老朋友

好耐都冇寫過同啲朋友食嘅啲小便飯喇...家陣通常都寫埋啲大茶飯嘛...典解無啦啦又寫呢篇嘢呢?!餐飯有乜咁特別呢?

其實...呢日係約咗個幾年冇見嘅朋友仔食飯...應該有3年冇見喇....其間重係冇乜聯絡添....約佢嗰陣真係有啲戰戰兢兢呀....咁....點解無啦啦搵佢開飯呢?! 嗯....想見囉..... haha...就係咁之嘛!!

開飯呢家嘢...當然係搵多兩隻腳開心啲啦....最後一行4人去咗深水埗嘅容記小炒開飯....先嚟兩個煲仔飯先....話時話今個冬天都係第一次食煲仔飯咋!

重有蝦餅....豆苗....啫啫雞煲同埋燒肉!

嗯....同呢位朋友仔真係太耐冇見....感覺既熟悉又陌生....熟悉嘅面孔...不過又有點陌生嘅感覺....希望下次唔駛等3年先再見啦! 話時話...一齊食飯嘅4條茂利當中有兩位都轉咗行....其中未轉行嘅朋友仔都搵緊其他出路...嗯...咁亞祖呢?!有冇諗過轉行呢? 有...當然有啦!(畢竟IT呢行真係好難做到退休呢...加上...已經有點意興闌珊)...haha...不過重係思考中....