大美督之旅...

為咗跑步可以去到幾盡?晨早去大美督跑又如何, 咪早一晚去住hostel囉, 一定唔會遲到喇掛, 不過....約就咁約啦, 飛機友何其多....之但係負責卜房嘅朋友又真係交低咗啲資料比我叫我搵佢同事就得....見FB冇哂人影又試吓吹雞睇吓有冇人啋我啦....咦!原來真係有人陪我癲(其實佢哋好有義氣啦, 明知冇人去都照樣奉陪, 而且有位朋友重係第一次JOIN, 真係佩服佢嘅勇氣呀!)真係咁我哋3個女子就約定齊齊食飯再去hostel...HAHA...又估唔到大家都幾好傾喎!! 之後重有位靚仔入嚟探我哋班, 吹吓水都唔錯吖!

 

 

 

其實我預咗瞓唔著架, 好彩又瞓到一陣喎, 瞓吓醒吓兼係咁發夢囉, 總好過一秒都瞓唔到! 瞓醒又跑喇, 嘩!...沿途啲景都好靚呀, 由其係船灣淡水湖, 第一次去咋...環境真係好舒服而且未出太陽跑得好爽呢! 

 

 

 

之後繼續轉戰鹿頸....乜原來咁多斜路, 不過冇東涌道咁甘都跑到吓喎, 全程有9成以上係跑架....好開心挑戰到呢條路!不過回程開始熱喇, 跑友又攰攰哋所以提意去士多坐陣...點知....

 

 

嘩...見到司徒sir呀....真係好靚仔又大隻...我哋係咁煩住佢佢不但冇黑面重主動同我哋傾偈...冧死了...

 

 

卜友飯局...

好耐冇見喇....乜解救次次都爭啲人, 希望下次齊人啲啦....原來年紀越大越珍惜同屋企人, 朋友嘅相聚時間, 今日見完都唔知幾時可以再見....

 

港版天空之鏡...

實不相瞞其實我好喜歡去旅行....除咗可以relax吓之外又可以見識吓外面嘅世界, 重可以睇靚景....其中一個好想去嘅地方就係玻利維亞嘅天空之鏡...之但係至怕搭飛機嘅我恐怕好難成行.....唯有去西環泳棚度影吓水氹扮天空之鏡啦! 其實影嗰陣真係唔知跑友們可以咁PRO,小小一攤水竟然可以影到呢個效果, 真係好堅呢!

第二屆牛奶盃

記得上年5月某一日無啦啦喺面書見到有個跑谷叫"長跑長友", 說來有點奇怪明明身邊冇朋友JOIN咗呢個谷都唔知點解會見到嘅?! 咁我又諗住反正鍾意跑步咪ADD吓個谷囉, 唔ADD由自可ADD咗就不得了喇, 原來呢度有好多團跑, 重要周圍去跑見到啲人成班同圍跑真係好好玩呀, 之但係我又可以點JOIN佢哋呢(拿, 我當時又真係好天真同傻架, 冇考慮過跑谷有壞人冇諗過跑谷有人唔係跑齋界女架!)...我只係一心想JOIN團跑玩吓咋....

 

又咁啱嗰期有人吹雞跑去赤柱, 可惜星期六要STADNBY SUPPORT去唔到, 好在第二次終於JOIN到佢哋喇, 而第一次就係去寶雲道喇, 跑得最快有牛奶一盒, 牛奶盃呢個朵就係咁嚟! 第一次JOIN團跑真係好緊張呢!又驚自己唔識路會走失又驚自己跑得慢拖累人...好在無驚無險完成十K重識咗呢班跑友....之後跑友搭跑友咁識到更多髙手...當然都試過誤交損友啦..HAHA....ANYWAY, 總括嚟講好人多過壞人好多好多...而且佢哋重經常鼓勵我又比好多見意我....最後重可以完成咗人生第一隻全馬, 冇你哋我呢一年嘅跑步生涯一定唔會咁精彩呢, 多謝大家!!

勞動節...

今年嘅勞動節假期好應節...勞動咗兩日...跑足兩日....好在兩日都陰天跑得好舒服! 呢期放工少咗跑步唯有假放跑盡佢!

 

4月跑得好少, LAST一日跑吓先! 由斧山道運動場去鯉魚門, 呢條路都係第一次跑咋.....有海邊我至LIKE架喇....可惜少咗個咸蛋黃啦, 不過陰天又跑得好舒服! 最正嘅係去到鯉魚門又可以買雞仔餅食...原來呢度都可以做補給站, 好正! 跑完當然又係去食餐好架啦!

 

好喇5.1勞動節呢....跑條好甘好甘嘅路由東涌去梅窩, 原來好很多長斜路,重要係堅斜真係一步都跑唔到, 連行都覺得好攰.....真係好堅....只可以行+跑半程....呢17K好難"捱"呀, 不過希望有日可以由行變跑...跑到少少都好吖! 希望下次再戰佢嘅時候可以有丁點進步!