向難度挑戰

今晚要做stand by support 呀,要喺hea屋企等消息,由下晝六點hea到夜晚十二點

!成晚流流長冇乜細藝,所以又玩吓煮飯仔,重諗住向難度挑戰整吓咕嚕魚塊消磨吓時間添(lee個餸對我嚟講已經好有難度

)!

唔整真係唔知炸嘢真係唔係咁易,油少啲又唔得,啲炸漿稀得滯又唔掂,攪咗九年先攪到碟嘢出嚟!

荷蘭豆炒臘腸,重有五朵金花陪襯添呀.....

重有好味嘅青紅蘿白湯,加埋碗白飯....又飽到反肚喇....

Yeah

....無驚無險又到12點....終於可以收隊喇!好彩冇出事啫,成晚都remote access唔到個system!不過都死啦,check 唔到啲job有冇事添....有乜事就大鑊喇,真係幣傢伙!

放假重攰過番工....

前兩日放假諗住去沙田行陣跟住番屋企玩煮飯仔,諗住大把時間可以煮吓大茶飯啦,不過行行吓唔覺唔覺由4點行到7點幾,又未買餸最後都係放棄煮大茶飯,去咗supermarket 搵啲快靚正嘅嘢食.....咁啱見到有灣仔碼頭豆苗餃同埋多魚麵promote,所以買嚟試試

....之後又去咗商務買咗兩本Java書,兩本嘢都好似石頭咁重....拎到手軟,行咗成日重要擔埋泥...真係番工都冇咁辛苦

!

pack多魚麵雪到結哂冰咁,唧極都唧唔到好似痾唔出咁!

由於唧極都唧出嘅關係唯有剪大啲個窿啦,點知攪到啲麵好粗碌好攪笑

,不過粗碌反而好食啲喎!

就係lee兩本石頭書喇,重到死....不過又唔算貴喎,兩本夾埋都係$430,重係印刷精美!

 

 

頻樸

趁有幾日聖誕假,屋企人又番大陸同澳門玩,尋日朝早我就搭船去澳門join 佢哋,由於佢哋早我一日出發,所以大家姐就話喺澳門接我船....不過我一去到澳門就接到大家姐電話,佢話佢哋趕唔接船叫我自己搭車去氹仔join佢哋...本來以為好簡單啦,殊不知啲巴士路線改哂,連邊度落車都唔係好知

,好彩最後都去到啫!

由於澳門多咗好多新景點,啲巴士路線都唔同哂.....

我哋去咗公雞食lunch,唔知係咪好耐冇去食呢又唔錯喎,啲蝦蟹都好新鮮呀

....食飽飯冇耐又走咗去食大菜糕...都好好味呀,肥師奶重揀咗佢至like嘅榴槤雪糕食添(不過真係好鬼臭呀

)....

肥師奶拎住嗰杯榴槤雪糕重勁過毒氣呀!!!

由於帶住兩隻小魔怪嘅關係我哋冇參觀啲賭場,不過我哋都去咗漁人碼頭hea咗陣!可能啱啱正式開幕又係聖誕節,所以都有唔少人呀...我哋lee啲懶鬼坐觀光車兜咗一個圈到此一遊就算喇,不過睇落個環境又真係唔錯喎

!之後帶咗兩隻小魔怪去玩啲機動遊戲玩到4點零鐘就番車去拱北再搭巴士番中山....

好彩早啲搭觀光車啫,遲一步都排要長龍呀....

漁人碼頭真係好多人吓....聖誕係唔同啲!

兩隻小魔怪就開心啦有得坐火車

....

之後又可以坐駱駝

本來以為趕唔切5點半班車去中山,但係大家都唔多想等下班車(要等成粒鐘架),最後跑餐死終於趕到....勁!!!

趕得咁辛苦番到大陸梗係要按吓摩啦,所以尋晚一條友去咗按摩.....真係舒服哂

....不過今日又要搭3粒鐘巴士番香港,真係風塵僕僕,好攰呀

....

去到中山兩隻小魔怪又係玩揸車,我都唔執輸撻咗佢哋部ben屎揸咗幾步咁大把(估唔到又坐得落喎

),希望冇坐爛架車啦!!!

 

聖誕老人

由於今日係冬至嘅關係,二家姐一早就約我同大家姐上佢屋企開飯,臨近聖誕我同大家姐當然係要做吓聖誕老人買啲禮物比肥師奶同排骨仔啦....好彩之前諗咗買乜啫,lunch嘅時侯就去咗掃貨!

由於送比妹妹嗰份禮物(BB公仔加埋啲accessory)分開咗兩part(一大盒+一細盒嘢),又唔花紙包唯有用個公文袋入住細嗰盒算啦!.....重寫埋聖誕咔比佢哋添....

送禮物比肥師奶嘅時候諗住整蠱吓佢淨係比公文袋嗰份禮物比佢...哈!佢真係好失望,重唔多想要添呀...又猛咁問我"乜得一盒咋".....見我影佢先強顏歡笑咋!

最後送埋大嗰份禮物比佢先回復番燦爛嘅笑容....

至於排骨仔就梗係送佢至like嘅火車啦,所有車嘅物體佢都係咁鐘意....

我送火車,大家姐就送路軌真係啱key...

lee 啲就係排骨仔嘅部份收藏品....佢急不及待咁拆哂啲禮物僭建佢啲路軌...