今日．．．又要飛喇．．．要飛番香港喇．．．由於時間關係．．．晨早８點幾就喺酒店checkout咗先．．．雖然冇乜買嘢．．不過個個都唔知點解攪到成手都一袋二袋！
我哋最後一個行程係．．．竹地市場．．．
我都係第一次去咋，重以為淨係賣魚架添．．．原本重有好多疏菜賣架．．．．
有好多間食肆呀．．．不過間間都係豆潤咁細．．．容納唔到８個人啦！
難得有間寬敞啲．．．我哋即刻貢入去啦．．．．啦屎一餐唔好慳．．．
肥師奶嘅至愛．．．．．鰻魚是也！
啲嘢又確係幾新鮮．．．．．
不過都係海膽同帶子最正呀．．．．
．．．一人都係百零蚊又唔貴呀．．．
食飽番酒店拎埋行李就搭車去雞場．．．亦都係全程最緊張刺激嘅環節．．．真係爭啲趕唔切班機呀．．．話說我哋搭３點半機．．本來預咗點半鬆啲去到雞場．．．點知hea吓hea吓．．．去到雞場都２點幾．．．去咗terminal 2先發覺agent印錯咗資料．．．應該要去terminal 1先啱．．．即刻又搭番機場巴士去terminal 1．．．攪到２點４０先checkin．．．啲地勤都猛話"no time...no time"．．．催我哋入閘呀．．．超驚險！
你睇．．．係咪好走難feel呢．．．戰地記者亞祖喺現場直擊報導！
終於上機喇．．．咪以為可以嘆吓．．．其實祗係另一痛苦嘅開始.....因為lee程機又真係長到爆．．．由日頭搭到夜晚由下晝３點幾搭到夜晚１０點幾先到香港．．．飛雞餐都隊咗兩個．．．．
．．．因為．．．冇哂直航機．．．焗住要搭架喺台灣停一停嘅機．．．．真係坐到pat pat都扁!
第一個飛雞餐．．．．．
黃昏喇．．．都未到台灣架．．．．．．快啲啦．．．．
天都黑哂喇．．．終於到咗台灣．．．．嘩．．．台灣都落狗屎呀．．．
空中小姐話想落機hea就要拎哂啲隨身行李走．．．鬼咁多嘢拎．．．所以我哋選擇唔落機hea呀．．．留喺度又係食．．．．
食埋上機前買嘅便當．．．．．．．．
等咗一粒鐘左右又起飛喇．．．．再食第二個飛機餐．．．．飽哂啦．．．食咗生果同菜就放棄喇...................
最攪嘢係．．．番到香港臨入境時先醒起．．．原來我個銀包（張身份証喺銀包入面）擺咗喺喼．．．而個喼又晨早寄咗艙．．．唯有拎住個passport樣衰衰咁．．．同海關哥哥講”張身份証擺咗喺喼度．．．”．．．海關哥哥就話．．．”下次記得拎番張身份証喇．．．”．．．係．．．知道．．．yes sir！
~ 旅程完畢，多謝收看～
沒有留言:
發佈留言