黏土功課之生菓檔(二)

 呢個聖誕假除咗掛住食之外重好努力咁搓泥架。。。已經去咗埋尾階段喇。。。家陣比住啲＂起步階段＂嘅version比大家睇吓先啦。。。呢啲全部都未上色架。。。唔知你又估唔估到係乜呢？由細至大size慢慢估吓：

基本上呢幾種生果我都好喜歡食架。。。

 

開估：左上（龍眼），右上（我至愛嘅青提） ，左下（把幾兩把火嘅荔枝），右下（樹多啤梨）

呢堆嘛，我比肥Ｃ奶估，有啲佢未食過呢。。。

開估：左上（車尼子），右上（枇杷果） ，左下（布冧），右下（檸檬）

嗯。。呢堆有啲真係整嚟整去都唔多似。。。

開估：左上（蘋果），右上（蕃鬼荔枝，唔知係乜？上網check吓啦。。。） ，左下（芒果），右下（啤梨）。。。其他嗰啲下回分解！

吃喝玩樂聖誕節。。。。

今年聖誕假都係食食食咁渡過２５號就約咗啲朋友仔去我屋企打邊爐，話時話住咗呢度幾年都係第一次玩打邊爐，連電磁爐都要開家姐借呢。。。哈哈。。。同朋友仔去楊屋道街市買咗幾款海鮮又平又靚，超好味呢！

Boxing Day咪又係食。。先嚟lunch buffet夜晚食pizza.... 又係超級飽！

２７號就去咗個把鬼3D館又迫人間嘢又細啲佈景又窄超易穿崩。。。唔知想點。。。好彩啲飛有折啫（不過。。。都係唔抵囉）。。。

 夜晚去咗outback食，平時食lunch去真係太heavy, 食晚飯嘅感覺好好多。。。。

食完dinner再hea咗陣就去MangoChaCha食甜品，呢間嘢原來係來自台灣主打愛文芒果，食物都唔錯，不過我始終比較喜歡呂芒嘅香味呢！

聖誕小蛋糕...

今年公司嘅X'mas party喺24號開, 都好彩24號早放而且二日唔駛番工,唔係嘅話真係未必有心機整cupcake去呢....你知啦整得cupcake個樣不能太衰嘛, 要花小小心思...

上年用creamcheese整topping....嗯...唔好食呢...其實我真係好唔like creamcheese...又唔識得整得好食啲.....次次啲comments都係...舊蛋糕就OK...不過上面"督"嘢就.....唉!都係算罷啦.....今次放棄creamcheese...死都唔用butter cream同royal icing...一於諗啲大家會食嘅嘢唔好嘥嘛!!

呢期紫薯好HEAT...而且紫色係我最愛...一早已經諗好用佢架喇...都係整番聖誕樹穩陣! 另一個都係古古力....公司有啲同事係古古力控, 呢款應該OK嘅, 本來古古力cupcake想食老本用番古古力醬架,點知原來用呢個杯杯焗啲蛋糕仔個造型有啲難控制, 最近拿拿淋打少少cream做topping算喇....之但係又唔夠cream又要諗吓整乜嘢款嘅topping慳啲cream...真係呢咁HEA....本來諗住12點前可以攪掂架啦...因為呢個topping攪到成點幾鐘先完成...重要洗埋嘢拖埋地先沖涼....終於零晨3點先可以瞓, 真係超攰!

都好...今年聖誕嘅目標已經完成.....可以整啲小蛋糕比朋友仔好開心呢...整嘅時候當然係開心啦...見啲朋友仔收到呢個小禮物都好驚喜,希望佢哋喜歡啦!

黏土功課之生菓檔(一)

咪以為我呢期淨係整蛋糕就荒廢學業冇搓泥呀.....乜啫.....我都係搓得慢咗少少啫,冇偷懶架......其實呢堆功課已經係上一期嘅course嚟架喇....由於功課太多攪到家陣先搓完....重未上色添呀...希望聖誕節可能有時間上色啦!

頭先每種生菓逐一拍照都攪咗成粒鐘....攪到咁夜下次再UPDATE多啲啦...呢個course我足足走咗3堂呢, 有啲冇上堂都係靠想像整出嚟,所以有啲真係整得麻麻....已經試咗好幾次都整得麻麻就唯有接受啦! 下次再逐一介紹!

HOTPOT@禾牛薈

尋日約咗幾位朋友仔去打邊爐, 好耐冇打喇.....天寒地凍真係啱哂.....今次我哋去咗喺老尖嘅禾牛薈,樣樣都好好味呢.....已經約咗啲朋友仔下次去另一間分店番啅!

碟牛真係幾靚仔....桶蠔當然係十分之穩陣啦....

啲丸丸好好味呀......超飽呢!

聖誕花環

上星期公司攪咗個course教整聖誕花環, 見佢5草嘢平平地又去見識吓先.....今次係同樹"吉蒂"姐教....佢重準備哂啲材料....嘩全部都係新鮮樹葉同果實, 好香呀真係堅喎...

其實整個花環唔算難...不過諗吓點配搭就勁花時間呢, 淨係揀條絲帶都已經諗好耐...而且啲果實係真嘢..整整吓又甩咁啲都幾呢HEA!

我都係喜歡清清地...不過我整得太慢喇, 本來想搵啲金色同銀色小波波點綴吓, 不過比人拎哂LU....

唔打緊, 番到屋企加咗少少白色細粒粒花仔...再執一執, 睇落冇咁寡, 掛喺大門口好有聖誕feel呢!!

Dinner@Mini Club

又同搣匙撐枱腳喇...今次去個Mini Club...Hmmm..其實呢度啲食物都OK...不過service真係麻麻,又慢重要漏單.....應該冇下次喇!!

尋晚少年筆耕咁整咗幾個cupcake...希望搣匙like啦!

朱古力軟心咖啡蛋糕+牛油朱古力topping

呢兩個星期都忙於整我嘅聖誕禮物, HAHA...好在...呢期唔係約咗太多朋友仔...唔係真係未必個個都整我切呢....整完呢個可以抖吓先...之後重有公司X'mas Party....又要諗吓點樣去呃神騙鬼喇!!

其實呢個cupcake都係搵啲食譜出嚟左抄右抄整出嚟...居然都呃得吓人...不過試完就諗到有其他地方可以改進, 下次個topping整個朱古力鏡面應該重好味呢! 其實我覺得cupcake應該可以有更多變化,由其係上面嘅topping家陣無論係cream, cream cheese, royal icing同糖皮都唔LIKE呢...我至憎啲一PAT PAT同超甜嘅嘢架喇...靚得嚟都要好食架嘛, 希望整到一個內外兼備cupcake!!

呢個cupcake未至於好好味,起碼我成舊都食到先啦! 下次再改良吓再搵白老鼠試吓先!

詭異蜂蜜蛋糕

又係蛋糕HAHA....我都話會好努力咁試架啦...今日呢個真係幾型, 用高筋粉整蛋糕, 我見識少真係未聽過呢...一於試試佢....睇個食譜除咗用高筋粉比較型之外...其他材料好正常應該唔會衰得好緊要嘅!

嗯....焗出嚟個樣唔錯....不過個款好似乾咗啲...啲質地唔似一般蛋糕咁鬆軟....試完味之後... hmmm ...質感好似有啲怪.....送唔送比人好呢....之但係...再整都係整番啲"巷"嘢, 算罷啦....一於送出去啦....希望朋友仔唔好介意...今次啃住呢個先.....下次整啲更好味嘅比你哋!!

韓樓

為食嘅亞祖真係乜鬼都啱食....泰國,韓國,日本,粵菜,西餐真係你噏得出我就擺我入口架喇....星期五又約咗朋友仔去開飯...食完個部隊鍋再去食份子雪糕.....呢期出咗隻粟一燒味...有趣有趣...都幾特別喎!!

杏仁檸檬蛋糕...

好快又到聖誕喇.....其實我對呢啲節日從來都唔太重視....有時過時過節亦都未必嘢嘢有節目添....之但係又唔知典解今年又想整啲蛋糕比啲朋友仔作為聖誕禮物送比佢哋喎, 所以呢期密密整密密試..HAHA....其實大家都係做緊白老鼠....冇辦法啦...我係鍾意整餅,不過又唔鍾意整嚟整去都係一式一樣嘅嘢咁冇新意.....所以都係不斷嘗試....其實到目前為止我都真係好少整重覆嘅嘢(由其係短期之內係咁整同一款嘢真係有啲悶呢!!), 之但係家陣要趕工都難免要整啲熟手又簡單啲嘅嘢....呢個係近期嘅新嘗試,簡單又幾好味....已經整咗兩次喇...不過屋企人重未食呢...睇嚟要整第3次先得嘢....

菠蘿蛋糕

又嚟手痕整蛋糕喇....好耐冇整牛油蛋糕喇....上網見到呢個易整又幾靚仔一於試試佢...YEAH..至LIKE呢啲簡單嘅食譜...快靚正!

啱啱可以分到8舊....又可以同啲家姐一齊分享!!

11月喇星飯@Grappas

星期五約咗啲朋友仔食喇星飯, 係呀啲CUPCAKE就係想送比呢班喇星架喇...唔知大家有冇留意蛋糕上嘅小星星呢....特登送比喇星們架!

送蛋糕之前緊係食嘢先啦....好多沙律...啱哂我呀....重有pizza同長通粉......吹吹水又一晚....GOOD! 係呀, 大家收到個CUPCAKE都好驚喜呢...HEHE!

生日小禮物2014

大慨喺大前年開始都有送黏土禮物比啲朋友仔...有蛋糕,花同麵包, 整咗3年之後開始唔知整乜好之餘又好似次次整都有啲壓力...你知啦...其實我不朽都整得慢吞吞架啦....成日都驚整唔切所以決定今年唔整喇...不過整開唔整又好似爭少少咁,於是乎我又諗不如整蛋糕代替啦...之但係又未必次次整我切....結果喺今年嘅最後一次喇星飯一次過整一堆CUPCAKE作為大家今年嘅生日禮物....雖然遲咗啲希望大家唔好介意啦!!

諗咗一排都唔知整乜好, 又想特別小小....最後決定整朱古力軟心蛋糕, 其實個朱古力軟心係喺整蛋糕前一晚整定架....我偷食過, 就咁食都唔錯架...HEHE!

連個topping都諗咗一大輪先決定到,又想靚又想好食...又要啱小朋友仔....唔想加任何添加劑, 最後都係整番朱古力cream cheese都係靚樣吸引啲...HAHA!

Unicef慈善跑

又係一年一度嘅Unicef慈善跑喇...同前兩年一樣黐家姐金糠一齊去跑3K親子組, 同佢哋連續跑咗3年亦都見證咗ME姐嘅進步...由前年用咗粒幾鐘先完成賽事, 上年用咗四十幾分鐘到今年就用咗三十幾分鐘,真係有明顯進步呢!叻叻!!

小蝶....

星期五同咗啲同樹去小蝶食十月同十二月喇星飯, 係呀由於時間關係我哋嘅生日飯只可以一季食一次...冇辦法啦...一枱13個人重要揀星期五晚開飯要約齊腳真係唔容易!! 由於一季先食一次喇星飯, 所以我哋每次都要好慎重咁諗食啲乜架...今次就試呢間小蝶喇...

睇OPENRICE見到佢啲食物好別緻, 又好似幾有心思咁...不過...都預咗係貴夾唔飽嗰度!! 之但係....食完就反而覺得呢間嘢啲食物又冇想像中咁"小蝶"喎, 當然大家叫餸嗰陣都會睇餸食飯,真係太細碟又貴夾唔飽嘅都應該冇叫....雖則係咁, 啲食物一啲都唔差, 有啲重幾特別味道唔錯....最後食得飽飽, 我哋13個人位位都係二百幾蚊, 比想像中平!

個上湯白菜仔清清地都幾好味, 個巨型喬頭骨酸酸地又幾開胃!

個菠蘿飽咕嚕肉幾特別不過又真係冇想像中咁好味, 薰雞好夠味..正!重有個炸麵嘅物體加咗東坡肉都好香口, 個咖哩牛都幾好味...不過個批就有啲多舊魚嘅感覺, 正正經經整啲蒜蓉法包嚟可能更好! 不過總括嚟講樣樣都唔錯!!得!

HIGH TEA@W HOTEL

前排啲同事見到W酒店有TEA BUFFET....2百幾蚊一位...都可以去試試喎,又要成個月前卜定, 今日終於等到喇....其實呢個星期又病咗...呢幾日都喪咳, 重諗住個TEA BUFFET應該都係甜品居多....冇乜嘢啱食!點知原來有一堆咸點而且質素唔錯(個人認為咸點比甜品更出色)....好啱食!!每種食物都好精緻又好味.....東亞CARD重有8折...HEA吓食吓又飲吓嘢真係超爽!

季節限定~紫薯小蛋糕

呢期一街都係紫薯,連蛋糕店都有....我又整嚟試試先....其實佢由內而外都係紫薯嚟架.....不過啲蛋糕都冇乜紫薯味....可能整原味小蛋糕重好食啲,加咗紫薯嘅蛋糕有點怪怪的....其實蛋糕上嘅紫薯TOPPING已經搶哂啲味...我諗舊小蛋糕做番原味重夾重好味呢!

烹飪班@TOWNGAS

公司又攪烹飪班喇...今次整西餐重要喺TOWNGAS攪....盛為150大洋, 平平地....真係超多人報....估唔到我報到...正!又可以去玩喇....

今次整紅酒燴牛尾同薯仔薄餅...第一次整牛尾咋....不過跟番老師啲步驟都OK....之但係要成日睇住煲牛尾驚佢燶同黐底,又要顧住整個薯仔薄餅真係好忙....個牛尾足足整咗粒半鐘先攪掂,睇怕番到屋企都冇呢個耐性睇火喇!!都係整小食同蛋糕簡單啲!!

煮咗成煲牛尾食唔哂...最後拎咗去二家姐屋企一齊食!!

9

蜜糖鬆餅...

一直都喜歡食鬆餅尤其係KFC嘅鬆餅....加啲JAM就更加好味.....前幾日上網搵到幾個食譜,搵到個比較簡又幾似樣嘅食譜...堅易整!! 趁熱食咗3粒(我整咗兩個SIZE...食咗3粒細SIZE)....超熱氣, 加上尋晚打邊爐...今日終於喉嚨痛呢.....

其實亞祖真係冇時停架...今日冇節目咩....整完鬆餅就去跑步...跑咗兩粒幾鐘.....番到屋企食飽飯又想搓泥...點解咁多人都以為我冇玩搓泥架? 太少UPDATE?我又真係整得慢咗啲嘅....努力整多啲先再UPDATE啦...HEHE!! 搓泥功課不日放映!睇住預告先啦...估到佢哋係乜東東嗎?

再嚟叉燒批...

話說上星期整個雞批嗰陣硬係覺得個批嘅質地爭少少又唔夠香...所以呢個星期就搵過另一個食譜...係架...我唔LIKE喺短時間內重複整同一樣嘢,所以今次就整叉燒批...

呢個食譜好靠得住,個醬汁味道真係唔錯....個撻皮又香啲...連肥C奶都話呢個比雞批更好味...二家姐重勁....連個撻皮唔同咗都食得出...勁呀!

上星期朋友仔問我...點解你同一日又POST啲雞批...夜晚又同你食飯...其實啲雞批係幾時整架....答案咪就係...同一日整架囉....食飯都食幾粒鐘啫....下晝重有大把時間整嘢架嘛...好似尋晚咗...食完叉燒批咪去打邊爐囉...HEHE!

Jamie's Oliver

前排約咗啲同樹一齊去試JAMIE'S OLIVER,由於時間關係之前已經上網卜咗,不過只可以卜到21:30 實在太夜,最後唯有死死熱早啲去等位啦...我哋約咗18:30去攞位...終於拎到20:45嘅籌...

由於時間尚早....去咗Häagen-Dazs 度坐吓飲吓嘢先.....

20:30去博吓有冇得坐...YEAH...終於等到喇....有啲菜式確係幾特別嘅, 咁多款我比較喜歡個BURGER同黑松露意粉(清清地有淡淡嘅黑松露味,味道太濃烈反而難頂呢,啲意粉質地又唔太硬)....呢餐位位二百零比想像中平喔!

天國的雞批...

前幾日上網無意中見到雞批嘅食譜, 見佢煩得嚟又好似幾易(似乎成功率應該相當高), 於是星期六又玩吓....本來見到SUPERMARKET有一PACK PACK嘅雞胸肉,不過雞胸肉又好似鞋得滯, 最後買咗去骨雞肶肉...又要去皮又要切哂啲肥肓...HAHA...原來呢PART係整個過程最煩嘅(我至怕切啲肥騰騰又或者腥亨亨嘅嘢架....同幾塊雞肶肉博鬥咗一輪終於攪掂...餡料方面...由於我都唔LIKE啲雪藏什豆所以淨係加咗罐粟米咋, 再加埋洋蔥同罐白汁雞皇湯再炒埋一碟就攪掂喇!超簡單! 不過啲雞批要逐粒整都幾花幾簡,又驚佢穿....攪咗好鬼耐呢...

YEAH...焗好喇...真係唔錯花時間都值得嘅..... 趁熱即刻試咗舊....熱辣辣特別好味!

再嚟大閘蟹之夜~take 3....

上星期真名副其實嘅大閘蟹WEEK,星期四又同啲朋友仔去食過, 今次唔食住家菜喇...去陶源食大閘蟹套餐, 朋友仔有買一送一COUPON...真係超抵呢, 呢個餐有兩隻大閘蟹公, 重有其仔食物樣樣都好味...雖然佢樣樣嘢都細細碟咁, 不過食吓食吓唔覺唔覺都超飽呀....

啲蟹膏真係令人好懷念喔....超正!!

大閘蟹之夜.....

之前睇報紙嘅財經版話原來每逢10月個股市都好淡靜,莫非因為呢個月份係食大閘蟹嘅季節?!正所謂股票呢家嘢我識條鐵咩....都係食番隻大閘蟹應吓景啦.....

星期六啲同事嚟我屋企開餐, 主角當然係大閘蟹啦....其他嘢就簡簡單單算啦....掛住食蟹冇乜時間整嘛...HEHE....整啲快嘢正嘅....有檸檬雞翼, 燒肉,海鮮部隊鍋同蕃薯糖水。。。。飽到飛起！！

 

星期日繼續part 2, 年紀大喇每次祗係敢食一隻咋。。。今日食之前已經跑咗９０分鐘。。。星期四重有一餐呢。。。下星期繼續喪跑先得喇。。。。

日本豬仔團~Day5 & 6

基本上今日係跟團嘅最後一日喇....不過我哋STAY BEHIND多一日...所以對我哋嚟講呢日係尾二,由於酒店臨離市區好遠而且我哋向領隊訂咗啲食物喺LUNCH食...所以今日都係跟番原來行程, 首先去OUTLET SHOPPING(去到OUTLET真係把持唔住呢, 結果係怎麼樣? HAHA...朋友仔咪瀕臨破產邊緣囉, 我嘛預多咗少少錢, 感覺良好..HAHA) , 買完嘢再去食LUNCH(有自費牛同魚, 條魚超正)....食飽一齊去機場...其他團友仔就番香港, 我哋就搭地鐵番市區繼續玩, 其實番到酒店都已經係下晝4點幾喇....去酒店附近嘅名古屋站行陣再食DINNER, 之後再搭地鐵去榮站行咗陣..

OUTLET十點先開門...我哋9點幾就到咗門口等喇....

 去到名古屋市中心....終於唔駛跟團...唔駛聽領隊係咁講嘢.....好FREE呀...

好快又到行程嘅尾聲, LAST一日...都係番啅個OUTLET (淨係去OUTLET都要PLAN一大爛餐呢, 時間有限車程又唔算短,重點係我哋兩條友都係傻吓傻吓, 去邊都要做足準備先!!), 好在都算順利, 今日主打去買運動服飾!買完就要去機場喇....去到機場先食LUNCH...餓屎咗!! 食飽又上機喇.....BYE BYE, 下次再玩過!

自己再去OUTLET, 呢條唔線沿途風光幽美....

 去到機場食LUNCH...呢間炸豬扒好好味呀!

後記: 學朋友仔話齋, 今次嘅旅行真係大家最令唔放心去玩嘅一次, 唔知香港啲學生點?又唔知啲警察攪邊科....恐怕山區接收差所以冇租WIFI, 每晚我哋嘅節目就係用電話上網睇報紙同FB呢! 乜解究啲警察又要七打一呢?? 今晚(星期六)都去咗金鍾同旺角一帶支持一吓大家, 一切平安!!大家要冷靜喔,緊記勿忘初衷!!今次係愛與和平嘅抗爭!!