大閘蟹宴

上星期日去亞美度做facial嘅時候講起食大閘蟹,真係講到流哂口水,講吓講吓佢重約我今日去做facial兼食大閘蟹, 佢重約埋關氏夫婦嚟添呀!

亞美重晨早準備咗花膠煲雞湯....好正呀!

主角"大閘蟹"出場喇.....好肥美呀....

確係好得呀...喺旺角買架, 四十幾五十蚊都已經好得...我就鍾意食"公"多啲喇!

除外大閘蟹之外重叫咗幾碟外援有雞、炒菜同肉餅...全部都好好味架....

 

食完大閘蟹梗係要飲番啲彊茶啦, 亞美重好有心思咁加咗啲蕃薯落去................好夠彊味呀,食咗真係醒神哂.....

話時話食完亞美lee餐又確係有啲壓力呀, 家因lee個星期六約咗幾個朋友仔上我屋企食大閘蟹....睇怕都冇亞美整得咁好食呀....亞美、亞美lee餐真係多謝哂呀,要你又買又煮連碗都洗埋.....真係唔好意思...至於我呢...全晚嘅貢獻就係做facial、食同飲, 真慚愧!