尋日又係敝公司舉行嘅什麼什麼嘉年華 (即係運動會 + 攤位遊戲) 嘅大日子.....唉...實不相瞞...我lee啲運動白痴素來都唔喜歡去什麼什麼運動會....讀書嗰陣就話被迫要去啫....估唔到出嘢做嘢都攪埋啲咁嘅嘢....今次重要晨早9點9去到烏龜沙....重要落埋雨, 真係人都顛!去到hea咗陣已經想走喇
.....
其實....本來公司有專車接送嘅...不過...有兩個地點可以坐到佢架專車...一個係鑽石山, 一個係中環...兩架都係9點鐘出發....嗯...若然要搭lee啲車豈不是要更早起身出發!...
唉!! .....我lee啲住喺山區嘅兒童注定係要自己食自已....自己搭車去啦!
原來諗住遲到早走嘅...點知星期四嗰日收到舉辦單位嘅電話...叫我搵埋其他同事拖行馬去做marching....頂...重要早啲去到(原來10點開始架, 家陣要9點9)! 若然今次唔係劃鬼腳輸咗....無啦啦做咗乜鬼team leader都唔想咁早去呀
....冇理由叫咗人做marching自己又遲大到咁核突架嘛!
搭咗成粒鐘車終於到咗喇...去到居然落雨....個marching取消咗...全部迫哂喺個hall度做opening.....有兩個司儀吹吹水....其間....有個司儀重提醒大家...."大家要量力而為呀....聽日重要番工架"......好奇怪嘅呼籲
.....乜....乜....乜...比賽嘅嘢....唔係要全力以赴做到最好架咩?....真係唔知佢想點呀.....明知人哋聽日要番工就唔好開乜鬼嘉年華囉!又要攪又要驚人受傷 .....重要迫人去....想點呀...民主自由何在?...天理何在呀?.....抗議!!議!!抗議!!!....唔好意思呀....一比人迫我就會發顛架喇....
......唔好迫我呀 .... %$(@#^&@)#&@)#@%!%@)$^@)*
由於今次係去烏龜沙嘅關係, 同事們可以喺"悶爆嘉年華"嘅前一晚喺度玩宿營...當然要比少少錢啦.....不過啲屋似乎日久失修....唔多吸引囉!
對我嚟講都係得一個環節係較為吸引咋...就係.....lee班灌籃.....佢哋係我啲電腦部同樹嚟架....報咗名打籃球.....去到先嚟做吓熱身先啦.....
one 磨....two 磨....
佢哋打頭陣打第一場波.....不過....兩隊嘅年齡似乎有段距離喎....少年組對成人組咁喎....邊隊係少年組, 邊隊係成人組? 大家諗吓啦!
友隊嘅年青人以速戰速決嘅策略進攻...一嚟已經入咗3球.....6比0....我啲同樹喺穩守突擊嘅攻勢下苦戰一輪終於8:8 (場比賽10分鐘架咋...)....最後決定性嘅一球....入咗喇!!入咗喇!!.....不過....係人哋嗰隊囉........
......其實啲同樹都盡哂力...lee個成績都已經算好好........
.....掌聲鼓勵吓先啦!
至於上文提到嘅攤位遊戲就安排嘅室內舉行.....有嘢食又有嘢玩....不過....今次冇帶肥師奶嚟玩呀...實在太早喇....lee排又凍!!...嗯....我品人嚟講呢.....對lee啲攤位遊戲確係冇乜性趣囉!
其實都有雞蛋仔、煨魷魚、龍鬚糖嗰啲攤檔...唔駛錢...排隊就有得食!
睇嚟lee啲攤位好受小朋友歡迎...不過...."我已經長大喇"
........
重有堆遊戲室比人玩吓康樂棋嗰啲嘢......
之但係...我lee啲一支弓...真係超級勁悶囉...既冇o靚仔帶嘅、亦冇性趣參加乜比賽同物比賽....連朋友仔都唔多個...都唔知點解其他department啲同樹可以唔嚟嘅....媽媽同姐姐又忙住湊仔...其他人就去咗打波...我就....唔知做乜q...又餓又悶咁囉
...12點幾就一條友去咗開飯...lee個就係canteen....
對lee餐飯都冇乜期望架喇.....不過......都唔駛咁爛吓fa..........啲意粉好唔得呀........隊咗條腸仔同隻雞脾算喇.........
臨走嘅時候再隊埋個甜品....又係任食架!!
總括嚟講...lee個真係一個超悶嘅嘉年華...山長水又遠.....冇嘢啱玩又冇嘢啱食....可能你會問...乜你唔係睇咗場籃球賽咩...重食咗杯軟雪糕....又抽到$100蚊無印良品coupon添....係!冇錯...有3樣咁多
.....不過要我星期日流流晨咁早起身搭車去山卡啦 (重要搭成粒鐘車), hea咗喺度咗幾粒鐘悶到爆...連早餐都食唔切, 淨係企喺度食西北風...餓死咁滯....都係3樣咁多囉!
有得比我揀..我一定一定會揀."唔...去..."囉!!! 下次攪lee啲嘢嘅時候可唔可以做吓民意調查先呀, 睇吓有幾多人真係想去
?...又或者民主少少比人自由參與都好吖! 如果唔係....你只會得到我個人(攰到爆...真係得個驅殼)...得唔到我個心架!!
....冇上網搵破解方法(不過遲啲就難講囉).....我要.....努力!加油!!
....」
....」
