熱爆之旅...

星期六又約咗幾位跑友一齊跑, 難得呢個星期六join到....又可以跑吓港島區喇....如果唔係約跑友真係好少跑港島區呢....中環碼頭....呢邊真係又靚又舒服, 超LIKE!雖然大家都唔熟路,有啲亂打亂撞FEEL, 不過都無損心情, 一班人柴蛙蛙好好玩呢!

 

呢日又認識咗幾位跑友, 件衫重撞埋色添...好似同一TEAM咁幾襯!由於太曬...唯有矇住面跑啦....跑完就去太興食早餐吹吓水食吓嘢又十二點喇,....又夠鐘番屋企standby support....時間啱啱好....Yeah!



福岡喪買團~Day6

最後一day喇....行程比較簡單,一早起身就去隊啤, 真係大大杯比你試20分鐘比你坐低慢慢飲,飲完又可以添飲, 有啤酒又有黑喃,連果汁都有架.....真係啱哂大人同細路! 行完之後就齊齊番市區....各自shopping....

我就同其中一個團友行百貨公司同Tokyo Hands,又有好多無謂嘢等我買喇....HAHA...last一個午餐終於可以坐低正正經經咁嘆吓!

又要上機喇......由於買咗太多無謂嘢...最後...我PACK咗一箱7KG嘅唔等駛嘢慢慢坐船仔番嚟....7KG無謂嘢我等緊你呀....怏啲番呀!

係喇, 其實買咗咁多嘢, 你估我最LIKE邊樣? 就係水蜜桃同和牛喇...可以同屋企人一齊分享,佢哋勁LIKE啲水蜜桃呢!

福岡喪買團~Day5

好快又到行程嘅第5日喇....嚟到熊本點都要去社長OFFICE探吓班啦....雖然一句都聽唔明...不過Kumamon真係好cute呢....淨係睇佢跳舞指手劃腳咁都已經好好笑, 加埋個又靘又可愛嘅女助手真係冇得輸呢!

探完社長就緊係要去一去熊本最HIT景點熊本城啦....嗯....其實又冇乜特別嘅都係古代啲皇宮,不過都總要到此一遊!遊完熊本城又去另一個相當吸引嘅景點...鳥栖 Premium Outlets...HAHA..又係大出血時間, 呢次TARGET係買跑步用品嘛...呢個outlet有好多呢!!YEAH!

 Shopping完就出番市區開飯, 呢日係端午節嚟架...原本想食餐好賀賀佢...之但係坐低都參唔多10點嘢,選擇不多....唯有見到OK就衝入去食啦....呢間都OK吖!

福岡喪買團~Day4

 

今日繼續落雨, 重要推住喼周圍行...好難攪呢!攪到冇心機行添, HEA遊咗個血池地獄就閃喇! 出發去熊本, 未夠鐘搭車就爭取時間去百貨公司shopping再買啲乾糧上火車食.....

呢架火車好靚仔呀....沿途紅過阿蘇火山, 由於呢期封山我哋無緣到此一遊,只好遠觀啦!!

 

 瞓咗幾覺終於到熊本喇....呢間酒店好多熊本熊Kumanon呀....好得意, 大愛! 其實喺熊本周圍都會見到Kumanon架!kawaii呢!

話明係shopping團我哋緊係唔放過每一個買嘢嘅機會啦...喺商店街Shop敗完一輪家次後先搵嘢食....其實呢...我哋幾乎每晚十點先食晚飯呢.....肚仔好餓呀....難得夜晚晚重搵到間好嘢食,市區真係唔同啲!正呀...飲飽食醉再行埋激安先捨得番酒店!

福岡喪買團~Day3



 

頂, 尋晚飲完乳酸菌再隊咗盒蘋果汁即刻出哂事, 半夜四點起身痾到九彩,真係有啲虛脫FEEL!手軟腳軟! 成晚都冇乜點瞓...第二日真係唔知自己做過乜咁滯!

 

一嚟又食LUNCH喇...唐戶市場...不過我唔敢食太多啦....淺嘗少少就算....

 

之後繼續搭車去別府, 瞓咗幾覺終於到喇...呢度有熱沙浴玩..一於玩吓先!玩完嘆吓雪糕好正呀!

 

 

 

之但係我哋玩吓玩吓又錯過咗溫泉酒店提供嘅晚飯....好在最後酒店工作人員介紹咗另一間餐廳比我哋食晚飯...終於可以坐低正正經經食餐飯喇!

番到酒店就緊係去浸吓溫泉先啦....嘩...冇人呀....爽! 

福岡喪買團~Day2

瞓醒又食早餐喇 (通常第一晚都瞓得唔多好呢, 不過放假心情輕鬆啲,唔夠瞓都頂到!), 去咗illy飲杯啡醒醒神先!

 之後就去換5 day pass喇....換咗一堆車飛....先嚟太宰府睇吓啲廟宇....重玩咗求神求神...YEAH..求咗支一番大吉簽, 老黎喎!感覺良好! 之後去Starbucks食嘢再掃吓街又閃去下一站喇!



領隊知我哋係shopping精, 特別加插outlet行程...HAHA...當然有斬獲啦, 有跑衫跑鞋同番工衫!買到9點...落閘放狗先走人.....番到酒店已經10點....由於太夜好多食店都關門, 好在重有拉麵店醫肚! 餓餓哋食乜都好好味咁...HAHA!

福岡喪買團~Day1

好耐冇去旅行喇, 足足大半年....好期待呢個TRIP呢! 呢個福岡之旅已經約咗好耐喇, 呢個團嘅團長同領隊負責PLAN行程同BOOK酒店, 真係辛苦哂大家!! 我輕輕鬆鬆就負責做團友便可YEAH!

 

我都係第一次搭HK Express咋, 又估唔到佢都OK準時喎! 比想像中OK!

 

由於我哋搭下晝機, 到埗都5點喇, 搵埋酒店再放好行李已經係食晚飯時間喇, 難得嚟到緊係要去台屋試吓拉麵, 好有風味!

再戰青公...

 

呢期JOIN咗青公跑步GROUP, 所以呢期跑多咗青公, 連自己一條友跑都跑番青公, 星期三放半日假, 本來想黃昏去青公邊跑邊睇日落, 點知呢日天氣麻麻我又遲咗, 睇唔到靚靚日落, 不過呢個樣都幾靚仔吖!

 

星期日又約咗跑友一齊跑, 今日腳仔重係頗攰, 小小哋跑10K就算喇, 之後同跑友齊齊食雞煲飲飽食醉...好滿足!

芒果瑞士卷

其實上星期整咗一次架喇, 不過整咗比朋友仔食屋企人未試所以再整一次, 今次卷得圓咗,芒果大粒啲先! 賣相有少少進步....整卷蛋好有挑戰性呢, 焗太耐好易卷唔到或者卷到裂開, 呢個食譜整出嚟嘅蛋糕比較濕潤所以整出嚟好綿密,口感十足又易卷啲呢!正!



突然開飯@Wired Cafe

突然開飯呢家嘢對我呢啲長期冇飯開嘅人嚟講係非常之普通嘅一件事....之但係對於我啲同事嚟講就十年都唔逢一潤! 3位女子一齊開飯吹吓水講吓是非又真係幾開心!

6月喇星飯@Chum Chum味...

 

6月開始又係一連串喇星飯嘅開始(連續6-9月都有人生日呢), 朋友仔話想食韓國嘢, 呢度啲食物質素唔錯呀, 不過天時暑熱坐真係頗熱....坐indoor同outdoor好似冇分別似的!

 

一行8條友叫咗6樣飯麵, 其他小食都好大碟, 前前後後叫咗9碟嘢, 大部份嘢都掃哂, 超級飽!

大廚駕到...

好友老趙星期六無啦啦話星期日嚟我屋企開飯, 佢重話要親自下廚, 煮番幾味比我同佢女友一齊食....嘩!難得有人自動獻身煮嘢我食, 緊係無任歡迎啦!

 

話哂過門都係客嘛, 作為主人家都要準備少少食物招待朋友, 呢次整個新嘗試, 芒果卷蛋, 第一次試呢個食譜又好耐冇整卷蛋,真係有啲緊張, 好在最後都成功啫!

至於朋友仔呢, 佢都係新嘗試喎!

 

最後整咗呢幾味:

香煎鯪魚餅
椒鹽黄金蝦
特色煎鷄翼⋯⋯
鯪魚球生莱湯

真係唔錯呢! 又係食到超級飽喔!

青公之旅...

呢期JOIN咗啲跑友一齊跑步,  每次跑步都有唔少師兄師姐提起"青公"(青山公路)呢條路, 平時搭車嘅時候都唔覺有咁多人喺度跑步, 原來呢度係熱門練跑聖地嚟,真係失覺哂!! 成日聽人話跑, 我住咁近都未跑過, 所以我就同啲師兄師姐單聲若然大家跑開就叫埋我呀..HAHA....

其實啲師兄師姐都真係成日跑架....呢個星期終於JOIN咗佢哋一齊跑喇....星期四跑完13K有多(最後重由荃灣跑番青衣添!), 之後星期六又跑18K....最勁係...其實咁跑都唔係勁攰, 可以呢期真係跑多咗(雖然都係一兩日左右,不過跑耐咗), 體力都好似有啲進步! 要繼續加油先!!

Buffet@Pentahotel

又到咗同事們嘅喇星飯局啦....由於大家太難約喇...家陣一季先攪一次飯局, 所以就食好啲啲啦...今次就去咗Pentalhotel, 呢度個裝修又幾有特色,有啲懷舊FEEL, 食物方面呢有生蠔同長腳蟹, 質素都OK呀, 當然唔少得飯後甜品啦...好滿足! 食飽再吹完一大輪水先散, 好盡慶呢, 期待下次嘅飯局!

烈日下喪跑

星期日又約咗啲跑友去跑步，路線係天水圍運動場來回尖鼻咀，難得去一啲特別嘅地方又想去見識一吓。。。之但係應承咗之後真係有少少淆底，因為天氣似乎好熱，而且起碼時間唔算早呢（９點鬆啲跑真係唔夠早呢，超曬）

果然。。。瀨嘢啦，水就得一支，烈日當空跑參唔多１６Ｋ真係死咁滯，去果陣重可以跑住去，但係回程果陣真係超曬，奈何亞祖散熱又比較慢，加上唔夠水飲真係唔敢跑，大部份時間都只可以行。。。熱屎咗！

終於跑吓行吓咁。。用咗兩粒幾鐘先番到鐘點，梳洗完再齊齊去食盤菜。。。超飽超攰又超眼瞓！

Farewell dinner for my home...

朋友仔們知道我就搬所以想喺臨搬前嚟一個farewell dinner, 趁我未執嘢緊係OK啦! 問朋友仔想食乜....喺大家提意之下整咗燒肉, 部隊鍋, 蜂蜜蛋糕同焦糖布丁蛋糕。

 

 

適逄有位朋友仔就嚟生日，索性比少少驚喜過佢，預備個生日蛋糕比佢同佢預祝生日！大家都好驚喜又開心呢，你哋快樂所以我快樂！Yeah!

 





Nike Harbour Run

 

知道NIKE有攪Harbour Run好耐, 不過從來都冇JOIN過, 因為真係唔知點JOIN呢....自己JOIN咗個跑步GROUP之後又真係收到唔少跑步資訊....咁啱有位師兄吹雞叫大家齊齊跑Harbour Run, 真係求之不得啦! 嘭嘭聲報名先....

 

一條友唔知頭唔知頭真係有啲難JOIN....成班人齊齊跑又幾好玩, 由灣仔跑去堅尼地城...途中都要上幾條天橋(上樓梯真係只可以行,跑唔郁喇), 跑咗40分鐘左右完成喇....之後齊齊去食嘢....跑完嘆杯凍檸茶真係超正!