尋日lunch開左christmas party,我d同事 年年都有攪party架,次次都玩得好開心!同以往一樣我地都係book 間conference room, 同埋賣吓外賣(真係要講句”多謝老細”,佢年年都sponsor 我哋架!),重有就係每人帶一份at least $100既禮物交換…..but通常我哋都係買d垃圾黎交換law (有一次有條茂利買左Juno 同 E-kids 既cd,重有上年既龍騎劍….好彩唔係我抽到姐) ….不過唔知係咪d人開始老餅左,今年大部份既禮物都實際左,亦都重手左(我係指重量同體積上), 有大大盒玩具,多士爐,炸汁機… 而我就非常之幸運咁抽到全埸最重個份,重要係最啦屎個份……就係……”一孖啞鈴”,total 6磅,非常之重手!
好彩咀神預早屈左d vendor sponsor d 禮物黎, 重係人人有份, 而且原來個vendor 都好重手吓,at least 都有兩舊水百佳禮劵…..終於有番d希望喇!……咀神用左我哋一貫嘅抽籤方式” 畫鬼腳”黎抽獎,喺起點嗰邊寫人名,跟住姐姐就再加多幾條線以示公正, 最後先寫番獎品名次喺終點, 其實好似冇乜神秘感,不過我地都好緊張咁搵番邊個係大獎得主, 由於太多線嘅關係,好鬼難睇,個個都睇到唔同嘅人名, but 師奶仔就獨具慧眼咁睇到……原來係…….”亞袓”….woowoowoo…..大奬係smartphone 黎架,….哈!全埸最重手嗰兩份禮物都比我抽到, 真係勁呀!
之後咀神重著埋佢件畢業袍黎影相tim(but 其實我都唔多記得佢讀乜,淨係知佢業咋!), 玩到兩點幾就收檔, but 大家好似意猶未盡咁,見到偉信抽到嗰個”驚魂塔”玩具好似好過隱,成班茂利就堆左喺偉信個位玩,媽媽重同我哋一齊顛,重玩到鬼殺咁嘈,慌死人唔知咁,比佢哋笑鬼死!
沒有留言:
發佈留言