嘔奶...邊個....究竟係邊個嘔奶呢...之唔係...佢囉...唉!
彤彤: 「乜影住我呀....人哋今期食厭咗奶啦....厭奶期吖嘛....你哋識唔識嘢架....我家陣唔興食奶又典會嘔奶啫....你哋唔好屈我呀....
」
係...冇錯....正所謂一人做事一人當...認咪認囉....唔比人幾十歲都嘔奶架咩...哼! 人哋都唔想架嘛....其實....事發經過係咁架....今晚約咗幾個朋友仔去咗同鄉嗰間餐廳開飯...你睇...我同鄉識飛架....幾堅!
係囉...咪就係佢囉...panda吖嘛...."佢...係我同鄉嚟架".....
個朋友仔叫咗杯古古力沙冰........
我同其他朋友仔就叫咗個綠茶牛奶.....
叫咗個唔似沙律嘅沙律.....
炸物一堆..........
唔知乜乜煎餅.....佢確係滯吓....
咖哩猪扒...呢個唔錯唔錯.....
食飽就轉移陣地再去吔甜品...相信呢個都係導致"嘔奶"嘅最可疑嘅疑犯.....番到屋企無啦啦又痾又嘔, 有冇咁快呀....唉...睇嚟都係作病同作死架喇!
尋日番西餐班前幾咗啲同學仔一齊食lunch.....今次終於有啲新意喇...去咗食韓國嘢....唔駛再去爛記茶餐廳
! 其實之前睇個"開飯"呢間嘢確係好似幾得咁!
就係呢間喇.....明洞....快餐....果然係快靚正呀!
我哋5兜友叫咗3樣嘢share....有石頭飯...熱辣辣....好惹味呀!
撈吓佢先食....真係好得!
再嚟呢個chewy 冷麵...好似好激咁....不過...其實佢唔係好辣...少少辣又酸酸哋, 啲麵又夠凍而且又真係好chewy....真係好好食!
呢個係極級牛肋骨飯....你睇啲牛肉真係好得咁....都係果句啦...好食!
....啲牛好淋...咖哩又好食..重有啲菜撈埋果啲唔知乜醬都好好食呀!
成餐嘢都唔駛2舊水....5個人分...呢個價錢真係襯哂我呢啲海啸大聯盟嘅盟友!好嘢夜晚開飯又多一個飯堂...yeah!
又到星期三喇....又可以玩拉胚喇...yeah....不過...玩拉胚又同pizza express有乜關係呢? 嗯...其實....又真係冇乜關係囉...只係我哋兩個為食鬼想喺擔泥之前食餐好啫
先嚟一樽屎上最貴嘅coke light...飲咗係咪真係會瘦啲架!
超好味嘅雞似凱撒沙律...側邊啲小包包熱辣辣...外趣內軟....好正!
Parma ham pizza...都好得呀...不過若然啲芝士味重少少可能更正!
食飽飽又上堂喇...今次老師教整碗呀....呢個就係老師幫手整架....呢個....only得30%係我整....參與度.....當相低....
呢個係另一個老師幫手整架.....嗯....有40%係我自己整架.....
呢個.....好明顯....偏心地影得清楚啲....粗略估計....應該有93.1416%係我親手整架....臨尾老師幫我執咗一嘢!
今次我哋可以整兩隻碗仔....即係要放棄一個啦....你估我會揀邊兩隻留低呢? haha...好明顯...我係會留番第二同第三隻啦...嗯...對我嚟講...隻個碗係咪整得最好最靚笨唔係最重要....最重要係...嗰兩隻嘢我親手整架嘛!
次次上完堂都好似去完地盤番工咁...一腳泥....我重要次次都著住啲黑衫黑褲同黑鞋(冇法啦...亞祖一櫃都黑色衫同黑褲)...成身都係泥攪到一撻撻咁...都幾樣衰囉!
今日同咗魔之女同小淫蛙去威....去邊威?...你睇落去咪知囉! 去威之前我哋去咗食個lunch先.....小淫蛙重帶埋佢honey一齊開飯...小淫蛙話帶我哋去上環街市食平靚正茶餐廳....(不過...呢對雌雄大盜好似arm arm游水落嚟咁...唔知"訂"....想典先!
).....
千辛萬苦終於搵到呢度喇...不過...其實又唔怪得小淫蛙嘅....張爛鬼地圖又劃到鬼咁難睇....真吹啤!....
就係呢間喇...真係可以用古色古香嚟形容....重有幾個大紅燈籠高高掛!
呢幾支就係佢出名嘅鎮店之寶....外表係忌廉樽....查實...佢內裡係凍奶茶....話明係"鎮店之寶"....平時齋飲檸茶嘅我都要叫番支"凍奶茶"試試佢....嗯....其實呢....我真係唔識分好定唔好飲囉....真係少飲吖嘛.....不過小淫蛙就話佢奶味重咗啲囉!
聽聞呢度嘅牛肉米粉都好出名架...等我整番碗先....
佢哋就鍾意食麵多啲...啲牛肉一樣都係咁好食....唔錯!
其實除咗上述兩樣嘢之外...呢個咸牛肉炒蛋包都係推介之一嚟架...見佢平平哋(9蚊咋)....眼闊肚窄嘅我哋一人再叫多一個包.....多蔥吖唔該!真係飽到反肚...不過...我哋又真係食得哂...你吹我唔漲呀...haha!
食飽飽...我哋就繼續去威喇....其實...我哋今日係去"耕田"呀.....呢個係市政局攪嘅園圃行動....原來其他地區都有架....我哋今次去嘅係上環嗰個場.....
查實今次我哋真係一味靠痴....痴小淫蛙個卜友仔個friend(確係好蔬吓囉...haha......)喺度租咗塊地...........
由於時間關係...啲工具已經擺哂喺度等我哋....
有好多塊地架....有啲真係種得有聲有色架.....
重擺哂"防雀網"....幾認真................
其實....究竟乜嘢係"牛油豆"呢?!
呢塊就係我哋今日去搗亂嗰塊地喇....由於啲植物種得唔夠整齊...我哋今日嘅任務就要將佢地挖出嚟再種過.....啲幼苗確係好脆弱...我哋要小心翼翼咁整....
攪咗粒幾鐘終於排番好.....希望佢哋可以快高長大啦! 話時話....查實...我哋今日呢個護苗行動呢....乜.....咁似人哋去做嗰啲社會服務令咁嘅?! 應該一路耕田一路唱..."人生終世上有幾個知己..."
....好詭異!)....原來我有成3千幾分...發達有成舊水架!嗯.....10蚊....用嚟去買早餐都好吖....可以食餐好嘅....