快快樂樂過新年!

就快到新年喇,本應諗住可以快快樂樂過新年,點知姐姐放咗假要follow up佢啲嘢,真係攪到頭都暈埋!由至姐姐閃得好倉猝吓,要跟番啲嘢確實有啲難度....最慘啲嘢重係之前揩都未揩過,要喺三日pickup哂啲嘢...好似Foxpro, Printsoft, 重要試埋啲image converter, 連SQL都要睇埋 (大家係咪唔知我噏乜呢,唔好話你哋,連我都唔多知Printsoft係乜東東).....難怪尋日 lunch媽媽見到我黑哂面都忍唔住問我"係咪做嘢做到冇哂表情!"

不過好彩今日唔知點解又好順利咁攪哂啲嘢....真係要還神....終於可以趕到UAT安心收爐,真係一額汗!所以放假新年真係要攤抖吓,開開心心逗利是.....

祝大家新年快樂呀!