾投入...哈....比我偷影都唔知

買完手信就去搵食...由於我未去過Siam, 所以佢哋特登帶我去Siam Paragon入面嗰間Fuji食lunch...查實尋日超熱呀...要大家咁辛苦真係唔好意思呀....

我哋又叫咗一堆嘢食....有三文魚卷同牛肉....

個冷麵都好味, 個汁好正.... 重有炒麵...

有刺身同唔知乜乜三文魚, 唔錯唔錯!

再加埋個露筍同隊埋碗草...真係好滿足呀....

之後就去咗Siam個靚靚水幕影番張到此一遊嘅相就番酒店執包服閃喇....

同嚟嘅時候一樣, 我哋book 咗架車帶我哋去雞場,不過今次我哋喺酒店book...嘩!有ben屎坐呀....確係威呀.....第一次搭ben 屎咋....................

重有九百幾人服侍上車....真係威過威士己!

今次又難得無塞車喎....晨早到咗雞場...又影吓相先....

重有條龍喺度...好堅....

不過由於個雕場太大喇指意又唔足夠...搵乜冇乜咁...最後頭皮搵個地方食杯雪糕就上機喇....不過頭皮得嚟杯雪糕都好好味呀.....

真係要走喇...好鬼唔捨得....唉!又要食埋啲唔好食嘅飛機餐喇, 又話係pasta,究竟pasta喺邊呀,又係一個謎

臨落機前個空姐派咗lee個花花比我哋呀....不過唔知要嚟做乜....哈!好似lu lu咁將舊嘢變做頭飾都唔錯吖....

泰國食hea瞓揼之旅 - Day 3

好快又第三日喇....都係晨早喺酒店食早餐...本來關太佢哋食飽早餐諗住去游吓水先...不過落大雨呀又游唔到....喺酒店度hea到11點幾又出發...今日嘅target就係食意大利嘢同做spa...

由於間意大利餐廳比較偏僻, 我哋飛的去到附近嘅shopping mall...一入門口我哋就比嗰檔買t-shirt同lesportsac袋嘅counter吸引住(其實成檔嘢夾夾埋埋得個十零個袋咋)...不過價錢比香港平四倍有多....咁筍我哋梗係唔放過啦...我哋揀好哂之後就問佢有冇"new one"  ...佢一律耍手兼擰頭話冇...只係其中一個款我哋想買兩個...佢先搵到多個咋...係咪咁啱呀, 要一個新(new one)嘅就冇, "one more"就有!...比我哋狂風掃落葉之後...個counter得番三四個袋咋...唔知係咪比我哋帶旺個場...之後有兩個local 人幫趁佢買袋添....買完嘢就繼續搵間餐廳, 好彩有途人識路...喺佢指點迷津之後好快就搵到間嘢喇!

由於lu lu話夜晚食意大利好似貴啲, 作為一班cheap精梗係楝食lunch啦....就係lee間喇...

先嚟頭盤同麵包....lee個default已經有架....淨係lee啲都已經好好味!

叫咗個有巴拿馬火腿嘅pizza....好味呀...個pizza好脆呀....啲hams更加唔駛講..好得!

重有鵝肝...百幾蚊咁好食...重有三舊鵝肝抵呀....

再叫多個長通粉...lee個冇乜特別志在填肚...不過不失啦...

lee個唔知乜東東嘅甜品係送架....唔知乜嚟...甜甜哋好似食空氣咁...

食飽之後再去咗番之前經過嗰個mall, 掃完一輪我哋又再經過之前買lesportsac嗰檔counter...頂!佢居然擺咗啲新袋出嚟...有啲款就係exactly我哋買嗰啲呀..又話冇新嘢!我哋話個檔主佢又冇反應喎....激死呀!

之後我哋又飛的去咗MBK行街街...不過去到一陣無啦啦毒發添...真慘...好彩都係痾咗一次啫.....言歸正傳去MBK到就梗係睇converse啦....不過我lee啲腳細人真係冇對啱size...都係算罷啦....慳番!! 去到MBK就梗係食埋咖央多士啦.....綠色嗰個係咖央多士,好似泰國耶子糖味...唔錯....白色嘅係練奶多士...都好味...佢啲麵包好鬆軟架....................

加碼叫多個original咖央多士...lee個重好食, 冇綠色嗰個咁甜....正!

食飽之後我同lu lu姊姊花就去咗Divana做spa喇...關太就一條冷去Siam行...諗住之後再去Siam匯合啦....我哋本來book咗6點架...不過hea 吓hea吓遲到添...參唔多7點先到...又要揀香薰油又要揀mask又要揀浸浴...揀完一大輪7點幾先正式開始...我哋重揀咗個3粒鐘spa...真係有排攪...

間嘢嘅裝修又唔錯呀...幾舒服...連杯茶都好飲啲...

入房喇...我哋一人一間獨立房...不過好似間間都有啲唔同...我就好滿意自己嗰間喇...

當然唔少得張舒舒服服嘅床啦....個枕頭重有香味添....

擦乾淨個身就開始oil massage, 之後就去steam咗同整個杰撻撻嘅mask....沖完身再按摩...嘩....按咗咁多次今次最正....最後就玩埋lee個浸浴...真係好正!


不過當我個身敷梗mask嘅時候發生咗段小插曲....話說個spa師傅幫我塗啲黐立立嘅嘢(類似芝麻胡嘅物體)喺身嘅時候我個電話突然响, 成身都係杰撻撻個電話又遠...真係聽唔切...之但係過咗一陣個電話又响...死火...莫非有要事...都係聽啦...原來係關生打嚟架...佢一嚟就話搵關太...有乜事咁緊張呀? 原來布吉嗰邊發生空難...佢擔心我哋無啦啦去咗布吉呀....果然細心喎...咁啱關太又冇帶電話,搵唔到個老婆...真係嚇鬼死佢....我報完平安佢就應該放下心頭大石喇掛! 不過用完隻黐立立嘅手聽完個電話之後我個袋同電話都係一撻撻嘅芝麻胡呀...話時話lu lu都收到佢親友嘅慰問電話....喂!咁我呢...乜我啲家姐冇搵我架, 我淨係喺翟度翟收到大家姐電話問我借NDS同提我買手信咋...乜原來我條賤命連部NDS同手信都比唔上....唉!下次咪執輸...自己打個電話比自己報平安先...哼!

嘩...整完都參唔多11點喇...關太重send sms比我話番酒店...見咁夜我哋唯有去買外賣番酒店同關太分甘同味啦....最後我哋買雞飯食...一落的士就到喇...買3盒飯share先....

檔嘢有啲大排當feel嘩啲蒸籠好似人咁高架....

行咗陣又見到人妖姐姐雞飯...買咗盒試吓先....

再買啲串燒番去....起碼要買10串架...不過好彩唔係好大串...應該食得哂....

梗係唔少得甜品啦......芒果糯米飯...個芒果大大個好甜呀...

買完嘢之後又飛的番酒店....唉!上咗嗰部的士之後真係驚驚哋....因為個的士佬好似傻傻哋咁, 一上車就好鬼熱情咁同我哋講啲唔咸唔淡嘅廣東話, 之後我哋講一句嘢佢又無啦啦repeat一次....又喺度自言自語...lu lu忍無可忍咁爆咗句"佢係咪顛咗呀"....個的士佬居然識搭爹話"NO"...吓...乜連lee句廣東話都識...我哋真係唔敢再亂講嘢喇...好彩最後塞完一輪車都安全到酒店啫!

又確係幾好食架...不過人妖姐姐啲飯好似肥膩咗啲呀!

lee個甜品都好好味架....超甜芒果!