繼續...嫺言嫺語: 10月 2011

2011年10月31日星期一

喪燒BB蕉@富泰

秋高氣爽最好就係去BB蕉喇....星期六就同咗啲家姐一齊去放火!! 今次係去二家姐推介嘅富泰....我哋重有巴士直接去到添....唔錯!! 我哋兩點左右去到喇....由於時間尚早....冇乜人喎!! 地方確係幾大....(不過就好近民居)...都勝在交通都幾方便!!

由於呢度係冇限時任食...所以我哋係採取超級勁hea嘅方式慢慢燒嘅! 食食吓...肥c奶話呢度有雪條賣....貢...我當然係叫佢請我食啦....haha....又估唔到最後屈吓屈吓佢竟然肯請哂我哋食喎!!大拿拿6支雪條呀....印象中肥c奶應該係第一次請食嘢, 真係巧揀動呢!

到咗夜晚呢度冇啦啦多咗啲攤位遊戲...有跳彈床同撈金魚....小魔怪們點會放過有得玩嘅機會呢!! 終於玩到參唔多十點先閃....真係超盡慶!!

2011年10月30日星期日

10月喇星生日飯@布袋澳

又嚟飲飲食食喇.....今次係十月生日嘅同樹們! 前兩年都係玩食大閘蟹...今次攪攪新意思去布袋澳!! 我哋放工即刻齊齊閃...一行九男女浩浩蕩蕩飛地鐵到坑口再飛的入去布袋澳...7點左右就到喇...超快!! 一心想去食套餐嘅我哋嘭嘭聲就order咗個餐喇!!

個套餐都幾豐富架..有白勺蝦, 聖子,龍蝦....

重有蟹, 魚, 雞同正菜一碟!!

加埋個湯....啲餸碟碟都好大碟....真係好飽呢! 食埋舊橙再吹多陣水就閃喇!!

雖則已經食得好飽吓...不過都係爭個甜品未食.....好在唔係太夜唔算多人!! 原來大家都好like佢個龍眼梆果冰呀...好味!!不過經過上次童年陰影...真係唔敢貢激隊哂成豌冰....好在有人同我share...淺嘗半碗已經好滿足!!

最堅嘅係同樹們食飽order嘅外賣!! 一人order幾碗(有啲人...一家兩口都外賣3碗嘢囉!!kaaka)...外賣重叫得多過堂食....勁!!!

2011年10月28日星期五

黏土蛋糕の生日小禮物 (10月の星第二回)

話咁快又十月尾喇....今日就送咗另一個蛋糕比十月喇星!!呢個蛋糕係喇星request架...其實之前都冇乜信心整....嗯...即管試試啦!! 終於...攪咗半日....完成了!!你認得她嗎? 係....雖然有啲老番feel...唔多似....斷估...大家都大慨估到佢係..."藍精靈...十分勁..."...正確嚟講...佢係"美芝"先啱!

整好諗住上光油啦....典知....上咗光油好似怪怪哋!!我都冇like冇做油光師傅嘅"美芝"多啲!

不過油咗會襟啲嘅...算罷啦!!

實不相瞞....其實我一直都係諗住頭皮整隻"藍精靈"算架喇....原來頭皮整一隻"藍精靈"都唔算太難....整好咗又諗起壽星女係想要"美芝"...所以就將隻普通嘅藍精靈改裝成"美芝"...oh...原來貢樣改一啲都唔容易呀(大家要明白...以亞祖嘅功力真係唔易做到哦!!).....真係好多瑕疵呢...於是....左遮右遮...你睇"美芝"背後有幾多嘢...haha!!

乜啫....啲草同菇菇咪當佈景囉...幾colorful!!

yeah...醜版美芝完成了....可惜時間太倉促....想整多個靚啲送比人都趕唔切!! 希望壽星女唔介意呢個醜版美芝啦!!

2011年10月25日星期二

是但噏我好驚

無啦啦喺電話"籠底"搵到呢張相先發現...原來未寫呢篇卜...haha...係...我係老人痴呆架!! 唔like咪睇!!

...坦白講...其實又真係冇乜特別嘢好想講架....但係作為大家嘅史官(係朋友仔比我稱號)haha....都要盡一丁點綿力記低一起走過的日子嘛....正所謂....如何面對曾一起走過的日子.....有你有我有情有生有死有義.....(爛gag完畢..多謝收看)

講番正題...同咗幾位朋友仔睇咗第一場....而我就係第一次睇林海峰talk show....冇乜期望....所以又冇乜失望...亦都冇乜嘢喜出望外(雖則嗰日病病哋...啪咗丸先去睇...不過都冇瞓著算係咁囉!!)......嗯...睇完個show又真係冇乜嘢好深刻當然有笑位啦...不過似乎東拉西扯咗少少....印象深刻嘅係林生頻頻失憶...不過倒覺得佢嘅應變方法幾有趣!! haha...

其實都好佩服佢一輪咀自己同自己講嘢講足兩粒幾鐘(除咗飲水...真係冇break過)!!利害!!!

重慶咖喱王

自從N年前去過重慶食過一轉咖喱之後....至今一直都未番卓過....唔啱食嗎?非也...查實次次去開飯都係一班女子....又唔知地步....真係唔夠疆殺入去食呢!! 殊不知尋日小青蛙佢哋無啦啦吹雞話去重慶食咖喱...緊係gogogo la!...真係long time no eat喇....

間間都自稱係咖喱王...其實...又可能真係間間都係參唔多呢...haha!! 基本上我哋乜q都冇叫到...全部都係位侍應姐姐幫我哋order 架!! 有咖喱角...燒雞...

咖喱都有幾種..有蝦...雜菜(個人認為最好味)....牛....雞....

再嚟一個咖喱羊....燒魚....重有薄餅....7條友食...真係飽到上心口!!

2011年10月24日星期一

週六食食食....

一連三個weekend都係食大閘蟹中渡過....呢個星期六就係同家姐佢哋一齊食喇....而我就做咗拎蟹部隊....去荃灣攞蟹...之後就join二家姐佢哋一齊lunch! 我都係第一次食呢間咋....超大啲石頭飯....巧飽!

夜晚就齊齊聚集去二家姐屋企開餐喇....今次啲蟹都唔錯喎...呢間團購都靠得住!! 由於大家姐同meme唔食蟹...二家姐就準備咗壽司一齊食...飽飽呢!!

2011年10月23日星期日

生日晚宴@百寶齋廚

前晚係朋友仔老趙嘅媽咪生晨.....老趙見我冇飯開就邀請埋我一齊開飯 (haha...經過呢幾年日日冇飯開嘅日子....亞祖已經訓練到面皮幾尺厚....黐餐呢啲嘢真係話嚟就嚟...一啲都唔客氣

!!)

原來"伯有"年年生晨都會食齋架...所以我哋就齊齊去吔齋喇!!

我哋叫咗個六人餐...有翅有魚又有肉...當然全部都係素菜整成啦...又幾似架喎!! 唔錯....

豆腐...我至like架喇...重有炸物...好味....食埋個炒飯真係飽哂喇!!

食生日飯當然唔少得壽包啦....整多個杏仁茶就真係非常滿足喇!!!係喎...漏咗句"伯有"生日快樂哦!!下餐我嘅!!

2011年10月22日星期六

黏土蛋糕の生日小禮物 (10月の星第一回)

今日又送出咗一個蛋糕喇....由於今次係送比一位長輩...所以用多啲紅色賀賀佢....加埋幾塊綠葉襯托先...再加多兩粒壽桃...實行中西合壁...hehe...整蛋糕嘅好處就係貢囉...喜歡加乜就加乜....創意可以自由發揮嘛!!

yeah....完成喇.....

連個禮盒都係紅色架....夠哂喜慶喇掛! "伯有"希望你like啦...生日快樂....身體健康....繼續煮多啲好餸哦!

2011年10月17日星期一

荒島蟹宴

又食喇....食完一餐又一餐, 真係好堅!呢餐已經係今年第二餐大閘蟹喇.....去荒島開餐當然又係小青蛙做大廚啦!! 原來我哋未去到小青蛙已經準備緊啲食物喇...巧豐富哦!!

重有主任帶嚟嘅白酒...美酒佳餚....perfect!!

話貢快就有得食喇....有雞肉炒芥蘭苗....豉汁xo醬炒蜆....三文魚刺身等...

重有焗三文魚頭...由特別嘉賓mark哥主理...當然唔少得主角大閘蟹啦(都係團購買架!!)...又估唔到幾ok喎!!

2011年10月16日星期日

青蛙生日飯@名門私房菜

10月真係好多生日小喇星架....小青蛙就係其中一位....尋晚就約咗一眾卜友仔同佢賀賀佢....卜友仔今期都係玩團購呀....今次就係去灣仔嘅名門私房菜!!

呢度係食中菜架...一人一份幾企理....先嚟一個湯...再嚟柚皮鴨腳...個柚皮又唔錯喎!! 再嚟砵油焗蠔...好大隻蠔呀...之後就有炸鮮奶同炸排骨...個炸鮮奶又唔錯喎...個排骨就真係太咸喇.....

再整番碟正菜先....食埋個何葉飯就真係飽到上心口(可惜個飯淡咗啲!!)....之後再整埋甜品桂花糕同杏仁茶(賣飛佛)...好滿足呀!!

High Tea@8度海逸酒店

上星期日...約咗搣匙佢哋去High Tea....(haha...都係團購買coupon)...呢度係"8度海逸酒店".....可能大家都未必聽過...除咗因為佢新新哋之外...地點都相當隔涉....土瓜環真係十年都唔去一次...(之但係...難得我屋企又有車到真係吹佢唔漲...hahaha)!!