行程嘅第二日我哋就離開台北向台中出發喇....食個早餐先....整咗個MOS Burger早餐先.....之後就搭高鐵去台中喇.....
一粒鐘車程就到喇...之後搭酒店嘅專車去check in....時間尚中未有房呀...都係出去行陣先......行吓書局都有斬獲呀....堅! 行飽就搭車去彩虹村....
呢度就係彩虹村喇...啲晝係咪好colorful呢....好型!
行彩虹村又夠鐘醫肚喇....終於千辛萬苦咁行到去哈魚市場...真係好遠吓架...又唔識路.....行到腳仔都軟埋......
其實哈魚市場入面係food court嚟架....咪以為food court就冇好嘢食...呢度有好多海鮮食架....當然有魚生食啦!啲魚生都好肥美架...海膽都好味....不過啲蠔就真係腥咗啲....連我都爭啲頂佢唔住.....
重有小青蛙至愛嘅三星蔥餅...好嘢有機會試吓....確係幾香蔥味...
食飽就飛的回程喇...番到台中又行夜市...又係食同食....唔知大家有冇留下...下圖嘅食物有....蕃薯同蕃薯呢...嗯...大家係咪開始明白"生化團"係乜嘢意思嗎?
飲飽食醉又係時候番歸抖喇....呢間酒店都算ok....
P.S. 根據Yahoo知識講...."蕃薯含一種粘液疍白,是一種多糖和疍白質的混合物,對改善便秘 ,痔瘡,阻止血管硬化有特效。"....而亞祖指嘅"生化"係泛指人類用身體本能製造出嘅武器...可以分為"固體"同"氣體"兩樣....當一個人食咗蕃薯之後就可以製造出強而有力嘅"生化武器".....
沒有留言:
發佈留言