若然要大家玩填充...你會喺”我終於....”呢三個字後面架啲乜嘢子呢....今日我就同個朋友仔玩咗呢個填充題....
話說今日放工嘅時候有條茂利朋友仔笑淫淫咁打比我，一嚟就話”亞祖我好開心呀，有啲嘢想講你知呀．．．”
亞祖：「吓，有乜咁開心呀．．．」
茂利：「係呀，我今日終於．．．」
亞祖：「終於乜嘢呀．．．」
茂利：「我終於．．．」
亞祖：「即係乜嘢啫．．．係咪結婚呀?」
茂利：「唔係呀．．．」
亞祖：「搵到工 ?遲咗職 ?中六合彩?定買咗樓呀．．．」
茂利：「都唔係呀．．．乜你份人咁表面架．．．」
亞祖：「係呀．．．我不嬲都係咁表面同膚淺架啦．．．．即係點啫．．．」
茂利：「我終於．．．加咗人工喇．．．」
其實．．．我又確係幾蠢吓．．．咁都估唔到．．．話時話之前媽媽同我做appraisal嘅時候我又真係冇問”有冇人工加”又或者”加幾多”之類嘅問題．．．當然我唔係視錢財如糞土啦．．．不過．．．喺度做咗咁多年．．．真係”化”囉．．．唉！都係嗰句啦冇期望就唔會失望囉．．．．
．．．係喎．．茂利呀茂利加咗人工幾時請食飯呀．．．你唔自動獻身我實爆嚮口公開你身份架．．．係喎．．．都係講番句”恭喜哂”
．．．
話時話若然問我想喺”我終於....”之後填乜字．．．我諗．．．我最想填嘅係”我終於ｘｘ喇”．．．”ｘｘ”係乜．．．唔話你知．．．唔駛估啦．．．你一定估錯（我相信十個有九個人都會估錯囉）．．．
...不過....又真係得果幾句....寫得好頭皮吓囉!
)...
.....
...
):
)...是但啦....出定穩陣囉!
....乜....乜.....乜你原來3日冇番工(又確係唔講都唔知囉
順便幫你祈個禱添啦.....
...安息啦....oh sorry又打錯....係"安心休息"吓啦........我會等你番嚟架.....