都話"踢波先嚟落雨架啦....".....你睇...今日勁好天呀....不過又真係要讚吓日本天文台....真係勁準...話落雨就落雨(啲人又真係好聽話朝早明明唔落雨都拎住把遮出街)....落雪又真係落雪.....話好天又真係好好天!
今日嘅節目係去outlet.......喺富士急附近.....點解去富士急嗰日唔去埋.....嗯......嗯......嗯.....我哋鐘意呀....吹咩!
...其實今日同肥師奶一家分開冷靜吓....小朋友邊會鍾意去outlet吖......
lee頭又係凍啲架....咁啱今日大風.....又係超凍嘅一day! 好彩好天咋...唔係重凍!
又係周圍都係雪呀...........
睇吓...今日好天到......個富士山好靚呀......
又影番張相先..........不過....由於好多嘢都係"made in China"嘅關係（去到日本又冇理由買番中國嘢啫）....所以...最後乜都冇幫趁到.....
由於大家姐話要再戰上野．．．所以又搭咗參唔多３粒鐘火車去．．．．頂！去到又６點幾７點．．．又係參唔多落閘放狗．．．．我哋又要９秒９咁掃貨．．．激屎！
由於唔知想食乜．．．最後都係番新宿食拉麵．．．．今次去咗博多天神食猪骨湯拉麵．．．其實幾年前同亞媽都嚟過．．．．記得上次又係好凍．．．又係食咗碗熱辣辣嘅猪骨湯拉麵．．．．上次食覺得．．．真係好好好好食
．．．第二日重同亞媽番啅添．．．不過．．．．唔知點解．．．今次．．．．冇咁好食嘅．．．．究竟係間嘢差咗．．．定係心情唔同咗呢！係呀．．．無啦啦又玩吓感性．．．．你吹我唔漲！！
沒有留言:
發佈留言