是但噏我好驚

無啦啦喺電話"籠底"搵到呢張相先發現...原來未寫呢篇卜...haha...係...我係老人痴呆架!! 唔like咪睇!!...坦白講...其實又真係冇乜特別嘢好想講架....但係作為大家嘅史官(係朋友仔比我稱號)haha....都要盡一丁點綿力記低一起走過的日子嘛....正所謂....如何面對曾一起走過的日子.....有你有我有情有生有死有義.....(爛gag完畢..多謝收看)

講番正題...同咗幾位朋友仔睇咗第一場....而我就係第一次睇林海峰talk show....冇乜期望....所以又冇乜失望...亦都冇乜嘢喜出望外(雖則嗰日病病哋...啪咗丸先去睇...不過都冇瞓著算係咁囉!!)......嗯...睇完個show又真係冇乜嘢好深刻當然有笑位啦...不過似乎東拉西扯咗少少....印象深刻嘅係林生頻頻失憶...不過倒覺得佢嘅應變方法幾有趣!! haha...

其實都好佩服佢一輪咀自己同自己講嘢講足兩粒幾鐘(除咗飲水...真係冇break過)!!利害!!!