亞茂整餅

今日放咗工同咗班同事去整餅, 話時話唔整過真係唔知啲酥皮係咁難整架, 真係搓到手軟!

原來係去towngas呀....都係第一次去咋...真係大鄉里!

橙色圍裙lee個就係老師喇...哈...好似讀書上家政堂咁...

lee個就係我個靚位喇......好鬼整齊....不過當我整完餅之後lee度已經變咗亂葬岡!

由於時間嘅關係, 所有材料已經準備好....

咪睇lee舊粉團冇乜特別...我搓咗好鬼耐架, 一手一腳自己整架,不過又確係幾好玩

再碌多幾碌就變成咁喇.....不過塊餅個型好似怪咗少少...

之但係都尚算谷得起呀...不過面嗰層有啲龜裂添....

終於焗好喇......兩大塊....不過見到都已經滯滯哋添....

lee個就係製成品喇...不過係老師嘅製成品....咁我嗰個去咗邊呢? 其實係老師千叮萬囑咁話若然唔係今晚食就唔好唧啲cream落去塊酥皮度, 所以我都係都唧囉....最後酥皮還酥皮pack, cream 還cream pack, 士多啤梨又分開pack...三袋嘢分開拎走咋......臨食先幫佢合體啦..........

由於整酥皮實在太花時間喇, 終於整到10點先閃...真係攰死! 之後重同咗啲同事食埋煲仔飯先閃....攪到12點先番到屋企....不過好彩聽日放假啫...可以瞓晏啲! yeah!!