勞動節...

今年嘅勞動節假期好應節...勞動咗兩日...跑足兩日....好在兩日都陰天跑得好舒服! 呢期放工少咗跑步唯有假放跑盡佢!

 

4月跑得好少, LAST一日跑吓先! 由斧山道運動場去鯉魚門, 呢條路都係第一次跑咋.....有海邊我至LIKE架喇....可惜少咗個咸蛋黃啦, 不過陰天又跑得好舒服! 最正嘅係去到鯉魚門又可以買雞仔餅食...原來呢度都可以做補給站, 好正! 跑完當然又係去食餐好架啦!

 

好喇5.1勞動節呢....跑條好甘好甘嘅路由東涌去梅窩, 原來好很多長斜路,重要係堅斜真係一步都跑唔到, 連行都覺得好攰.....真係好堅....只可以行+跑半程....呢17K好難"捱"呀, 不過希望有日可以由行變跑...跑到少少都好吖! 希望下次再戰佢嘅時候可以有丁點進步!