唔覺唔覺又到旅程嘅最後一日.....喺酒店食完早餐又去玩....今日個早餐"好得"呀!
今日都係兵分兩路...小青蛙佢哋去佛光山拜佛...我哋3個去咗呢度hea....呢度其實係"錯視"展嚟架....都幾得意...不過場地唔夠大...好迫呀!!!!!
真係超多人架...好彩早啲出發啫...唔係實入唔到場!
其實呢度一帶都有其他場館架...全部都係啲藝術展....重係唔駛錢添而且啲展品一啲都唔流架...香港嘛就係缺乏呢啲地方啦!!!!
睇完嘢就去開飯....尋晚個扒真係食完番尋味....再嚟!不過今次去咗百貨公司嘅foodcourt食! 食完順便shopping......散散財!
到咗夜晚匯合埋小青蛙佢哋就一齊搭捷運去雞場....又要飛喇! 話時話高雄個雞場真係好流吓....淨番幾舊水諗住散埋佢算啦....典知...真係有錢都冇"訂"洗...慳番!
後記: 都話呢個係7仔團架啦....呢度只係部份嘅收據咋...大部份都係屬於7仔架! 三十張呀....(重係未齊添)....恐怖!!
晨早起身梳洗完諗住齊齊去食早餐啦(旅館包埋早餐架)....點知落到樓下間餐廳鬼影都冇隻...最後要司機叔叔打電話先搵到老闆!!...hea咗一輪終於等到個早餐喇....今日個早餐都ok....有我至愛嘅樹多啤梨jam.....重有生果食添...
食飽又閃喇．．．．去參觀吓啲廟先．．．．不過都不忘食吓嘢嘅．．．我見支雪條係我啲同類所以幫趁吓佢囉．．．．
之後師機叔叔帶咗我哋去車埕遊一遊．．．ｙｅａｈ．．．喺度買咗部火車比排骨仔呀．．．．佢重好鍾意添！
行完又繼續坐車去集集．．．行集集之前去醫吓肚先．．．由於大家開始山窮水盡．．．cheap cheap哋食麵算啦．．．
呢度就係集集喇．．．周圍有啲小店舖．．．同車埕參不多．．．．
行完集集司機叔叔又車咗我哋去睇古堡．．．不過去到都參唔多關門．．．所以冇行到．．．行咗去另一條街買嘢食．．ｈａｈａ．．．．
食飽就繼續向高雄進發喇．．．而司機叔叔嘅任務都已經完成喇．．．我哋自己留喺高雄玩．．．司機叔叔就歸家喇．．．今晚住酒店呀．．．呢間又唔錯喎！
安置好啲行李就出去玩喇．．．．又係開飯嘅時候．．．由於唔係個個都想掃街唯有分道揚鑣啦．．．我當然係玩掃街啦．．．嘩！有扒鋸添．．．好味！
食飽飽諗住齊齊行六合夜市啦．．．點知行錯路．．部份團友太攰所以就番酒店休息．．．而我就同另外兩位唔捨瞓嘅朋友仔繼續行．．．終於都搵到六合夜市喇．．．．．．ｙｅａｈ．．．我哋顛到連十蚊兜都買一餐重買咗二百幾蚊．．．堅！番到酒店兩點幾食生果當宵夜．．．３點食古古力當宵宵夜．．．ｈａｈａ．．．食飽先捨得瞓．．．．堅！！！！
家陣好似小學做功課咁....玩"每日一篇"
....今日又嚟到旅程第6日喇....由於間旅館都係爛爛哋....所以早餐嚟講呢...都要係爛爛哋咁襯番佢....呢餐真係連我都覺得超爛!! 係....就係呢袋包...屋主就係搵咗呢袋麵包攪掂我哋....真係唔該哂多謝哂!!
司機叔叔見我哋咁鍾意食古古力...所以又帶咗我哋去買古古力呀...不過時間尚早人哋都未開門我哋就喺附近食啲嘢hea吓先....
yeah...呢度唔只有古古力...重有雪糕同埋蛋糕賣架...我都買咗個木輪蛋糕比肥師奶佢哋食呀...好味!
之後我哋去造紙工場參觀...我哋喺度又掃咗唔少手信喇!
之後又去開飯喇...今次都係食特式餐....
個人認為...啲菜係最好食...好甜!
食飽咗司機叔叔又帶咗我哋去慈恩塔....真係好鬼健康...又行山...haha! 不過...估唔到...喺呢啲地靈人潔嘅山上...生化兵團嘅成員都要污染佢...大家務求嘅所有嘅名山大川都要放低幾襾...留下大家嘅"屎"跡....利害利害...亞祖一向都以為自己好"痾"得架啦....殊不知今趟旅行真係令我見識不少....終於明白乜嘢叫一山遠有一山高.....各路"英雌"...亞祖真係甘敗下風...自愧不如呀!!!
行完又繼續上路....行到半路有間彿寺嘅物體司機叔叔問我哋停唔停低睇...停!不過我哋去咗睇第二啲嘢囉...haha....又嚟品茗呀.....當然又係走唔甩啦....啲買嘢嘅惡魔真係成日喺我身邊架.....
yeah....再坐完一輪車終於到今日住嘅旅館喇...呢間都好得呀....間房入面有兩層架...7個人一齊住...勁!
oh....前幾日都陽光普照架...今日落狗屎添....落雨真係好鬼唔方便...唔願出去呀...出去行咗陣就番旅館hea....hea到夜晚先出去開飯....呢間又唔錯喎....隻雞同啲山豬肉都好好味呀...encore先得呀....
朋友仔話想玩煙花...不過....勁落雨...等極佢都唔停雨...第二日番市區玩唔到架喇....最後去咗呢個亭到放煙花...咁就唔怕落雨啦!!好玩!!
今日個早餐終於正常番....食西式嘢...不過都係冇杯正常嘅"茶"飲吓....(典解呢度啲西茶一定要落糖架...重要好甜吓....難頂!)
終於有蛋食喇...yeah!....冇嘢飲唯有飲啖濕米湯啦!
食完個早餐就周圍hea吓影吓相...話說我哋住嘅地方有個玫瑰園架...又走去八吓先....唓!又係光禿禿架...失望!好難先搵到幾朶花影吓咋!
hea完之後就叫師機叔叔車我哋去睇朱古力喇....呢度都好靚呀...不過條車路真係又彎又窄....真係好恐怖吓....好彩師機叔叔技術好咋....個朱古力莊園入面都有個小農場架....當然唔少得主角古古力啦!
睇先古古力我哋就走咗去青青草原睇羊咩咩........都係嗰句啦.......天氣好就已經very good喇..........
行完一輪山真係腳仔軟....要食個lunch先喇.....好豐富呀....
食飽飽亞師機叔叔就帶咗我哋嚟呢度喇....其實呢度係蔣芥石嘅行宮嚟架...之但係....乜門口個閘鎖咗嘅?! 一場嚟到....我哋一個二個賊仔唯有玩擅闖民居夾硬擒入去啦..."人嚟呀...有賊呀"(其實又好似冇乜特別嘢好睇喎...haha).............
做完賊仔又去食飯喇....呢度係食雲南擺夷料理架....
呢啲特式餐嘅特點就係....通常都唔多啱胃口囉...haha!(而且個agent幫我哋卜咗個團餐, 啲嘢食冇得揀)....
夜晚我哋嘅行程就係夜遊7仔....呢間7仔我哋已經喺兩日內行咗七七四十九次....救命! 好在隔離有間賣紙品嘅shop行吓啫....連啲燈罩都係用紙造架...好靚!
行完就繼續坐車去今晚住嘅旅館喇...oh....乜呢度上鏡靚過真人貢多架! 頂!怕且個室內溫暖都係唯一嘅賣點(不過最後我都係冇浸到...haha)
好彩轉咗間正常酒店啫...尋晚瞓得好好呀! 不過....晨早起身就發覺肚仔唔多妥....重要晨咁早爬起身睇日出添
....趁未出發先痾兩嘢!(以為痾完冇樹啦...典知...)
6點鐘出發喇....坐車15分鐘就碌咗上山....不過....太陽伯伯呢?唔見咗嘅?個天光哂喇喎....乜得都睇唔到......典先!
睇唔到日出唯有周圍參觀吓....影吓相啦...
hea完就番去食早餐喇....都係嗰啲嘢啦...冇乜驚喜.....
食飽就各自番房抖一抖..(而我呢又要番房繼續辦大事呢...前前後後左左右右痾咗4次先收手....)...抖完就出去遊覽一吓(其實酒店周圍係一個農莊嚟架...尋晚太夜到冇時間遊覽...).....之但係....有啲朋友仔一上房之後就唔想再出房門...最後得番4兜友行咋.........
唔知係咪因為冬天呢...啲樹十居其九都係光禿禿....成個果園都好似廢虛咁....不過又好彩今日超好天...有我最喜愛嘅藍天白雲...彌補哂啲爛花爛樹同爛果...
睇完就搭車落山喇....yeah...又經過啲雪山...遊多遊先.....不過都係尋日落車嗰個地方靚啲同高啲......
大家又估唔估到典解山上無啦啦有間爛屋呢? 係...無錯...佢其實係一個爛廁所....冇得沖水亦冇得洗手...不過....生化團嘅軸心人物不顧一切亦唔怕冷親個pat pat....誓要喺度幹一番大事...真係佩服佩服....我唯一可以幫到佢手嘅就係......喺佢辦完大事之後奉上一張消毒濕過佢抺手啦!真係辛苦哂呀生化領袖!!
睇完雪山又繼續坐車碌落清境...到咗清境又係醫肚時間...搵間餐廳開飯先!
食飽就周圍hea吓買吓嘢影吓相....啲旅館好靚架.......
行到黃昏就去酒店check in喇....嘩....間酒店好靚呀....重趕得切食個tea(有餅同餅食)
間房都唔錯架.....酒店重有個工場自製麵包架....
hea到咁上下又食晚飯喇.....巧飽!! 重有我至愛嘅法式焦糖燉蛋添....
食飽飽又出去散散步先....oh....有間茶莊喎...去八吓嘆番杯夜茶先!!好茶好茶....我都喺度買咗少少茶葉自奉呀...hehe!
