由於今日下晝要陪排骨仔去醫院做個小手術, 所以請咗一日假去陪佢
....其實除咗我之外大家姐都同我一樣請咗假.....本來諗住約埋大家姐食lunch...不過我又攪到遲咗先去到旺角, 最後唯有各有各食啦....去到旺角都成兩點鐘...啱啱過咗lunch time, 去邊度食都得啦....最後揀咗間想試好耐又冇乜機會試(因為個夜晚個food court實在太多人喇)嘅Pepper Lunch
!
老實講...其實lee間嘢都開咗一排....之前重聽到唔少劣評添(通常都係去過日本食過lee間嘅人都覺得lee間嘢唔掂
)...不過都係想去試試喎! 試吓有幾唔掂吖嘛....哈!好變態
...
我叫咗個霜降牛肉套餐....塊牛係生區區架,要自己煎熟佢,連啲芽菜仔都要炒埋架
...
煎好喇....再淋啲汁落去就食得....話時話塊牛又真係有啲筋...唔算好淋...又未至於咬唔落嘅...不過啲汁又確係幾好味...整體嚟講都ok喎....都算唔錯吖...
飲飽食醉之後就join埋大家姐去排骨仔學校接排骨仔同肥師奶放學, 之後再帶佢哋去醫院....我重以為二家姐同二姐夫唔得閒嚟添...點知原來個個去哂醫院陪排骨仔...真係成村人陪佢
....
不過大家可以放心....其實祗係一個小手術嚟.....不過怕痛嘅排骨仔就哎到拆天...最後要5、6個人襟住佢先得(所以要全家出動襟住佢囉).....聽到佢喊到聲都沙埋...又確係好心痛呀.....希望佢快啲好番, 唔駛再受皮肉之苦啦
!
沒有留言:
發佈留言