HEA遊SKY100

 

大家前排見到SKY100嘅團購,佢見平平地問我會唔會再去....又未同過啲小魔怪去喎...就番啅齊齊去啦!! 點知....晨早約好嘅"好日"又....嗯....都係邪門架喇...次次晨早約定嘅日子....啲天氣通常都.....今日都不能幸免....又落雨喇!! 其實上次去SKY100都唔算太好天架喇...點知一山還有一山低...今次重衰....超多雲...真係乜Q都睇唔到.....呢幾張相已經係影得最清楚架喇!!



好彩今次係同啲小魔怪去HEA啫...就算冇乜嘢睇都可以影吓其他嘢慢慢HEA吓...終於...一HEA就HEA咗3點鐘...HAHA...超堅!!

HEA完就去圓方嗰間王家沙開飯喇....6點啫都要等位....真吹啤...多人食確係開心啲...可以食多啲款式!

甜品都可以食兩款...HAHA

Support之夜....

12月尾...除咗忙於玩同HEA....重要STANDBY SUPPORT....星期五又要留守喺屋企喇....天氣凍凍地又想食吓臘腸喇....一於簡簡單單整個排骨鴛鴦腸蒸飯....用電飯煲煲真係超方便呀!!

加多碟蒜蓉粉皇帝菜...再手痕整咗啲甜豉油撈飯....超飽!!

呢個其實係聖誕假某一日嘅LUNCH嚟架...之前同啲同事夾份買咗啲腸仔...超好味呀....煮公仔麵都冇咁寡喇!!

9級肺癆賀聖誕...

今年聖誕...睇怕最好嘅節目都係閉關....呢期又9級肺癆....天氣又涷行出街啲風吹到鼻都甩咁滯.....真係不宜外出哦! HEA喺屋企除咗搓泥之外....都可以整吓嘢食呃大人同細路呀......為咗應節....整番幾隻雪人送禮先!!

唔多識喞個樣添....是但啦...呃神騙鬼嘅嘢...食唔屎就得架喇!!

重有呀....整多個蛋糕先....雖則話閉關啫...都可以行去隔離街同肥C奶佢地開吓趴地嘅....今日努力咗幾粒鐘.....唉...9級肺癆攪到冇乜心機整添...

頭皮砌啲芒果喺面算喇....

聖誕CUP CAKE

又嚟團購喇....第一眼見到呢個團購已經好想去玩喇....你睇佢啲蛋糕同餅幾得意!!


由於一人祗係整兩個CUP CAKE份量太小...所以我咃啲材料係3個人嘅份量一齊整....YEAH...好簡單就攪掂喇.....個款睇嚟唔錯喎....

其實呢兩個CUP CAKE嘅難度唔係整蛋糕方面...係搓公仔囉...HAHA....不過啱哂我喎....慢慢搓吓先....

搓吓搓吓就整咗隻雞喇....

重有隻懶惰嘅鬆弛熊......

最後就係點精喇...巧緊張....有少少高低眼添...HEHE

啤啤瞓到成隻死豬貢呀!!

將啲公仔擺上CUP CAKE度先...

影多張合照....禮成....YEAH!!

黏土小禮物(12月喇星)

話咁快又12月喇...今年最後一份送比朋友仔嘅生日禮物就係佢喇!!ＨＡＨＡ。。。係咪睇嚟睇去都唔知佢係乜花呢？實不相瞞。。。同大家一樣。。。呢種花我都未見過實物架。。。。唔係搓泥老師教我都唔知有呢隻花嘅存在。。。。確係孤陋寡聞！！其實佢叫＂兔仔花＂。。。應該係因為佢啲花瓣似兔仔耳朵而命名嘅。。。。查實呢份功課係上個ＣＯＵＲＳＥ架喇。。。上兩個ＣＯＵＲＳＥ因為出ＴＲＩＰ所以有好多功課都冇做到。。。所以趁記得就整咗佢先！！呢份禮物可以趕得切送出全因為我病咗。。。焗住要ＨＥＡ喺屋企先整得切咋。。。ＨＡＨＡ！

呢盤花嘅ＳＩＺＥ係比較大架。。。睇個花盤就知喇。。。比一般嘅花盤都大好多架。。。




因為盤花太大。。。。冇盒裝到佢添。。。好在上次做拼貼玻璃瓶嗰陣有個裝玻璃瓶嘅盒啱駛啫。。。一於用佢啦。。。不過呢。。。個盒。。。。好娘吓（冇影到相添加！）。。。橫掂有花紙。。。。就整靚啲個盒啦。。。其實我都係用雙面膠紙貼啲花紙落個盒度。。。。呢個雪人ＬＯＯＫ點都靚仔啲喇掛！！

個盒真係啱啱好呀。。。。

盤花。。。當然係一式兩份。。。整多盤比自己ＫＥＥＰ啦。。。ＨＥＨＥ！！

無可奈何!!

唓...又話唔換電話.....又話下年先算再諗....唉......呢次真係被迫架.....呢期部電話真係作哂反....直頭係作死嗰隻....頻頻HANG機....其實我都知之前買咗嗰部電話係勁易HANGE機架喇....殊不知佢真係咁快就危殆, 最慘係佢好HANG唔HANG...有嘢做嗰陣先嚟HANG...攪到我有CALL都唔知..連老細WHATSAPP我都唔知....超樣衰呢.......趁佢未死得哂...重TRADE到...一於換咗佢啦.....其實呢部睇....今日睇唔夠十分鈕就仆鎚喇...HAHA....太倉促嗎? 嗯....冇辦法啦...次次懶係心思熟慮嘅決定....最後都發現係"錯誤的決定"!!! 有時靠直覺去決定亦未嘗不可(好似屋企部電視....我都係第一眼見到就OK....家陣咪好好地囉!!)!! 點解唔買NOTE II? 呢刻都未接受到牛龜馬大嘅電話囉!!



P.S. 另一個錯誤的決定就係部S100相機....頂...佢又LENS ERROR....原來有批機係有呢個問題出現架...激死我喇....乜都壞!!

放監...

無啦啦病咗兩日....星期六連BB蕉都去唔到焗住喺屋企踎.....星期日終於好番好多.....一於放監去威...(其實晨早約好架喇....唔想爽約嘛!!)先嚟同肥C奶一家食個LUNCH先........MR STEAK....沙律餐湯都係任吃....加個主菜(重有飲品同甜品)....超飽!!

 

食飽HEA完一輪就去咗呢度喇....又係手作市集.....



行完市集...啲朋友仔就帶咗我去呢度開飯...唔識路都有啲難搵架....好在最後都搵到啫......

懶...

典解次次想番屋企開飯都總係要OT架....無啦啦又7點先閃....番到屋企8點幾喇....巧肚餓呀想點呀!由於時間關係....史上最懶嘅晚餐出現喇....HAHA....火腿多過蛋嘅火腿炒蛋.....灑咗少少herbs扮吓高檔先....



魚湯蛙蛙菜....唔駛半粒鐘就有飯吃....爽呀!

拼貼玻璃瓶

講開團購...坦白講...其實我買嘅團購絕大部份都係做手作仔嘅COURSE....有蛋糕有手工藝...今次呢就係去咗玩拼貼喇....查實之前都買咗啲材料番屋企架...不過未有時間整....見到有平平哋嘅團購COURSE又想去學吓先整喎.....於是又JOIN咗呢個COURSE.....團購嘅好處就係可以平平哋比我哋呢啲八掛嘅人去見識吓....真係唔錯!!

未玩之前以為拼貼超簡單(我諗整平面嘅嘢應該真係好簡單)...不過我一嚟就整個玻璃瓶真係要花多少少心思同時間喇!! 整之前當然要揀好圖案先啦...花多眼亂...最後就揀咗呢張餐紙喇.....

揀好就要摵咗啲圖案出嚟重要摵淨面嗰層紙.....

其實個玻璃瓶平身有冇圖案架, 祗係一個透明玻璃瓶...掛住整冇影佢個真身出嚟添!!呢個係半製成品...有啲地方重未黐上圖案架....幾乎要黐哂成個玻璃瓶先叫OK架!!嘩...原來要填滿啲一忽忽嘅"吉"位先係最花時間呀!!

不過始終有啲位都係填唔到餐紙...最後就喺呢啲"吉"位度填上少少金色油......再上啲金油喺瓶口....禮成....終於攪個兩粒半鐘....好在OVER RUN都冇趕我走啫...HEHE!

 

 

 

一堆團購

前排同位朋友仔一齊買咗啲團購...呢期陸陸續續到期...所以呢期密密食....先嚟一個慳啲啦BABY....其實佢又比想像中好味喎...不過唔用COUPON又真係略貴....下次再有COUPON先會再食喇....

我同朋友仔一人叫一個SET DINNER....佢個SET DINNER名好型...我叫咗個BABY三食.....朋友仔叫咗個ANGELA三食...HAHA....其實係佢個MAIN COURSE有3款食物...可以每樣試少少啱哂"細食"又貪心嘅我....(係架...我好細食架咋!!)


今日呢...就去咗HIGH TEA...呢間嘢....嗯....真係一般啫...幾十蚊試吓都OK嘅..不過應該冇TAKE 2 喇!!

 

 

 

 

轉性...

番來喇.....番屋企吔飯喇....呢期真係轉咗死性....可以嘅話寧願番屋企煮少少嘢食都唔想出街食喇....有時經過啲茶餐廳聞到陣味都唔想入去食....而且一條友仔食真係食嚟食去都係嗰啲嘢, 確係悶爆,再繼續出街開飯嘅話恐怕有日真係攪到厭食症!!

終於有條清清哋嘅菜食吓!清清哋咪好囉.....我要求好簡單架咋....咁樣一餐已經好滿足!



呢餐嘛....由於時間關係....再懶啲....煮個喇星麵再加啲魚蛋同蟹棒都唔錯吖!

今晚嘛....稍為整多少少.....碟排骨雖然撈得好樣衰吓....味道都ok架! 其實本來我喺SUPERMARKET係想買PACK已經醃好嘅排骨架...之但係....我明明唔想食咁多出面嘅食物....睇怕人哋都係用味精醃架啦....最後我都係揀咗PACK冇醃嘅排骨再買埋豆豉同辣椒....自己試吓整好過啦!!

一碟排骨點夠呢.....呢半個椰菜最後都比我KO哂.....出去食真係食唔到咁多嘢呢! 係喎....呢餐....其實重有個白飯跟架.....大食呀!!

好...見呢期市花行咁深閨....整多個CATEGORY紀錄吓, 睇吓整到幾多餐先!! HAHA