又到年尾, 對於我嚟講年尾都係忙於清假....冇辨法啦,我哋lee 啲勤力嘅小蜜蜂平日好少放假嘛....嗯...難得有日假期, 真係唔想嘥呀...所以今日決定去一個好耐冇去嘅地方hea吓....relax吓!
話時話lee個地方又真係好耐冇去...都有4年喇...好緊張呀....一條友去真係驚驚哋唔知"訂"
....今朝食飽早餐就出發喇...去到中環再轉巴士...成架巴士計埋我都係得5條友咋...重係個個都係鬼婆鬼佬...well, 上咗架車我都覺得自己鬼鬼哋....
講咗咁耐大家估唔估到我去邊呢....冇錯....就係lee度喇....其實我今日去咗赤柱踎咗陣.
穿過個赤柱市場好快就見到美利樓喇.....
美利樓地下有個香港海事博物館,咁啱lee排免費入場, 唔駛錢就梗係入去八吓啦!
其實個博物館好細吓, 唔算好多嘢睇, 唯一比較好玩嘅就係lee個模擬控制台,可以比人試玩模擬泊船.....幾得意.....
睇完博物館繼續出去行陣....lee個就係卜公碼頭, 喺美利樓隔離咋....
我都係第一次嚟lee度咋.....
行到兩點幾, 又係時候食啲嘢....頭皮搵咗間餐廳食...都唔錯呀!
食飽又繼續行....喺赤柱廣場hea 咗陣....
又去咗天后廟到此一遊....
之後就hea咗去聖士提反海灘....嘩!今日天氣真係好正呀!
又真係有人游水喎...都係得外籍人仕游咋....睇嚟外國人真係冇咁怕凍....
得閒玩番張自拍先....原來自拍確係好難影架....哈!太closeup恐怕會嚇親大家....
hea完海灘又走去墳場影幾張相先.....日光日白唔怕掛
行樓梯上墳場之際...前面冇啦啦又有個鬼佬閃出嚟...真係撞鬼...爭啲比佢嚇鬼死....
不過我都係影幾張相啫...有怪莫怪....
到咗最後一個行程...就係high tea喇...正確嚟講應該係high ice-cream....
檸檬雪巴加榛子雪榚....好味!.............
....
