有啖好食

前幾日收到持續進修基金嗰封發還款項嘅信...好嘢終於有錢收...都有幾千蚊架, 正!....再加上困擾咗我一排嘅超級大痱滋好得八八九九( touch wood 先

), 胃口好番哂...真係要食餐好嘅

..... 之但係出街又唔知食乜好, 最後都係買嘢番屋企煮....可以煮啲自己鍾意食嘅嘢都好吖

!

好耐冇飲老黃瓜煲瘦肉喇, 煲啖湯飲吓都好....

 

咪睇lee兜嘢好似唔多靚仔又立立雜雜咁,其實味道唔錯架.... 亞媽以前都好鍾意整, 好耐冇食喇, 今日無啦啦好想食,又估唔到啲味道又整得幾似亞媽煮嗰啲喎...啲豆腐卜索哂啲味...正!