日本新春冰極之旅 - day 1

難得有幾日春節假期...又難得我同屋企人都請到幾日假去玩,所以我哋舉家去咗日本玩...查實雖然唔算齊人...爭咗亞媽同大力囉!! 由於要搭9點機, 今朝倒塔咁早就起身去雞埸.....同上次去泰國一樣...又係一合埋眼又要起身!!...不過最攪嘢係原來大家姐兩個朋友仔一齊同行...佢哋重係今次領隊...haha...咁都收唔到風....我lee個團友真係冇得頂! 不過都好彩有兩支盲公竹...唔係我哋實唔知訂啦!

真係晨早流流9點機架..........................

lee個飛雞餐又確係唔錯架喎!

今日天氣好好呀........

由於班機遲起飛攪到參唔10點先飛呀..足足喺隻飛機度hea咗4粒鐘呀...最慘係lee4粒鐘都係坐肥師奶隔離....攪到我冇得瞓添........

肥師奶都拖番個喼先...不過...佢個喼唔係擺衫架...全部都係...零食嚟架~

攪完一輪終於到日本喇....之後再轉火車去到大塚....係喎...之前啲朋友仔問我住邊我又真係唔知呀...lee個謎底都係今日先解開咋....原來我哋係住大塚嘅toyoko inn...係商務酒店嚟架....雖則酒店細細...不過尚算乾淨啦...價錢都唔算貴....適合我哋lee啲一家大細咁啦....不過佢最冇得頂係有得上網...查實淨係得大堂有兩大部電話...重要企响度打電腦...都好過冇啦.....初時以為佢cheap cheap哋冇lee家嘢添呀...不過可惜我唔見咗個card reader 啦, 搵唔到呀....所以upload唔到相上嚟..真係失敗中嘅失敗...啲相後補啦!

lee度就係酒店喇....雖然個款唔多靚...不過設備真係好齊全架!

基本嘅設備一應俱全........................

張床都好大吓...我哋試過兩個大人加大個小朋友都瞓都...堅呀!

最正係...佢連放濕機都有....真係冇得頂!

我哋settle down都已經係傍晚6點喇....由於時間有限,我哋就去咗原宿hea咗陣....買咗小小戰利品之後就去咗食buffet...其實係日式西餐嚟...啲食物同poke參唔多...位位七十幾港紙....都ok呀!食飽就打道回府休息...

啲pizza同意粉確係唔錯架.....