我的2008

又到年尾...又係時候整番個2008大事回顧....嗯....亞祖年頭過咗一個超勁凍嘅冬天....好凍嘅生日....又過咗一個參唔多日日落雨嘅春天.....之後.....又過咗一個打咗n咁多次颱風嘅夏天......到咗秋天....依然好似夏天咁熱....2008嘅天氣就係咁反常....今年...亞祖遇到嘅人同事都同天氣一樣.....反常過反常.....實在令人難以接受.....呢一年....堪稱係亞祖由出世到而家...(足足都有十幾年架....)最最最倒霉最最最谷底嘅一年! 人性嘅真面目啦....金融風暴啦(怕且冇乜邊個可以避到呢一劫).....生離死別啦......真係有咁衰得咁衰...有咁可怕得咁可怕!

當然...今年身邊都有啲少開心事發生啦....不過....總括起嚟....唔開心事一定比開心事多....不過....隨住2008年嘅過去....我相信我會由谷底慢慢爬番上山頂(山腰都好吖)! 確係死都唔信一世都停留喺谷底呀!

由於時間關係...又係時候展望吓09年...我希望.....嗯....兩個月內....增3磅囉....典解? 無他嘅....聽聞隔離department有位亞姐要喺兩個月內減3磅...我....都係想知增磅難啲定係減磅難啲啫...我諗絕大部份人都覺得前者易啲係咪? 嗯.....咁....你就錯喇....我呢個增磅願望足足"望"咗一年...成績嘛...大家有目共睹啦! 以前有啲肉地嘅時候覺得減一磅都難.....原來....反之....亦然!

交換禮物

尋日放工收到肥師奶電話....大家估吓佢搵我做乜? ....佢....佢....佢....竟然打嚟吹我買禮物比小青蛙...重要買大大份嘢添呀....嗚嗚嗚嗚...咩世界嚟架...激屎人!!

由於budget有限...30個大洋又要大大份嘅話...非呢樣嘢莫屬! 不過我諗小青蛙已經晨早買咗架喇.....唔緊要啦...話哂都係folder...典都有用掛!

兩面都有小青蛙公仔架....都算交到功課啦!

包得靚靚哋呃吓人先...........

你哋睇...今朝真係瞓都未瞓醒就交換禮物喇...若然今日拎唔到嘢番去...恐怕肥師奶包租婆會烹我走....

肥師奶包租婆....我...我...我交租喇...唔好烹我走呀.....特別鳴謝:小青蛙, 呢兩袋曲奇都係佢親手整架....一袋係榛子果仁曲奇...一袋係猪屎杏仁古古力曲奇嚟架....聽到都想試吓....正!

網上騙案

嘟嘟嘟...特別新聞報導....一名七歲妙齡少女懷疑遭網上騙子騙財.....事發喺係亞祖家姐屋企....家陣就等我重組吓案情先....

前兩日....大慨係夜晚10點幾...亞祖喺家姐屋企上網嘅時候...見兩隻小魔怪未瞓咪介紹佢哋玩msn囉....由於要示範吓典玩...所以我咪搵咗小青蛙(疑似騙秩)吹吓水囉....起初...大家都係say 吓hi 啫....典知傾傾吓小青蛙就問肥師奶...."你鍾唔鍾意食蛋糕架?"....見到呢句嘢....嗰兩隻小魔怪已經流哂口水.....跟住"有人"更聲稱喺小魔怪生日嘅時候會整蛋糕佢哋吔.....呢個時候....肥師奶已經兩眼發光...(唔知重以為已經食咗人哋舊蛋糕添呀)....重話要送禮物小青蛙!如是者....第二晚online又傾咗一大輪....肥師奶已經不知不覺咁...跌入騙財嘅陷阱....oh no....真係要唱番句"這陷阱...這陷阱....偏你遇上..."

尋晚我番到家姐屋企嘅時候....肥師奶一嚟就問我 : "你買咗未呀"....

亞祖就話: ...."吓?買乜呀....?"

肥師奶: "小青蛙禮物吖嘛, 我比$30你買"(其實受害人係企圖以小博人...正所謂小財唔出大財唔入嘛, 同其他受害人一樣....都係一個"貪"字....!)....

亞祖: 唔係fa...

話時話....大大話話我都識咗肥師奶7年....年年聖誕節都係得張聖誕card咋....重要次次都寫錯字架! 最多加多支鉛筆同擦膠.....就係咁咋喎...基本上可以講係"毛都冇條"...家陣....竟然"豪擲"30個大洋比個喺網上只係識咗兩日嘅陌生人???? 嗚嗚嗚....呢啲咪就係"大肚dump冇良心"囉...見異思遷呀....

唉!...呢啲咪就係報紙頭條成日出現嗰啲..."女少被網友騙財騙...."囉.....各位少女...真係要小心呀...網上面考多壞人架....

該名天真嘅肥少女就喺銀飽"提取"咗辛辛苦苦"屈"番嚟嘅30個大洋出嚟....

亞祖無啦啦變咗幫凶添...haha....

究竟....小青蛙會唔會真係整餅比肥師奶食呢?

究竟....肥師奶呢招以小博大嘅奸計得唔得逞?

究竟....亞祖會幫肥師奶買啲乜呢...定係拎咗三十蚊去食夾棍呢?

究竟....邊個先係真正嘅網上騙子呢? 欲知後事如何...請看下回分解!

 

 

馬交博老命搵食之旅-第二dAy

瞓醒一覺又要出去搵食...本來想去大利來食猪扒包...典知的士哥哥話3點先有猪扒包吔....唯有轉移陣地食第二間啦....

正當我哋去到三盞燈附近搵包之際...見到有暑香島咖啡....睇落都好似得得哋....所以又貢咗入去試試......

朋友仔叫雞.......扒通粉....

我就整咗個辣魚通粉...呢個又真係幾好味....

嗯...咖啡我真係唔識欣賞....叫咗杯奶茶...都ok啦....

食飽就當然係繼續搵猪扒包食啦...

點半hea到去...佢...佢...佢竟然未開檔...唔係fa...間間猪扒包都唔駛做架咩....激屎人...今次...我哋一定要食到佢架....就係咁...一蛋....就蛋咗粒幾鐘...呢頭又冇乜地方好去...周圍hea....夾硬hea先hea到3點咋!

終於開檔喇....唔知典解啲櫈仔要咁矮嘅....

嚟喇...嚟喇...熱辣辣猪扒包....確係幾好食架喎!

食完又去番大馬路嗰邊....唔知典解次次去親澳門都要經呢度幾十次先安樂.........

感冒兼喉嚨痛嘅最佳良藥....問你屎未.....話時話...其實炸雞呢家嘢實冇屎錯人嘅...典都好味...不過...呢兩隻嘢真係得來不易...尋日搵咗九年都搵唔到檔嘢...今日竟然無啦啦唔覺唔覺見到佢...真係痛屎都要咬啖!

之後又係觀光時間....我哋呢啲咪就係"炮兵團"囉...睇吓碌炮幾"近"!

又係次次都要嚟幾轉嘅大三巴...

又tea time...食咗件行行哋嘅葡撻....

hea完一輪又係食...冇法啦要趕船番香港... 其實我哋想搵粥檔架...都搵到兩間架,不過一間未開舗...一間就啱啱落閘放狗....澳門啲舗頭真係考難觸摸呀....救命!最後...由於時間關係...頭皮搵間算把啦!

頭皮叫咗個沙律....又係魚..

頭皮叫咗個菠蘿焗飯.....

執嘢閃啦...又一袋二袋....

再見喇馬交...下次再嚟過喇!

馬交博老命搵食之旅-第一dAy

星期日同個條茂利去馬交hea咗轉...唉!黑仔即係黑仔...亞祖都一排冇病過架啦...典知臨出發前病鬼咗....諗住係咁倚病吓咪算囉...又典知越整越病....星期六嗰日重屎咁滯...拿拿淋再睇過醫生啪啲藥先好啲咋...唔係嘅話去到馬交淨係瞓同瞓都似!

真撞鬼...原來星期日都咁得多人去馬交....隻船full哂呀....重成排人wait梗船飛....駛唔駛呀..........當然我哋呢啲梗係晨早卜哂嘢啦......

典解今次搭金光飛航?因為我哋想喺氹仔落船囉....又典解要喺氹仔落船? 乜你咁蠢架....睇吓相咪知囉......因為今次要豪一豪佢...住威尼b人....諗住氹仔落船方便啲囉!

間嘢果然係幾豪情咁喎...不過要等到3點先有得check in...我哋擺低咗啲行李就hea咗出去喇...夜晚番嚟先check in啦.....

由於唔知有乜車出市區...我哋劑劑都係搭佢嗰啲shuttle bus咋, 次次都搭咗去金沙先...haha....順便hea去漁人碼頭影兩張"到此一遊"相....

成朝淨係食咗個麵包咋...餓屎人去搵吓食先....

其實我哋係想食個什麼焗飯架...又冇...頭皮叫咗個木糠布甸算喇...淨係叫個木糠布甸?!......結果....當然係遭人白眼啦!...............

食咁少嘢梗係未飽啦....繼續搵食先....

實驗證明做人嘅嘢千祈唔好太濫!頭皮搵檔嘢食真係好唔掂!呢個冰凍嘅辣魚包被譽為最程最唔掂嘅食物!

又行吓行吓行咗嚟呢度.....之前淨係喺附近買手信咋...都未嚟過呢條街....

考多人呀....痴痴哋...不過一場嚟到都要試吓....

魚翅.....盛為18個大洋....18蚊想典吖...ok 啦!

查實食完一輪...都真係唔多飽...正確嚟講係未食lunch嘅...不過家陣已經係下晝5點幾喇....................................餓.............屎...............人.......................

雪糕都唔食住...隊咗碗麵先講啦......

食完梗係要食甜品啦........

甜品送藥...問係死未.....真係博老命架唔係講笑!

嗯....嚟多個雪條添吖唔該..呢個.....我...我...我...咬咗兩啖咋...唔關我樹架!

食完又行吓啦....賭場風雲...由於亞祖冇80萬咁多...所以決定...一間賭場都唔入囉!

係時候番歸啦.....check完in又食....問你怕未.....

食飽飽hea完一大輪就番房瞓啦....嘩!駛唔駛咁大呀......

乘機上吓鏡先.......................................

好抵死...電視都有兩部....一人一部唔駛爭!