今晚又要做stand by support，如我所料邪到爆，頭先７點幾屋企都未番到就收到call喇，重係account嘢，個user話喺公司等我消息tim，見佢咁趕，平時又幾好人，就破例一次豪３草嘢，飛的番屋企睇吓點攪!
但係d account 嘢，十年冇攪，完全唔識啦，今次搵左姐姐求救，account嘢都係佢耍家d，but原來又係要搵星洲人update d record 我先可以submit個 job，最後當然係叫user 死心罷啦，唔知星洲人要攪幾耐...９點幾星洲人update 左 d record，輪到我submit個job，又要搵姐姐指教吓，but 個行極都死，原來係我入錯嘢！越幫越忙tim，攪到d record duplicate，後尾重要姐姐幫我delete d record，but lee 次輪到姐姐 delete 錯嘢，攪到個 job complete 唔到...拿拿淋又要諗其他辦法fix個問題,好彩最後都攪掂左姐，but 已經攪到成點鐘！平時姐姐一個人做應該都唔駛半粒鐘，今日加埋我就足足攪左５粒鐘...幾堅!
尋日同屋企人去左迪士尼樂園重叫埋大力同排骨仔麻麻, 前一晚我重幫部相機叉足電,後備電都叉埋,真係做足準備架,不過攪吓攪吓攪到成點鐘先訓,重要係有d唔舒服訓得唔好,晨早6點4就起左身諗住出發前啪粒藥啦……點知一入到厠所就已經頂唔蒲係咁嘔, 嘔到七彩, 又攰又肚空空咁, 唉!其實前晚同老趙開完飯都有d唔舒服,想想地嘔,重以為訓醒會冇事……放假先黎嘔, 好賤格呀, 重好鬼死唔舒服tim, 最慘係一早買哂飛想縮沙都唔得, 唯有照去啦!
我哋9點就去到迪士尼, 可能係早得滯, 又唔算多人喎, 我哋一嚟就玩連玩兩次巴斯光年,之後又去左睇3D電影,小熊唯尼,坐船仔同木筏,連咖啡杯,騎木馬同小飛象都唔放過, 勁好玩……不過玩多陣就開始覺得肚餓,又冇氣冇力咁, 嘔完又唔想食嘢喎, 成個下晝淨係食左一片美心排飽吊命,到8點幾先食左少少飯同麵, 唔知係咪食得急得滯,食完又覺得頂住頂住咁,佢哋9點睇完煙花重未夠喉,重去左買紀念品買到10點先捨得走, 攰到亞媽都唔認得!
今日同左大家姐,大力,亞媽,肥師奶同排骨仔去左屯門探泉哥仔同杰哥仔,其實lee兩位哥仔都係大家姐嘅舊同事嚟架,我都識左佢哋13年喇,我識佢哋係因為有年暑假,家姐搵左我去佢公司做暑期工,lee份重係我第一份暑期工,我重記得嗰次摺左兩個禮拜紙盒tim,手都軟埋!泉哥仔嗰陣就係負責照顧d暑期工架喇!而杰哥仔就係喺我啱啱讀電腦嘅時候幫我買第一部PC嘅人…所以對佢哋嘅印象好深刻!but頭先唔知係咪我嘅行徑太低能,佢哋重當我係十幾歲細路女咁,激死我!
下晝4點幾我哋就去左泉哥仔開嗰間金順蘭州拉麵店食嘢,雖然嗰度人流唔算多,但係都有唔少人幫趁,我哋一場去到,就梗係要試吓泉哥仔d手勢啦,我哋叫左雞翼拉麵,雜錦拉麵,煎餃子,重有豆漿同豆腐花...又真係唔錯喎, d麵又爽又滑,d湯都又好鮮味,豆腐花都好滑,排骨仔話d雞翼好好味,連湯都飲埋,真係好正架,唔信嘅話可以去試吓架…(唔好意思,我都覺得hard sell左少少tim)
http://motor.atnext.com/new/moDspContent.cfm?article_id=%27%23%3C%27%3BQ%5FG%23%200%21%29%0A&CAT_ID=18&SelectedIndex=285
之後重上左杰哥仔屋企打邊爐tim, 佢重準備左大量海鮮呀(有帶子,鮑魚仔,貴妃蚌,蝦,蟹…), but之前食飽拉麵,食左小小就收手喇,有d side 料…
頭先arm arm去完二家姐攪嘅Christmas party,同上次同事攪嘅party好唔同,今日嘅目的唔係食嘢同收禮物,而喺陪d小朋友("肥師奶","排骨仔",同埋佢哋兩個friend "朱朱"同"M仔")玩同派禮物比佢哋,大家姐諗左一埋遊戲,都係畫吓嘢,砌吓圖,傳吓波仔,玩吓有口難言同層層疊咁啦…
開頭玩畫嘢同砌圖都好好哋,但係當玩d有少少難度嘅有口難言同層層疊嘅時候M仔佢竟然因為"怕輸"而放棄唔玩,重係連試都唔試就放棄?! 查實都係玩吓姐,輸贏都唔係咁緊要,好玩咪得law........
唉!而家d小朋友十個有九個都係溫室中長大,都係"唔輸得"嗰隻,有乜唔開心就要生要死,唔知十幾廿年後lee班細路大左個社會會係點呢? 
尋晚去左飲"瑪姬"同"周生生"嗰餐,我同幾個friend 8點鬆d去到,諗住等齊人先同一對新人影相同埋親手比禮比瑪姬,but d 人都未黎齊8點半就開席,唔好話影相,連禮都比唔切,好攪嘢!
其實識左瑪姬11年我都係見過周生生4,5次咋,印象中既周生生係比較沉默寡言嘅,記得前排去佢哋屋企玩, 周生生都係late埋喺房靜靜雞做嘢,好少同我哋吹水,但係尋晚竟然一反常態,講一大埋嘢不特只,重猛咁喺度唱歌,唱左4,5首tim, 好似開mini concert 咁… 對於一個平時唔多鍾意出聲嘅人嚟講,要喺咁多親戚朋友面前唱歌應該要好似去迪士尼…"做足準備”先得,真係誠意同勇氣可嘉!
尋日lunch開左christmas party,我d同事 年年都有攪party架,次次都玩得好開心!同以往一樣我地都係book 間conference room, 同埋賣吓外賣(真係要講句”多謝老細”,佢年年都sponsor 我哋架!),重有就係每人帶一份at least $100既禮物交換…..but通常我哋都係買d垃圾黎交換law (有一次有條茂利買左Juno 同 E-kids 既cd,重有上年既龍騎劍….好彩唔係我抽到姐) ….不過唔知係咪d人開始老餅左,今年大部份既禮物都實際左,亦都重手左(我係指重量同體積上), 有大大盒玩具,多士爐,炸汁機… 而我就非常之幸運咁抽到全埸最重個份,重要係最啦屎個份……就係……”一孖啞鈴”,total 6磅,非常之重手!
好彩咀神預早屈左d vendor sponsor d 禮物黎, 重係人人有份, 而且原來個vendor 都好重手吓,at least 都有兩舊水百佳禮劵…..終於有番d希望喇!……咀神用左我哋一貫嘅抽籤方式” 畫鬼腳”黎抽獎,喺起點嗰邊寫人名,跟住姐姐就再加多幾條線以示公正, 最後先寫番獎品名次喺終點, 其實好似冇乜神秘感,不過我地都好緊張咁搵番邊個係大獎得主, 由於太多線嘅關係,好鬼難睇,個個都睇到唔同嘅人名, but 師奶仔就獨具慧眼咁睇到……原來係…….”亞袓”….woowoowoo…..大奬係smartphone 黎架,….哈!全埸最重手嗰兩份禮物都比我抽到, 真係勁呀!
前排家姐個老細比左北京樓既張coupon比家姐,於是尋日下晝我就同左屋企去星光行個間北京樓食free lunch, 我地食左個set有翠肉瓜炒蝦仁, 糖醋魚塊,,鍋貼,北京填鴨, 唔知係咪因為唔駛錢既關係d野特別好食,而且環境又幾舒服,真係唔錯!
之後我哋重走左去red box唱K tim,重帶埋排骨仔同肥師奶去tim,通常同lee兩隻小魔怪唱k,次次都係要唱埋d”多啦A夢”,”家燕媽媽”,”麥兜”,”哈姆太郎”, 重有佢哋最耍家既”紅日”同”好心分手”,重要首首歌都起碼唱兩次,又拎住支咪死都唔放……亞媽就梗係悶到抽筋啦,跟住家姐就搵左首”帝女花”比亞媽唱….”落街冇錢買麵包”果首呢! 亞媽唱唱o下無啦啦發現多左把女聲,重係鬼聲鬼氣果種,唔係fa 咁邪…….後尾睇真d發覺原來排骨仔扮女聲唱梗, 聽落又唱得幾似喎….嘩!連督督撑都比佢撈埋下次我哋唔駛唱啦?!
今晚同左亞媽去睇金曲情繫半世紀演唱會,我哋7點8由尖東行去紅館,經過紅隧,嘩!一架車都冇喎,真係奇景, 有人重影相留念tim.....個concert 8點半鐘開始, 唱到仙杜拉既時候....around 9:45 ,無 la la 收到個嚇人既 sms,內容係 "保安局呼籲所有香港市民立即離開灣仔"... 今日去左成日街,唔知灣仔發生乜野樹,重要係灣仔同紅館只係隔一條隧道咋,真係超驚!
越諗越驚tim, 咁arm又到寧波姐姐出場唱歌,唉!又唔係好識欣賞佢唱乜,咁咪乘乘機機鼠去toilet,打比家姐問佢發生乜事law,o個時先知原來紅隧封左係唔比人出入灣仔,之前我重以為遊行先封路tim.....聽完家姐個電話真係想即刻飛番屋企睇新聞呀! but最後都係睇完個concert 先走....唉!一路睇一路覺得忐忑不安....個show 做左3個幾鐘,我就是擔心左2粒鐘....lee 個concert真係畢生難忘!
尋晚約左骨妹同山孱去德福UA睇"如果.愛", 其實我o係lee間戲院睇過好多次戲, 次次都係人影都唔多個, 買即埸飛都重有大把位你簡,所以咪諗住7點去到,買7點4既飛實冇死la...點知去到戲院就已經見到兩條人龍o係庶,我諗d 人應該去睇king kong 姐,跟住咪繼續睇o下"如果愛"有乜靚位law...
嘩!唔係掛7點4個場得番頭三行?唉!唯有再睇o下8點個埸law....都係得番頭五行,真係撞鬼! 後尾諗諗o下先發覺原來尋日用麥提莎吉包換飛last day.....唔怪得知咁鬼死多人啦! 後尾入場睇戲既時候我重昅到做king kong 個院"FULL HOUSE" tim 呀!o係lee 間戲院真係百年難得一見, 威過威士忌la!
係喎,o係度要鳴謝o下骨妹同師奶仔先,如果唔係lee兩位總理損出麥提莎吉包出黎,我哋邊有$30一張飛咁筍....多謝哂!
尋日真係勁攰, 連走兩埸,因為肥師奶間學校攪步行籌款, 所以下晝就同屋企人去左行陽明山莊, 我哋12點幾坐學校d旅遊巴去出發, 坐成粒鐘車, 行左兩粒幾鐘又搭番粒幾鐘車番青衣, 搭車既時間重耐過行山咁滯,真係攪野, 回程既時候架車重好靜tim…..因為d小朋友都攰到訓哂!
跟住5點幾就番到屋企,之後就準備去飲同學仔米過高o個餐………攪到8點先去到,重邪到見到個同事”私嫂”…..不過我都係扮時運高睇唔到law,不過我都想知”私嫂”同米高有乜關係,下次問o下米高先…..其實尋晚果餐都係一般,最頂隱既就應該係個待應姐姐,佢真係唔多掂,分野食勁慢,可以將d熱騰騰既食物變做冷盤, lee d 唔係人人都做到,真係高手……..
今日又係我同亞媽出街威既日子, 下晝我哋去左太子o個間好彩海鮮酒家….去到已經2點幾arm arm 係下午茶時間, 勁多人……嘩!要等三十幾張枱, o係以前,我一定唔等, but 今日我選擇繼續等,由於好多人都放棄唔等, 最後都係等左4個字姐……
其實對上一次去lee 間酒樓已經係7年幾前o既事, o個次係我同老豆一齊去架…o個日又係好似今日一樣咁多人, 我一見到就發哂皮四話唔飲, 跟住老豆就話:”咁番屋企附近間酒樓飲啦”,於是我就同老豆去左屋企附近間酒樓.......頂!重多人過頭先o個間,見到咁既場面,當時既我唔只發皮四,直頭好似發左顛咁係咁鬧話唔飲,重一支箭咁標番屋企,最終都冇飲到茶(but老豆都冇鬧到我一句)!
其實當時番到屋企冷靜左就已經知衰, 覺得自己真係好過份,重喊左一埸tim,我重同自己講下次一定唔可以發皮四, 下次一定陪老豆飲茶……可惜…原來已經冇”下次”,因為無幾耐之後佢就離開左lee個世界! 我當然勁後悔啦,but 已經太遲……自此以後亞媽叫我陪佢去行街,睇戲,食飯,去旅行,我都盡量抽時間陪佢,因為我唔知幾時係最後一次, 唔想再後悔!
尋晚我拎住偉信抄比我既個隻救命碟,懷住戰戰兢兢既心情上二蔗孤屋企幫佢整電腦……8 點未夠去到青衣, 一上到佢屋企就有兩隻小魔怪夾道歡迎我, 佢地就係我既姨甥仔(排骨仔)同姨甥囡(肥師奶), 佢地一個讀小二, 一個讀低班,兩個同我都好friend 架! 其實每次見到佢地心情都會好d架,尋晚都唔例外, 見到佢地心情即刻靚番d
But 尋晚由於時間既關係, 我一去到就入房整機, 其實都唔知應該點攪, 唯有照住IBM send 比我個份野照整law……format harddisk 再做recovery, 好彩通常做lee d野都係等部機自己做, 難度唔高姐....….一開始等部機format ,邊食飯邊等….飯都未食飽姐,兩隻小魔怪就不停咁聊我玩,一陣又話唱歌比我聽,一陣又話彈琴比我聽, 重話要玩拋波波tim…..不過我lee d 以事業為重既,就梗係繼續整電腦先啦! 終於等到佢recovery 喇….又係等 ……終於排骨仔忍唔住入房八我做梗喇,佢見到我咁游,梗係又叫我陪佢玩la….就係咁佢就拉左我去聽佢彈琴…….冇聽佢彈琴一排好似真係進步左喎,叻仔! 後尾佢重教我彈左隻”瑪莉有隻小綿半 咩咩咩 咩咩咩………” 佢重話我學得快,彈得唔錯tim…..
跟住肥師奶見我地玩得咁開心, 梗係不甘示弱, 拖左我去陪佢玩拋波波la…..重忙過整電腦!…好彩後黎大家姐殺到,有人陪佢地玩,我就繼續整機,攪到9 點鬆d終於攪掂, 真係一額汗, 排骨仔見部電腦攪掂, 重即刻上網做埋佢份”每日一顛” tim….後尾二家姐話比我知查實咁急想整番部電腦都係為左排骨仔可以上網做”每日一顛”咋, 真係用心良苦!
今朝番到公司冇耐,個電話就响喇,原來係二蔗孤打黎, 佢一黎就一輪咀係咁噏, 原來佢屋企部電腦short short 地boot 唔到機,佢跟住up 左句 error message 出黎…”什麼什麼kernel .dll file 冇左…” 查實聽完我都唔係好知衰乜, 唯有叫二蔗孤打番去IBM問o下 啦……之後二蔗孤又再打黎話IBM提意佢剷嗮d file因為部機似中左毒, 重好似係要format 個harddisk tim….跟住二蔗孤就當然順利叫埋我今晚上去佢屋企整機啦…..其實我都預左佢咁講架喇….but最慘係我都唔知應該點攪先得, 唯有叫偉信幫我抄隻碟救命,希望隻碟有用啦!
其實如果淨係幫佢install番office, IE o個 d野應該冇問題, 但係叫我幫佢起番部機就…….唉! 識就話幫你整都無所謂姐, 唔識又點整呢? 其實之前我買機都係買廠機咋, 一來有保証d, 二來又唔駛煩, 部機send 黎插二條線就用得, 唔駛side 時間setup…….
其實作為一個I.T.人,話比人聽”唔識整機”,又真係冇乜人信, 同人咁講d人重以為你唔想幫tim, 但係lee 個係事實黎架…… 其實I.T. 人都係普通人姐, 唔係超人,唔係乜都識架….I.T.都分好多範架,有寫program, 有寫web, 有整network, 有整電腦, 有DBA…..真係好多knowledge, 冇辦法識得哂架! 無可否認,我又真係弱左少少既, 淨係識寫program,重要寫黎寫去都係o個d…..其實如果叫我研究o下寫web program 或者DBA既野我都有興趣去研究o下,整機lee 家野我真係又冇興趣又冇天份, 靠我整真係死得人多啦!查實上二蔗孤屋企整機, 我十次有九次都係要打電話問朋友, 希望今次唔駛啦! God bless me!
越黎越覺得logistic d同學仔既行徑好怪,話說由上個禮拜開始每個week都應該有一group 人present 個 project, 但係上星期因為眼線人比佢兩個好姊妹姐放飛機,所以佢就話比亞sir 知prepare 唔切d 野present 唔到, 不過其實佢好早之前已經知道佢d friend 唔讀,but 又冇同亞sir 單聲喎, 佢重話諗住放棄唔番唔做功課唔exam tim…..但係lee 兩個week佢都有番喎?!
講番尋晚啦, 本來應該輪到電車男o個group present…..但係又因為其他原因present 唔到, 亞sir 嬲嬲地唯有重新安排過present既 schedule 啦…..佢重預左19 Dec o個日比眼線人present tim,跟住問眼線人 O 唔 OK, but 眼線人冇反應喎, 跟住我既group member 阿旺就同亞sir 講:”其實佢(眼線人)一個人做都好辛苦, 不如入埋我地果組一齊做啦,唔知我d group member 反唔反對呢?”….嘩! 無la la咁講, 我同師奶仔都拗哂頭, 重要大庭廣眾兜口兜面咁講,完全冇反對既餘地啦,其實我又唔係反對佢join 埋我地, but 我覺得阿旺應該事先問左我地先law……佢既舉動真係非常之奇怪, 一d都唔尊重民意!
不過眼線人都係冇反應, 雖然我地乜都未做, 但係我地果組調到16 Jan 先present, 有多d時間prepare,橫睇掂睇都有so 喎! 亞sir 見佢冇反應跟住就問:”其實你係咪諗住放棄架?”….佢依然保持缄黙, 亞sir 終於忍無可忍話:”其實祗要肯做就唔會肥佬, 我最反對人自殺……”鵝左我地10分鐘, 但係眼線人都係愛理不理咁,好古怪!..….雖然亞sir唔係話我, 但係好耐冇聽過lee d 訓話,感覺都好怪! 亞sir對住班廿幾三十歲既人講埋lee d道理就更加奇怪! 不過怪極都唔及我同師奶仔怪, 做做下IT走去讀logistic, 重要千簡萬簡,搵左勁悶勁唔掂既course …….簡直係騎呢tim啦!
上星期六同左屋企人去中環大會堂睇話劇，睇左套《蛋散與豬扒２─駱駝男》，其實我地冇人睇過lee套野架，都係諗住試o下睇咋…..2點9我同亞媽就去到大會堂同家姐, 大力會合...…不過, 一入埸就知”出事” la,得一半入座率咋!通常好睇o個 d都勁full 架!……都買左飛咯唯有照睇la….一開始男主角駱駝男就起勢咁爆粗, 心諗lee d 草根野可能都arm 睇喎, 但係唔知點解越做越”玄”喎.…..
唉! 唔好睇都唔緊要,最慘係唔知佢噏乜呀,本場刊又冇乜講個事既中心思想,我lee d 不嬲睇開無線同亞視既觀眾係比較膚淺既, 睇”電車男”就話明姐,lee d”駱駝男”藝術野確實唔多明, 我已經好盡力咁嘗試追o下劇情…追左參唔多2粒鐘….but….我諗再睇多一百幾十次我都係唔明架喇,算罷la……雖然真係唔明套野噏乜不過其實個女主角"邵美君"都做得唔錯架, 扮完巴勒斯坦人又扮台山亞婆,扮乜似乜,勁!
哈! 今日上網睇番個故事大綱先知來係咁, 下次睇話劇之前應該備下課law:
“此劇想帶出的信息是：城中，也許大部人都活著，不過只是1幕幕被輾扁的過程。 擁抱「尊嚴」而生活，是公認最不識時務、最不切實際、最可恥的愚行。也許活得像狗、活得像雞，活得像狼，才最值得景仰，才是人。”
尋晚同左個friend lulu 去左德米食飯, 其實我同佢都係第一次去咋, 我地之所以去lee間野係因為羅敏莊同杜汶惠o係度攪左個德米音樂會…..兩舊水包食飯+睇show都好似制得過, 一試無防…..而且佢個menu都幾吸引架!
未去” 德米”之前, 重以為間野係酒樓黎tim….去到先知原來佢好似一間西餐廳咁, 黑黑地都幾有情調. d 野食都幾特別,味道都唔錯, 不過就細碟左小小, 不過我都夠飽架. 我地由8點幾食到9點半…….終於等到Mimi 同杜汶惠出場喇! 咁arm隊band有兩個人尋晚生日, 有佢地d親戚朋友都去左棒場, 攪到好似開birthday party 咁, 好鬼熱鬧…..唱唱o下又拉埋賈司樂同陳錦雄上台唱…重有點唱環節tim, 又唱又跳, 好鬼死投入…...不知幾high……佢地 唱到唔捨得走咁……本來45分鐘既show變左粒半鐘, 抵哂la!
