外野手

感謝!

媽．別了！

妳終於要走了．．．真係十萬個唔捨得．．．不過．．．對妳嚟講．．可能係個解脫啦！妳同老豆十年冇見喇．．．今日再見番，係咪會一齊去飲茶一齊去行街呢？希望你哋喺另一個世界生活得開心快樂．．．盼望有日天國再相聚．．．唔需要擔心我啦．．．我會好好照顧自己．．．媽．永別，一路好走！

海洋公園茂利團

今日約咗二家姐一家去咗海洋公園玩...若然大家有留意報紙嘅話, 可能會問點解咁型揀今日去(聽聞聽日起開始海洋公園啲飛以7折發售)...嗯....無他嘅...因為下星期二家姐佢哋唔得囉...之後兩隻小魔怪又要測驗有排都唔得閒...而且...啲飛晨早買定咗!

唔知典解今次一嚟就去咗集古村嗰邊先....

呢邊啲機動遊戲激啲架喎....我哋又傻吓傻吓...一嚟就玩咗個唔知乜q嘢摩天輪...(即係橙色櫈嗰個呢)...其實玩之前我都勸過佢哋架喇...印象中呢個係會玩到頭暈架....不過佢哋唔玩三七廿一已經衝咗去玩啦....結果...玩到一個二個都屎咁滯!之後又走去玩滑浪飛船...又一身都濕哂....想典呀...一嚟就攪到咁激烈...我呢啲老人家真係唔受得呢啲刺激架喇!.................

玩完一輪激喇要坐低抖抖.....睇吓啲可愛嘅海豚....

參唔多3年冇去海洋公園喇...都係第一次睇水母咋...幾靚架...不過...唔識影...

重有中華鐞都係第一次睇咋......原來好大條架....

玩完摩天輪同過山車就搭纜車......

搭完纜車....我"嫺嫺"就去探啲同鄉....安安佳佳...重有盈盈同樂樂...

回鄉探完親之後就去咗兒童皇國玩喇...不過....佢裝修完之後...冇咗排骨仔最愛嘅火車呀...好在佢都唔算好失望啫!玩到5點啲大人已經屎咁滯...要打道回府喇....(細路仔真係唔知個"攰"字點寫架)....

膽固醇之夜

食咗幾日海嘨套餐之後....今晚同咗3位朋友仔去咗鴻星豪一豪佢....吔吓大閘蟹....親親瞻固醇....兩皇一后實在太堅....對我呢啲老人家嚟講似乎激咗啲....加上今日確係太勞累...食力大減....食完真係滯滯哋呀!

我哋4兜友就食咗個4人套餐.....盛為$1380...近期最豪嘅一餐....

啲蟹又確係幾靚架喎衰鬼....勁多膏...'蟹后'(個名又幾浪漫喎)啲膏好飽滿...不過我都係鍾意食'公'多啲...

個餐包咗一杯飲品...我就揀咗'慘汁'....不過....啲薑茶似乎好飲啲....我哋重叫'小倚哥'添飲呀....熱辣辣重好飲.................

燕窩蛋白燴翅...嗯....呢個一般啦......

蟹粉小籠包...大大隻....好味.....

野菌炒鮑魚粒.....

酒釀脆皮鴨....隻鴨又唔肥喎....個汁重有啲桂花味架...幾香!

海斑一條.........

臘味糯米飯....隊咗呢個真係飽飽滯滯....

金沙麻沙糍...其實我對糯米糍真係一般...不過...呢個都算幾好食!

個精美甜品就係.....紅豆沙....都係一般啦.....太飽喇...都食唔到...

係喎...唔知大家覺唔覺啲相執過吓呢? 有冇靚仔啲先? 可能你哋未必覺...不過呢....其實加咗啲相框之後....有啲相真係靚仔咗架! 你唔覺?!...嗯....不如....你睇埋下面張相就會明架喇....

其實...真相係咁架...係咪上面張相靚仔啲先....