乖!!

個"乖"字係送比自己嘅....今日雖則放假...不過唔知係尋日淋完雨定係打完流感針...今日個人好攰.....本來諗住今日搵啲節目玩吓架...不過見咁攰都係抖吓啦...HAHA...其實話抖吓...都係喺屋企搓泥同搓泥....見今日咁清閒....就玩吓煮飯仔先(係咪好乖呢!!)....真係好耐冇煮飯食喇.....年頭買咗包米都係食咗少少咋...好!! 以後一有時間就煮飯仔....最多煮啲簡單啲嘅嘢囉.....先嚟三色椒炒雞柳....COLORFUL啲食得開心啲!


第二味...我至愛嘅蔬菜之一....出鋼率好高吓嘅豆苗....呢個一條友出街食真係唔會叫...因為通常都好貴吓!

兩大碟嘢加碗飯食得哂嗎??當然食唔哂啦....不過都係食淨咗幾舊青椒同少少雞肉....成績唔錯呀!!
話時話...原來呢個卜唔覺唔覺已經寫咗7年喇....11月份就踏入第8年喇.....比多個"乖"自己....估唔竟然有呢恆心寫足7年(雖然冇以前寫得咁頻密)...TOTAL寫咗1,970篇...乜話...你話我督數....非乜....佳因有八百幾篇得我睇到架咋HAHA....喺度多謝貢多位多年來嘅支持先(其實可能係我諗多咗...根本係冇乜人支持架....KAKAKA)....anyway....我會繼續努力嘅!!

Unicef慈善跑

星期日就係ＵＮＩＣＥＦ一年一度嘅慈善跑。。。。大家姐一家３口都參與。。。由於佢參加親子組。。。一共有４個位所以我又可以黐金糠喇。。ＨＥＨＥ！！可惜天公不造美。。。竟然全日都落雨。。。有時雨勢都頗大。。。最近慈善跑變咗慈善行。。。


雖然只係跑３Ｋ。。。不過對ＭＥＭＥ嚟講真係好甘吓架。。。。好彩佢都好叻叻。。。半行半跑再ＨＥＡ幾ＨＥＡ都靠先生＂食力＂到終點！！

跑完先９點幾ＨＥＡ到去青衣已經１０點幾。。。諗住去麥記食個早餐啦。。。點知麥記超多人。。。排咗半粒鐘先買到食物。。。而且已經過咗１１點。。。唯有食包啦！！　之後再ＨＥＡ多陣青衣城。。。再去啪支流感針先番屋企休息。。。。最後由３點半瞓到６點先起身。。。好耐冇瞓過晏覺。。。重可以瞓到咁耐。。。爽！！

3D立體啤啤熊蛋糕

呢期又買咗幾個整餅同整手工嘅團體....星期六就去咗整餅喇, 今次攪攪新意思整個立體蛋糕....其實個蛋糕底都係同平時一樣....只係用個圓形嘅器皿焗一個半球型嘅蛋糕....再用少少糖糕整定小熊嘅眼耳口鼻...焗緊蛋糕嘅時候就打定啲CREAM先....

再準備定啲生果先....蛋糕焗好喇....都好香呀...界開個蛋糕再夾啲生果先!

一陣重要唧CREAM....唔好抆咁多CREAM先....之後再唧古古力CREAM...真係手都軟.....唧唧吓唔夠古古力CREAM...老師再打過...不過啲色水就唔同咗....比之前淡色....所以個製成品有啲鴛鴦色!!

其實都唔算太難....不過又真係好巧耐性....呢個花款已經比較容易...都唧咗大半個鐘先完成...唧到手仔都軟埋!

食後感: 新鮮食嗰陣都幾OK...不過攤凍咗就好似唔夠鬆軟喇...唔知係咪因為用咗全蛋法整呢!!不過最失敗都係啲古古力cream，啲味怪怪啲，連ＭＥＭＥ都話啲ＣＲＥＡＭ難食。。。最後大家要了走哂啲ＣＲＥＡＭ先食！！吹啤！！

 

 

體驗大自然生態及屏山盆菜親子一天遊

今日公司攪咗個親子遊行...見呢排秋高氣爽....就問吓啲小魔怪們得唔得閒一齊去玩....結果得MEME去咋...都OK啦....MEME一家加埋我一行四人GOGOGO!! 又真係邪到爆架...次次旅行都落雨....今日都唔例外.....第一站牛牛農場都越落越大雨...吹啤啤....又唔知攪乜鬼成個農場得番嗰幾隻牛.....既然佢有得玩餵牛仔...MEME又玩吓先....開頭好鬼驚...玩多兩玩同啲牛好FRIEND...哈哈!!


玩完牛牛就行過隔離睇蜜蜂....不過係睇蜜蜂錄影帶咋....貢多小朋友...睇真蜜蜂都太危險...都係睇吓啲製成品(蜜糖)好喇!!

都好...睇完蜜蜂都落完雨喇....下一站係...開餐...去食盤菜......

食完又食...因為去參觀老婆餅生產工場....有得睇又有得食....重有半打老婆餅派....爽呀......

到行程嘅最後一站喇....錦田鄉村俱樂部....呢度都幾啱meme玩架....不過又唔夠時間玩(一粒鐘都冇).....只係坐咗兩轉車車再餵羊仔就要走喇....可惜!!

旅遊車最後喺尖咀解散....之後就繼續同家姐佢哋HEA尖咀....食埋晚飯先番歸....晨早7點半起身....8點番到屋企...真係攰過番工!!

大閘蟹宴

本來10月食咗兩次大閘蟹之後今年諗住收山唔食架喇...點知前兩日抵受唔住魔鬼嘅誘惑....結果尋晚約咗啲魔鬼朋友仔又食過...不過今次唔係出去食....係去哂我屋企開餐!! 朋友仔帶埋蟹嚟....啲蟹都好肥美吓架....蟹身有好多膏...不過 掛住食冇影相呀!


齋食蟹緊係唔夠啦....由於時間有啲傖促, 我都唔敢自告奮勇整食物喇 (屋都未執...成枱都係黏土功課...執都有排執)....唯有靠哂外援啦!!朋友仔買蟹之餘重負責買魚生壽司...辛苦哂喇!不過又真係又平又靚。。。超值!!

大製作真係整唔到喇...少少哋幾杯法式焦糖笨蛋都可以準備定嘅....少少哋招乎吓朋友仔都要嘅...可惜唔多識控制支火槍燒燶咗啲!! 下次再整應該會好啲架!!

我的薑餅大宅....

唔覺唔覺又到年尾喇....就嚟又到聖誕....又到聖誕.....上年聖誕喺工聯會學咗個樹頭蛋糕....今年又攪攪新意思先!! 其實上年已經見到呢個COURSE...不過同搓泥班撞哂期冇報到...今年又見到個COURSE即刻報嚟玩吓先!! 其實佢12月都有班架....不過啲時段嘛嘛...唯有早少少學啦!!

其實整"餅都唔太難....將所有材料搓好就得喇!!


搓好舊粉再擺佢一陣就可以開始碌簿同CUT屋仔樣喇....有剩嘅粉團用嚟整餅仔....有好多餅模呀....薑餅人...聖誕樹...天使....又有小動物...

印好啲模就可以拎去焗喇.....


焗好就可以開始砌屋仔喇....好似做手功咁...又幾好玩喎.....

再加啲糖仔同餅做裝飾先!!

都係爭少少喎....加多少少糖粉扮雪就攪掂哂喇!! YEAH!!

後記: 其實間屋都好"脆弱"吓...經過幾粒鍾比我FING嚟FING去之後...去到家姐屋企佢確係散哂....而且...啲餅確係好硬吓....味道都OK嘅....不過咬都牙仔軟囉!!

反

我和公主有個約會

從前....有個小公主....佢好鍾意去迪迪呢架....所以星期五就約咗佢一齊去迪迪尼玩....

今次又真係玩得超HEA....重去咗玩由畫畫....哈哈....整咗個肥版米妮添...下次再畫應該會好啲!! 之後玩吓巴斯光年..坐吓咖啡杯...遊吓小小世界...再影排隊吓相再坐埋火車就閃喇叭!....典解HEA成貢? .家因我都加入埋迪迪尼ANNUAL PASS大軍來日方長...唔駛咁趕啦....不過我都係買咗至CHEAP嘅WEEK DAY PASS咋....6舊幾水...去兩次都已經回本喇.....而且迪迪尼都算幾近屋企....耐唔耐去HEA吓都OK嘅!!

玩完又到晚飯時間喇.....超級飽呀.......

Wine and Dine Festival 2012

其實今年冇諗住去架...不過前幾日有位朋友仔話有飛....又柴蛙蛙咁約咗幾位朋友仔一齊去...今年重有個甜品區....真係要去見識見識吓!! 嘩....睇到啲檔口賣嘅食物真係流哂口水....龍蝦..牛柳...羊架....鵝乾乜都有...確係堅!! 當然...一場去到都食少少啦....啲cake, 黑毛豬同三文魚都唔錯喔! 話時話又估唔到下晝都咁多人架喎....不過今日又真係好熱吓...標哂汗呀....5點幾收太陽先舒服啲咋!!


飲大兩杯之後又趕另一場...坦白講...對呢個SHOW唔算太大興趣....不過又唔想浪費....所以去趁一趁熱鬧...HAHA...又真係同我預期參唔多...一首新歌都唔識.....有啲連唱歌嗰位係乜水都唔識!!又做咗OUT精~~

HEA遊大澳

近日天氣開始有啲涼意....最適合郊遊...星期六約咗啲朋友仔去大澳遊一遊....欣賞吓日落!! 4點到大澳..HEA到5點幾就開始日落喇....時間啱啱好....可惜太陽伯伯失蹤咗....睇唔到太陽嘅日落確係失色!!




一場嚟到...緊係要食吓嘢先啦...先嚟大澳食吓雞蛋仔, 豆腐花...再去東涌食上海嘢....HAHA....估唔到會撞到同事...重要坐咗喺隔離枱超攪鬼!! 食飽再睇埋007...節目豐富嘅一日!!

黏土小禮物(10月喇星)

好趕好趕之下完成10喇星嘅生日禮物...真係粗粗地頂住先啦...HEHE....連續整咗幾盤玫瑰花...下次要攪攪新意思喇!!