繼續...嫺言嫺語: 6月 2007

2007年6月30日星期六

驚嚇四重奏

今晚過咗一個好驚嚇嘅晚上

．．．

驚嚇一

話說今晚又輪到我做support，放咗工就飛地鐵番屋企．．．搭車途中收到師奶仔個電話．．．唉！都知唔慌好架喇．．．果然係！師奶仔話個system有啲問題攪到user做唔到某啲function，　情況危殆．．．師奶仔話佢就閃，不過閃之前會再update我乜情況．．．唔係fa

．．．屋企都未番到就收到call．．．死啦咁鬼邪．．．今晚唔知點過．．．好彩師奶仔幾分鐘後又打過嚟．．．佢話最urgent嗰個case已經攪掂．．．其他case可以下星期先攪．．．呵呵，逃過一劫！真係唔該哂師奶仔喇

．．．

驚嚇二

臨番屋企前諗住去屋企樓下間惠康入貨，當我揀梗一pack pack嘅蜜糖脆皮腸嘅時候．．．隱約聽到身後有一把男人聲．．．細細聲咁講“靚女．．靚女．．”，由於自問並非“靚女”（平時亦都冇乜人咁稱呼我）所以我不以為然冇理佢．．．不過個男人又繼續講“靚女．．靚女．．”，咁我又望吓四周睇吓邊度有“靚女”

啦．．．點知周圍鬼影都冇隻，得我同身後嗰位猛咁哎“靚女”嘅亞叔．．．跟住個亞叔就同我講．．．

lee啲嘢唔食得架，食壞你呀，唔好買呀．．．係咁自言自語．．．嘩！乜料．．．條友真係傻架喎，都係即閃穩陣！哈哈．．．事實又再一次證明．．．祗有傻佬先會叫我“靚女”

比個傻佬嚇咗嚇，攪到冇乜胃口．．．去大快活頭皮買啲嘢食算喇!

驚嚇三

買完嘢就番屋企啦．．．點知．．．當我開鐵閘之際．．．發現．．．乜解救個鐵閘冇鎖呀．．．我好清楚記得今朝出門口嘅時候鎖咗架．．．莫非有賊

．．．開埋門再睇．．．乜間屋涼浸浸

?　唔係掛．．．冷氣開咗嘅．．．今朝明明熄咗冷氣先出門口架喎．．．再睇真啲．．．乜餐枱多咗袋零食同衫．．．我醒起喇．．．今個星期日排骨仔同肥師奶嚟我屋企玩兼且借宿一宵呀．．．所以．．．應該係二蔗孤上過嚟擺低啲嘢！真係比佢嚇鬼死

！

驚嚇四

十點幾．．．唉！又收到媽媽電話．．．個system又出事啦

．．．不過個問題確係好奇唔知點攪添．．．

user又話係urgent case．．．唯有搵啲星洲人求救啦，千辛萬苦終於聯絡到星洲人．．．死啦，時間又唔早，又唔知佢哋今晚fix唔fix都個問題添．．．正當我覺得非常徬徨之際再睇吓個system．．．乜無啦啦好番冇哂事?真係要還神

．．．

實不相瞞．．．其實我年紀唔細，真係唔多嚇得架，大家下次唔好再嚇我好嗎．．．拜託！！！

2007年6月29日星期五

每當變幻時

今晚又同咗骨妹去睇戲, 本應骨妹話想睇綁架嘅...不過原來就嚟落畫喇, 所以最後揀咗睇每當變幻時, 唔知係咪對套戲冇乜expectation 嘅關係, 反而覺得唔錯喎....亦可能係回想番自已過去十年嘅經歷....某啲遭遇確又同主角"亞妙"有點相似,令到我睇得更加投入, 真係好感觸!

2007年6月27日星期三

外賣仔

今日5點幾臨放工嘅時間收到一個user嘅call...之但係由於時間嘅關係個user又已經一早搵咗媽媽"訴苦", 亦都話比媽媽知佢發現嘅"問題"

.....媽媽本著"user至上"嘅精神用咗9秒9嘅時間行咗去我個位度, 講番之前同user傾電話嘅內容....內容大意係....個user"覺得"個report有問題.....咁我當然係問媽媽....

「個user點覺得有問題?大慨同佢expect爭幾多?邊條record有問題?可唔可以舉例說明之

.......

」

but sorry...媽媽一句都答唔到 (其實應該係話user一句都答唔到,我相信同樣嘅問題應該問過user)! 大佬....雖然lee度唔係法庭,但係凡事都講吓證據好喎大嬸! 真係比user吹到啤一聲.... 就係一句"覺得個report有問題", 我就由五點幾攪到七點幾.......但係都唔知做咗啲乜!....最後我當然係搵啲證據出嚟話比user知佢嘅"感覺"應該係錯架啦!

攪到7點幾終於可以走得, 咁啱師奶仔又一齊走, 記得佢之前話今晚想佢板前買外賣番屋企食....話時話我又真係未食過板前板前喎 ....所以就跟咗佢一齊去板前買外賣....(見今日做嘢做得抆抆哋, 真係食餐好安慰吓自己!)