前日大家姐介紹咗樣生果比我食,就係下面幅圖橙色一粒粒嗰啲....唔知大家食過未呢?其實lee啲係柑桔嚟架,大家姐話可以化痰止咳, 跟住比咗兩粒我試,又幾好食喎....不過大家姐告誡我叫我唔好食咁多,佢話大力之前食得太多試過肚仔唔舒服(我啲腸胃同大力都係一樣咁水皮)
......
尋日喺百佳諗住買啲菜,咁啱見到有柑桔賣,10蚊一pack所以買咗pack番屋企食....番到屋企就洗乾淨啲柑桔試吓啦....雖則冇大家姐買嗰啲咁甜,但係都ok喎
,重唔覺唔覺食咗7,8粒添......
之後就開始玩煮飯仔,由於下晝好晏先食tea,所以諗住整碟豆苗同粟米湯就算.....點知煮煮吓嘢無啦啦毒發肚仔痛呀
....唉!比大家姐不幸言中添....
痾完又食過
....豆苗好味呀,加埋瑤柱添.....
重有快靚正粟米湯....
沒有留言:
發佈留言