前幾日上網無意中見到雞批嘅食譜, 見佢煩得嚟又好似幾易(似乎成功率應該相當高), 於是星期六又玩吓....本來見到SUPERMARKET有一PACK PACK嘅雞胸肉,不過雞胸肉又好似鞋得滯, 最後買咗去骨雞肶肉...又要去皮又要切哂啲肥肓...HAHA...原來呢PART係整個過程最煩嘅(我至怕切啲肥騰騰又或者腥亨亨嘅嘢架....同幾塊雞肶肉博鬥咗一輪終於攪掂...餡料方面...由於我都唔LIKE啲雪藏什豆所以淨係加咗罐粟米咋, 再加埋洋蔥同罐白汁雞皇湯再炒埋一碟就攪掂喇!超簡單! 不過啲雞批要逐粒整都幾花幾簡,又驚佢穿....攪咗好鬼耐呢...
YEAH...焗好喇...真係唔錯花時間都值得嘅..... 趁熱即刻試咗舊....熱辣辣特別好味!
沒有留言:
發佈留言