西餐班part 2 - 第1堂

好快抖咗個幾月....新一輪嘅西餐班又開始喇! 又有得食....yeah! 今次小青蛙重帶咗兩位朋友仔嚟....非常之熱鬧呀!

言歸正傳...今餐有湯又有雞....正! 先嚟一個意大利雜菜海鮮湯.....你睇...幾多雜菜...其實係有位同學仔幫手切架...真係好多嘢...足足切咗半粒鐘呀...真係辛苦哂!

一切準備就緒...又係師傅表演嘅時候....先先準備定魚水...再煲熟啲蝦.....

重有帶子同魚....啲魚係師傅自己加料架....

重準備定個青汁嚟煲湯.....

師傅示範完就到我哋落手喇.....嗯....我都係負責落手影想囉.....haha!

炒完啲雜菜就可以加埋啲魚水煲煲佢....之後重要加埋通粉...完成就熄火再加忌廉...

完成喇...係咪好靚仔呢....

攪完個湯就要整雞喇........塞啲調好味嘅雜菜入隻雞度醃醃佢先.........之後就可以拎去焗喇............

嘩...啲雞出爐喇...好香呀......

之後就要準備定個汁喇....嘩...呢個真係希望工程....剝提子皮重要去核...我哋呢啲閒人就幫手剝提子皮....原來用熱水浸吓啲提子....啲皮就會好易剝架喇!

師傅用埋焗完雞嗰啲汁嚟煮....加埋提子同提子汁...

攪掂...上碟喇...師傅重加咗薯蓉添...超正...一人半隻雞...真係好飽呀.....