十六形人格

前排打書釘嘅時候無意中睇到有關十六形人格(MBTI)嘅書....一睇就知....佢應該係九形人格啲friend啦...都係用嚟比大家了解自己屬於邊種性格類別.....佢個分析都幾有趣....個人認為都幾準確....即管share出嚟同大家分享吓!

其實佢嘅理念係將個人嘅性格分開4個種類嚟睇...每一個種類有2種唔同嘅類型...

（心理能力的走向）- E)外向型  I)內向型

（認識外在世界的方法）- S)實際型  N)直覺型

（倚賴什麼方式做決定）- T)思考型  F)感覺型

（生活方式和處事態度）- J)判斷型  P)感知型

再由這四大類再演變及配搭出16種外在狀態模式，包括:

ESTJ, ESTP, ESFP, ESFJ, ENFP.......如此類推....

http://www.apesk.com/mbti/dati88_tw.asp

http://www.youtheart.org.hk/index.php?id=218

試咗上面嗰兩個test....唔同嘅問卷....得出同一個答案呢...其實未test前已經估到自己係邊種...haha...果然不出我所料!

講咁耐...典解亞祖無啦啦要share呢個test呢? 實不相瞞...近排亞袓覺得自己成日都好似同好多人都有啲溝通唔到嘅"揀著"...無論係番工放工...對住同事..識咗多年嘅好友甚至屋企人....諗住做啲嘢令大家開心啦...典知劑劑都攪到自己好唔開心之餘....別人亦未見得高興!!....我真係開始懷疑自己係咪變咗外星人....攪貢多嘢都係多舊魚呢.......

直至前兩日同個朋友仔吹水....講番我嘅"苦況"....朋友仔就好言相勸貢話"如果係咁...下次咪攪囉....唔好搵佢囉..."...嗯....好消極嘅想法!! 朋友可以疏遠...咁家人呢?! 已經冇朋友架啦...重玩疏遠真係唔係辦法!尋日上上吓網就醒起呢個test....玩完之後....終於明白問題所在! 除咗因為大家性格上嘅差異...連思考同做決定嘅方式都好唔同吓...原來真係可以完全唔明對方諗乜咁!.....嗯...其實我係頗極端的INFJ人...不過...我相信朋友仔之中絕大部份是理性的"ST"or "NT"型...怪不得有時真係完全唔明白啲朋友仔諗乜貢啦!!

咁...做完個test可以改變啲乜呢? 坦白講"冇"...不過確係了解多咗自己同其他人...明白點解人哋一句說話可以令到亞祖唔開心到成晚瞓唔著....以前真係覺得唔明其他人諗乜有點"痛苦"呢!!! 嗯.....我相信了解多咗諒解同包容都會自然多咗....對人嘅expectation 都會唔同咗!!....或者....我只可以繼續亞Q咁諗...其實啲朋友仔唔係對亞袓咁差 有時只係大家嘅思想唔同啫...(始終好難expect其他人會有突如其來嘅轉變....至少....咁諗我個心會c服啲)...不過....作為一個成年人....說話之前想一想別人"揀受"都係待人接物嘅基本原則..."性格係咁"真係唔係大哂! 互相尊重確係好重要呢!!!

註: 呢篇真係純屬有感而發....切勿無無謂謂的對號入座....共勉之吧!

戀愛總是平靜地意外死亡...

前排同樹問我有冇性趣睇舞台劇....見到佢個劇名貢有趣都未睇係邊個做就應承個同學一齊去喇....haha...之後先知原來林一峰都有份演出.....

繼Training上河圖之後...今日3傻又一齊去睇舞台劇.....

有趣!真係冇冷場呢....每個演員都好出色!最喜歡梁祖堯飾演嘅Jude...攪笑抵死....當然林一峰嘅歌藝亦都好得啦....不過.....更喜歡林小寶嘅歌聲...真係好好聽!

咕哩唔易做~

今日又放假喇....為咗清埋啲假期...由上星期開始....亞祖實行咗每周工作4天...haha...爽呀! 不過....今日下晝要去做苦力呀...所以放假都係hea喺屋企抖足精神先去做咕哩!

好耐冇去金鳳食蛋撻...橫掂去開灣仔.....順道去high個tea先...oh...遲咗幾步....冇哂蛋撻喇! 得雞批咋! 失望!!!算啦....食飽就上路喇.....

係喎....講咗貢耐都冇講點解要做苦力添....話說前排中秋同啲朋友仔食咗啲好美味嘅帶子同長腳蟹....睇到啲家姐流哂口水....所以我就搵朋友仔幫手訂....横掂都訂開就問埋其他同樹訂唔訂埋一份啦....貢知...真係一呼百應...個個都瘋狂訂購....亞祖當然係其中一個瘋狂人物啦.....攪吓攪吓....你哋睇....一共4大箱.....

朋友仔帶咗我同兩位同樹一齊去攞貨先....total 4條茂利 (全部都係婦孺....個個都唔算十分高大呢)....就係貢得哋就搬啲貨去公園再分贓....大慨十分鐘嘅路程....真係好似行咗幾粒鐘貢...真係死貢滯.................

大家一定以為搬10分鐘好小兒科啦...係....你啱! 不過....我都訂咗唔少嘢呢...由灣仔拎番屋企真係好甘吓....一盒帶子....9大塊牛扒.....2kg翡翠螺....8隻大閘蟹....嗯....點都唔夠一部大牛龜電視機貢重嘅....一路行一路咁諗"安慰"吓自己haha!

終於番到屋企喇....最後...攪到個雪櫃都淪陷埋!勁!!

馬賽克(三)

世事真係奇妙...明明係同根生嘅兄弟姊妹...但係外表各異...高矮肥瘦乜都有....到咗時機成熟...想幫佢哋搵個又啱key又襯嘅另一半啦...點知...真係同人唔同命...外表娟好嘅當然係比較易搵到另一半啦....重可以有好多選擇添! 之但係...有啲相貌都不俗嘅...硬係搵極都搵唔到啱襯嘅另一半....莫非好嘢真係貢快比人搶哂?!

好眉好貌嘅都尚可以等吓機會吖....咁三尖八角嗰啲莫非一世都搵唔到另一半?! 不過...世界就係奇妙在...一山還有一山高....當你覺得自己三尖八角嘅時候...竟然比你發現有個比你更三尖八角嘅...嘩!即刻襯哂...簡正係perfect match添! 問你屎未! 其實...講咗貢耐....你究竟知唔知我噏乜啫.....咪係囉....就你佢囉....睇吓個subject都知啦...咪就係講緊砌馬賽克囉!!

明明啲磚一手一腳都係我剪架嘛...典知剪得邊大邊細....真係高矮肥瘦乜都有架 (呢個好明顯係剪磚嗰個人嘅技術問題啦)! 剪完啲磚咪開始砌囉....要夾形狀又要夾色....確係唔容易架....砌咗成堂都係得貢多咋...不過原來我已經算快喇....hehehe!!!

第一個作品完成咗喇....個盒油咗少少銀色...睇嚟啲磚整得太疏...其實係啲磚高低唔一樣...抆咗泥之後有啲磚被淹沒咗呢!! 重有好多改進空間 haha!!!努力!!!

不過...最奇妙嘅係...頭先上堂嗰陣有位亞姐問老師..."不如借你個sample嚟睇...跟住砌得唔得呀..."....莫非....呢位同學仔嘅道行可以高到cut到啲磚同老師個sample係一模一樣?! 其實...我喜歡做小手作就係因為每一件小手作都係獨一無二....重可以加入自己嘅喜歡嘅元素...有自己獨特嘅風格...嗯...copy cat有意思嗎?

夜遊急症室．．．前傳

借啲倚寫番啲懷舊"食記"先．．．hehe．．．其實都係一個星期前發生嘅事之嘛!!嗯．．．查實除咗想寫番之前嘅日誌之外．．．都想提提自己下次唔好貢顛喇!貢食法原來真係會屎架（亦都體現咗乜嘢叫做"有咁耐風流有咁耐折墮囉"）！

話說上星期六．．幾位好友約埋上我屋企hea兼夜晚一齊出去打邊爐賀一賀朋友仔"烏東"大壽．．朋友仔水長水遠嚟到．．晨早準備定雲呢拿雪糕．．菠蘿椰子雪糕同芒果雪葩．．再焗咗少少曲奇同雞翼一齊食．．．之後就再去新星打邊爐．．．任飲任食真係爽呀！

第二日就約咗小青蛙佢哋北上揼骨．．．今次地點係"三島"．．由於時間關係．．．去埋"三島"飲茶先開始揼骨．．４條友都好有"食力"呢！

唔知．．大家對於左上角嘅"二奶包"有冇乜嘢聯想呢?! 食飽就去鬆鬆骨喇．．．揼咗一粒鐘腳３粒鐘身真係ｃ服哂．．．

揼飽又食過．．．今次係食蒙古燒烤．．．好好味．．．不過．．．亦都好可能係食到又痾又嘔嘅原凶呢!（當然．．始終都係歸咎於亞祖本身身體太渣啦．．其他同行人仕食完都冇樹呢！！！）

其實啲嘢真係幾好味．．．可惜．．．亞祖係"妹仔肚"呢．．嗚嗚嗚！

終於就係貢．．．星期一就病到死吓死吓．．．不過．．．唔識死嘅亞祖當然係繼續約朋友仔開飯啦．．．星期一病咗．．．星期三又食．．haha．．問你死未！今次去咗"添好運"食點心．．．不過．．．今次亞祖好乖架．．淨係食粥水咋！連至愛嘅鳳爪都唔吼喇．．．

天啊！典解"妹仔肚"嘅亞祖識親嗰啲都係大食怪嚟架．．．有得睇冇得食真係比屎更難受呀．．．．

其實．．．我已經食咗食個星期粥水呢．．．家陣睇到啲相都流緊口水．．．好肚餓呀．．．嗚嗚嗚嗚．．．．

清明上河圖 + 香港動漫展

由知道有呢個展覽嘅嗰一刻開始....就已經好想睇(科技與藝術嘅結晶...想去一開眼界呢)....之但係....原來真係好難買飛呢! 好彩...最後都比同事買到....上星期四我哋3條茂利就齊齊去"賞畫"...

話時話....我都係第一次去亞洲博覽館咋.....若然唔係去"賞畫"...真係冇乜幾何去!

我哋呢啲死懶鬼...當然係下晝先出動啦....睇4點場.....真係好多人吓喎!

唔係講假架...有好多乜團物團....學生都幾堆....真係水洩不通架.....當中最受歡迎嘅部份...非"豬仔"莫屬...每次隻豬仔跑出嚟嗰陣都會引起一陣哄動同歡呼聲架...

我哋足足睇咗成粒鐘...真係比人烹先走.....之後又比我哋見到有個香港動漫展...一場嚟到當然要睇埋先走啦...原來近年多咗好多本地動畫...不過...真係唔多識...睇嚟比較出名都係"聾貓"....其實有啲公仔都幾有趣同抵死....希望佢哋繼續努力有更多人認識啦!

馬賽克(二)

好快又到第二堂喇....繼續整埋上次個盒仔先....黐哂啲磚就可以抆泥喇.....抆完再要用海綿抺走啲多出咗嘅泥....要等佢乾咗再幫個盒上色....

呢個就係另一份功課...係相架嚟架....今次玩"綠色系列".....原來要將塊磚剪得齊整都唔容易...試剪咗幾塊....硬係三角形唔似三角形...梯形唔似梯形.....

夜遊急症室

都話"妹仔肚"呢個朵襯我架喇...繼早前飽到嘔同食到痾事件之後.....尋晚又嚟個升呢進階版...又痾又嘔....腸胃炎是也!

事發經過係貢嘅...尋晚放工玩完搓泥諗住約11月喇星開飯順道賀一賀佢牛一啦....典知喺搭車途中無啦啦有啲想嘔嘅"揀著"...hea到去到深水埗...嗯...真係好唔對路...除咗想嘔..個肚仔都有啲唔多妥...唯有放棄飯局打道回府....係飛的打道回府嗰隻....生性孤寒又爛玩嘅亞祖居然毫不考慮貢選擇飛的番歸...辛苦嘅情況可想而知....

番到屋企當然係嘔吐大作兼痾到九彩嗰隻啦....根據以往記錄, 通常痾嘔完應該c服啲....典知....嘔嚟嘔去都重係好唔c服...個肚揀直好似打梗仗貢...好辛苦....痾都係痾咗兩嘢唔算辛苦...嘔先辛苦...嘔咗6-7次....夜晚嗰餐都已經冇食典解重會有嘢嘔架?!...真係嘔到冇哂力.....hea到參唔多11點...真係頂唔蒲...嘔到wing wing哋....都係打比大家姐求救穩陣.....

大家姐一嚟見到我個衰樣都提議我睇急症....於是佢就同我一齊飛的去仁濟...典知...一行入急症室已經見到成村人.....重話要蛋4粒鐘先有得睇...死得啦! 於是...我哋又再飛的去港安....好在得小貓三四隻(一分錢一分貨呢)...等咗一陣已經可以見到大夫....大夫重suggest我入院觀察....重話可能要住兩三日....唔係fa!....之但係...講完一大輪...原來d病床已經full哂.....最後亞姑娘比咗個私家醫院list比我哋....要自己打電話去問其他醫院有冇位! 吹到啤一聲! 攪完一大輪最後都係決定啪兩支針攞埋藥再番屋企抖...

幸好打完兩支針已經好好多(不過打到兩邊pat pat都痺哂呢)...一覺瞓到大天光....起身又要啪丸喇......!

好在大家姐喺度....病都有啖粥水食...呢個係小米粥...我都係第一次食咋...

重有個八妹仔 MeMe同我一齊食....hehe

馬賽克(一)

抖咗一輪又番學喇....今次除咗搓泥之外重試吓玩馬賽克.....今日番第一堂....原來啲磚有好多款架....唔同質料...五顏六色真係攪到眼都花....

有選擇恐懼証嘅亞祖選擇咗最愛嘅紫色系列....由於係第一堂嘅關係....老師只係要求我哋嘗試舖磚....本來我都想砌朵花出嚟架...不過由於時間同技術都有限....唯有退而求其次將啲磚舖滿盒面算啦....未完成架....要抆埋啲白色泥先得架...期待下一堂!!

其實有好多磚可以揀架...不過...我反而唔太喜歡嗰啲四四方方嘅磚....感覺太有規律有點硬崩崩....好死板....最後揀咗一堆比人"界"到一忽忽嘅磚....嗯....呢啲叫"亂中有序"....hahaha......

 

妹仔肚下集

講咗貢耐...唔知大家明唔明乜嘢叫"妹仔肚"呢? 其實"妹仔肚"嘅意思係泛指一啲腸胃功能極差嘅人就算食幾多好嘢都好....最後都會吸收或者消化唔到....輕則上吐下瀉...重則病到九彩....亦都好明顯....亞祖就係呢類人啦!

解釋完一輪....都係言歸正傳講埋個下集啦....話說星期六睇完黃子華之後....星期日又約咗小青蛙開飯....諗住約埋三五知己一齊上小青蛙屋企食大閘蟹....小青蛙當然係煮番幾味招乎朋友啦....好味呀.....

食到咁上下主角出場喇...一人兩隻蟹....都幾肥美....正!

食完大閘蟹當然係飲番杯薑茶啦...重有桂花味添...好香...之後重有條魚呀...好得!!

其實....食到呢個地步都ok架....之但係.....食完一輪嘢真係有啲口乾囉....最後飲咗兩盒檸檬茶.....飲完都重ok架......都真係幾飽吓囉.....臨走前小青蛙再整多碗湯嚟....嗯....好似好好味喎.....嗯....飲埋佢啦....飲到大半嗰陣....嗯.....真係好飽吓囉....嗯....真係唔得喇, 飲唔落.....時間又唔早都係閃罷啦....不過個胃又好頂喇.....都係行快步番屋企喇....嗯....番到屋企坐唔夠兩個字.....就.....嗯......衝咗入廁所....不過今次唔係嘔囉.........嗯.....最後痾咗兩獲先瞓....第二日都重痾.....頂!!! 唉! 確係嘥料啦....將小青蛙精心炮製嘅食物話都冇貢快就沖哂落屎塔...真係唔好意思呀!!

妹仔肚上集

話說星期六嗰日攪掂咗部新電視之後就約埋小青蛙佢哋去帝苑食tea buffet...之後就齊齊去睇黃子華....

之但係搬完部大牛龜之後真係元氣大傷...要hea多陣先出門口...典知又遇著塞車...真係遲上加遲...本來3點半開始嘅buffet...我就4:30先去到....攪咗半日乜鬼都未食真係好似餓鬼投胎咁啦....係咁食係咁食....好味....

唔覺唔覺隊完一大輪....食到飽飽之際...oh...唔對路....真係食得太急喇.....重要超飽...有啲頂住頂住嘅"揀著"...屎火...乜....貢想獲利回吐嘅...正當大家食飽吹水之際...我就好冷靜咁樣除咗件外套慢慢行去洗手間....到咗洗手間....當然係即刻衝入廁所....對住個屎塔作90度躹躬.....果然....係將啱啱食落肚嘅嘢嘔番哂出嚟...頂! 駛唔駛貢快呀...真係破哂紀錄.....吹漲.....啲cake好好味架....嘥嘢!!

嘔乾嘔淨c服哂....之後就慢慢行去紅館睇黃子華喇....真係巧精彩!! 唔知大家有冇睇呢個show呢? 可能你覺得好難想像到....典解成萬人去睇一條茂企喺度吹水....haha...不過....真係好佩服佢呢...始終覺得吹水界中...佢係最有才華嘅一個! 佩服佩服!

係喎...究竟典解呢篇嘢叫"妹仔肚上集"呢...貢...下集嘅下場又係典呢....想知亞祖有幾"妹仔肚"?!請看下回分解!

我家的新成員

Yeah...終於捨得換電視喇...我呢個孤寒鬼搬咗年幾都唔捨得換電視...上個月出糧終於都忍唔住買佢番嚟! 之前去過百老匯...雷射同豐澤格過價...不過都唔及朋友仔幫我問嘅員工價...最後緊係搵朋友仔幫手啦.....

晨早諗定送電視嚟之前搵收買佬幫我抬走新舊電視...點知收買佬見到我部大牛龜即刻耍手兼擰頭...死都唔收....真係送比佢都唔要! 唉....典算呢.....新電視又就到唔拎走部舊電視無位裝新機架喎...又搵唔到家姐....時間無多...唯有頂硬上....自己搬啦! 頭皮搬佢落地先....頂!唔搬由自可...原來真係好很重....真係重過我! 搬搬吓唔上唔落...又冇力搬番原位...唯有繼續死頂頭皮"掟"部機落地啦...真係嚇死!

搬部舊電視之前重要移開個地櫃....真係死貢滯!

話咁快部新電視就到喇.....再等多幾等....裝機哥哥都嚟埋...haha...裝機哥哥見到地下部大牛龜就問我"係咪你搬架?!"...我話"係"嗰陣....佢碌大對眼同我講"好犀利呀"...haha!! 真吹啤....其實裝機哥哥都好好人.....裝完部機後重幫得移番好個櫃先閃!!今時今日貢嘅服務態度真係好得囉!

終於攪掂...至於部舊機嘛...第二日大家姐幫得搵到另一個收買佬....佢肯收喇...重有4草嘢袋落袋...大家姐...你係得嘅! hehehe!

小青蛙生日會

尋日約咗搣匙佢哋一齊開飯賀一賀小青蛙牛一.....原來搣匙冇提過我會出席呀...而我咁啱都冇同小青蛙講過....hehe...我無啦啦變咗神秘賀賓! 點知...最後都係比小青蛙拆穿我呢...好叻咩...哼...食嘢唔采你呀....話人哋戲屎....

我哋今次去咗新聲開飯呀.....我哋7個人叫咗個6人套餐....

搣匙重玩派餅添...多謝哂呀....

yeah....今年第一餐大閘蟹...一人一隻(不過有啲蒸得唔熟要再整過囉...駛唔駛貢趕呀....唔熟都拎出嚟...)...亞比重好好心機幫得將隻蟹煎皮拆骨...真係唔該哂!!....yeah......連啲彊茶都好好飲! yummy!!!

個套餐重有其他餸架....樣樣都好味....有雞..羊腩煲..大閘蟹炒年糕..正菜一碟.

個生炒糯米飯真係好得...重有個蟹肉羹...重有甜品紅豆沙....

主角出場喇....亞比比晨早訂咗個小青蛙蛋糕送比小青蛙...而小青蛙又整咗個法式焦糖燉蛋芝士蛋糕...woowowo...真係好豐富呢...超滿足呀....