今日又係month end喇,攪吓lee樣再攪吓嗰樣攪到7點先閃...咁啱見到個男同事又係放工,所以同佢一齊行去搭地鐵,咁我哋一路行一路吹水.....
講講吓佢無啦啦問我:「亞袓,你做過伴娘未呀」
我答:「有呀,做過兩次....都係幫我啲家姐做咋」 同事又再問:「咁你會唔會再做呢」 
我好肯定咁答佢:「唔會,真係完全唔鍾意做,太煩
....可能做過兩次都有啲煩躁嘢出現,簡直係有童年陰影,做"姊妹"又無妨....男同事聽完我講之後就不打自招咁話:「有個朋友仔話搵我做伴郎,之但係我已經做過兩次....」聽完之後我真係忍唔住勁笑
....事關我又真係未聽過lee個阻咒會發生喺男仔身上...而且連我lee個八卦人都唔多信lee樣嘢!
雖然我喺度勁笑...不過男同事就好認真咁話:
見佢咁認真我即刻收起笑容(不過忍笑忍得好辛苦
....)我重話:
話時話我又真係冇朋友做過三次伴娘/伴郎喎.....莫非lee個阻咒真係咁堅!
今朝番到公司櫈都未坐暖就有個財務部嘅同事打比我叫我幫佢submit個job,整完之後我就覆番個電話比嗰位同事通知佢啲嘢攪好....不過收咗線唔夠10秒個同事又打番電話比我,聽到個電話嗰一刻我淨係諗....死火....咁快打嚟....唔通有嘢比我整衰咗....平時lee啲嘢唔係我跟開架喎...真出事...
....亞袓:「落嚟?」(心諗大鑊...唔通真係出咗事....都係問清楚衰乜先同事:「係呀,咁你會唔會落嚟架......」
)
亞袓:「咁....落嚟係要整啲乜架? 亞袓:「其實我落嚟即係要做啲乜架 係喎...真係要再次多謝lee自動自覺派利是嘅同事呀....咁鬼主動,我真係非常之欣賞呀!同事:「但係今日我又真係未必上嚟喎....」(激死.....佢好似錄咗音咁講極都係嗰兩句.....
」
)同事:「冇呀...其實我想比封利是比你啫....」(哈哈, 我係咪好鬼遲鈍呢......重諗埋咁多無謂嘢添!)
?」
以往新年前夕我同亞媽都會玩吓執屋同大掃除,之但係今年冇同亞媽一齊住得番我一條友所以今年祗可以嚟個小掃除,頭皮抺吓嘢掉吓垃圾就算喇,真係執咗都好似冇乜分別咁!
其實除咗打掃屋企之外,以前亞媽都會辦吓年貨買啲應節食品同煮吓齋咁,當然齋我就真係唔識煮,不過我都買咗小小道具番屋企應吓節(都係學亞媽買咋
)....
我買嘅道具就係年糕同柑,哈哈隻柑重大舊過舊年糕(本來想買桔架但係街市都冇!)....不過lee啲嘢唔係買嚟食架,係要擺到佢"發",要等佢"發"咗先掉架!
重貼咗啲"老嚟"揮春添.........................
見執嘢執到餓餓哋煎咗啲蘿蔔糕食添....美心出品都唔錯呀~
由於聽日要去二家姐屋企拜年所以特登買咗份禮物....我諗肥師奶同排骨仔都應該鐘意!
就快到新年喇,本應諗住可以快快樂樂過新年,點知姐姐放咗假要follow up佢啲嘢,真係攪到頭都暈埋!由至姐姐閃得好倉猝吓,要跟番啲嘢確實有啲難度....最慘啲嘢重係之前揩都未揩過,要喺三日pickup哂啲嘢...好似Foxpro, Printsoft, 重要試埋啲image converter, 連SQL都要睇埋 (大家係咪唔知我噏乜呢,唔好話你哋,連我都唔多知Printsoft係乜東東).....難怪尋日 lunch媽媽見到我黑哂面都忍唔住問我"係咪做嘢做到冇哂表情!
"
不過好彩今日唔知點解又好順利咁攪哂啲嘢....真係要還神
....終於可以趕到UAT安心收爐,真係一額汗!所以放假新年真係要攤抖吓,開開心心逗利是.....
祝大家新年快樂呀!
尋晚瞓到半夜三點十八分個手提電話勁响,夜晚晚個電話無啦啦响真係比佢嘈醒+嚇醒!即刻拿拿聲碌落床聽電話啦....點知....原來喺個傻佬打嚟!
我問:
傻佬:「係咪亞文呀....」
我:「唔係呀,打錯...」
當我正想收線之際個傻佬又話:「亞文喎...」(其實我有個屋企人又係叫lee個名,佢講到咁肯定又真係比佢大到...)咁我唯有問佢:「咁你邊位搵佢呀....」
傻佬:「我係亞德呀....」(好邪,lee個名又係另一個親戚嘅名....之但係我好肯定嗰個親戚把聲唔係咁!)
我:「吓?有乜事?」(又未瞓醒,真係好迷網)傻佬:「係亞德比你個電話比我,叫我打比你」 (前言不對後話,之前明明話自己係亞德,總之就係九唔搭八啦)
我:「吓?你究竟想點呀?」
傻佬:「亞德話你有嘢同我講,你咁夜重未瞓咩 」(我頂!半夜三更比個電話嚟問lee嘢!)我喺lee個時候已經好唔耐煩,但係又唔想得罪佢,一陣佢成晚打嚟真係死比佢睇....唙無辦法之下唯有好聲好氣叫佢收線啦....
點知個傻佬重係死心不惜:「亞德話你有心事想講喎」(真係比佢吹到漲一漲)!
最後我祗好同佢講:「冇心事呀,我冇嘢搵你呀..拜拜...」
查實lee幾個月又真係耐唔耐就收到lee啲無厘頭電話,究竟我係咪得罪咗人呀....真係要諗諗係咪改個電話號碼穩陣啲!
......
!影group photo嗰陣個台企滿哂人,好壯觀添呀....
