抵o錫

今晚同大家姐食飯嘅時候居然又收到幾封利是...真係最後一擊呀!!! 其實有兩封利是係排骨仔(即係我姨甥生)嫲嫲比我架....原來尋晚大家姐去咗二家姐屋企, 咁啱排骨仔嫲嫲喺度, 嫲嫲好識做咁擺低兩封利是比我....唔逗都有利是...爽呀!

其實尋晚嫲嫲重爆咗個小秘密呀...關於排骨仔架.....事原係咁嘅....喺我哋臨出發去日本前幾日嫲嫲打比二家姐諗住吹吓水...咁啱排骨仔就接咗個電話....排骨仔當然又係拎住個電話同嫲嫲吹陣水先啦....

排骨仔:「嫲嫲不如你新年嗰幾日去探吓亞paul吖.....」(註:亞paul=婆婆=我亞媽, 由於我哋成村人一齊去咗日本玩...得番大力留守大本營兼探亞媽, 大家都擔心新年流流咁少人探亞媽唔係幾好之餘...佢會悶同唔多開心!)

嫲嫲: 「不過...我新年都去旅行喎.....」

排骨仔:「嗯...咁你幾時番呀....」

嫲嫲: 「初五先番呀....」

排骨仔:「嗯...拿...咁你番到嚟休息一日先...第二日先去探亞婆啦....你呢要買小小嘢食比佢架, 買香蕉啦...不過一條夠喇...要啱啱熟嗰啲...唔好買太多...驚食唔哂....重可以買啲小食比亞paul架....」

故事完結喇...其實只係短短幾句對話...不過...睇得出排骨仔除咗識關心、體諒其他人...重幾細心添...真係大個仔喇....叻仔...

抵我同佢咁friend嘅......

係呀....其實今日係亞媽生日呀....亞媽....祝你身體健康...日日都笑口常開!