唔覺唔覺又一年.....今日繼續Wine & Dine....上年都係同小青蛙佢哋一齊去....今次重係星期六去....比上次更多人....巧迫呀....
我哋一行八人買一套飛.....慢慢hea.....
會場入面重有好多好嘢食.....芝士...我嘅至愛呀....話時話....飲咗幾款酒...味覺失調嘅我又真係唔多識分邊啲好邊啲唔好.....我淨係記得有杯疑似溝咗水嘅紅酒淡而無味超唔掂咋! 重有左下角嗰杯"黃酒"好似跌打酒味囉.....haha.....睇嚟我都重未識得"欣賞"酒呢家嘢....趁吓熱鬧淺嘗幾啖都ok嘅!
我哋由7點幾hea到11點散場....淨係食小食當然係唔名飽啦...最後飛van去旺角隊番碗麵先番屋企...飽哂.....好滿足!
上回講到...就係咁啦....萬事俱備...加埋啲汁就攪掂! 擺好個陣先....
yeah....攪掂....加咗啲咖哩汁同乜汁物汁後就可以開檔喇....
逐一介紹吓啲食物先....有魚肉燒賣同粉粿....
一堆牛雜.........
咖哩魚蛋.........
魚蛋呢家嘢...有辣有唔辣架嘛...呢個係唔辣嘅...重有腸仔添....
佢好明顯係咖哩魚蛋嘅friend.........咖哩豬皮啦.........
點可以少得蘿蔔呢....隔離嗰啲係魷魚嚟架.....
重有腸粉添.....
唔該一串牛雜同一串咖哩魷魚吖.....
整多碟腸粉添吖.....
食腸粉又點可以冇豉油...甜醬同麻醬呢....
拎走架....唔該比個紙袋.....
佢.....係一樽飽歷風霜嘅gas....佢真係鳥卒卒....好似好似一隻黑蟋蟀....
架車嘅背面有啲位...又唔想太吉....整多少少魚蛋豬皮擺喺度先.......生意好嘛.......要添啲貨架....................
影吓前面先.........
後面係咁架.......
呢頭整完個魚蛋檔....嗰頭又要準備下個檔口喇....知唔知係乜東東呢?!
其實重有第三個檔口架....真係有排整喇.....
尋晚同咗個朋友仔睇草蜢演唱會....其實我又真係未睇過佢哋嘅concert...雖則唔係佢哋fan屎...不過都係伴我成長....所以都想睇吓....
唔覺唔覺.....原來佢哋已經入行25年.....難怪成場都充斥住啲70後人仕....
其實我哋確係坐得好前吓...第4行...當然第一行前面重有詭異嘅幾行...不過我哋都係坐頭10行內架...不過我部相機zoom得唔夠勁啦....講番佢哋嘅演出...好精彩呀....勁歌熱舞...以前被譽為"偶像派"嘅佢哋...經過廿多年嘅浸淫...家陣真係非常之有食力呢! 不過....典解佢哋唱咗貢多其他歌首嘅歌呢(其實佢哋唱嘅"老歌"我又真係9成9都識嘅)?! 好似變咗懷舊金曲夜貢!
坐得前以為可以睇清楚啲啦....典知...有幾位忠實fan屎玩"企硬"....當全場坐低嗰陣重係死都要企...重要楝正我前面遮住哂....最後....我同朋友仔唯有陪佢哋企足3粒鐘貢滯!
星期六...約咗小青蛙佢哋燒嘢食...唉...可惜呢期病魔纏身真係食唔到bb蕉啲嘢....由於今次地點距離我屋企超近...行十零分鐘就到...真係唔食都睇吓啦....
我去到嗰陣佢哋啱啱準備起爐食嘢食...嘩...駛唔髮貢豐富先! 都好佢哋準備吓個雜菜沙律....有啲嘢食喇...hehe
重有我至愛嘅肥鱔...右下角嗰兜係乜東東...之唔係我自備嘅雪菜肉絲炆米囉...
佢哋重讚啲黑毛豬(左上角)好食呀...肥鱔(hehe...忍唔住口食咗少少)....重有大蝦...
呢班人渣...重燒埋啲安格絲牛...有冇理我"揀受"架....哼...
聖子...我都好想食呀...嗚嗚嗚嗚......
我同樣都好like啲姑姑....都偷食咗少少..hehe
yeah....終於有嘢食得喇....小青蛙親手整嘅Creme Brulee Cheesecake...超好味....重有番薯糖水呀.....最後玩到點幾鐘先走....重有成班人陪得行番屋企呢...hehe!! 係喎....喺度都要鳴謝一吓屋主嘅招待呀...真係打攪哂!!!
星期六....又同咗啲小魔怪去海洋公園玩....唉....貢啱我又病到五顏六色.....又唔想甩底...唯有頂硬上啦...我諗ok掛! 由於要爭取時間玩耐啲...我哋8點就出發喇....
時間尚早....冇乜人....難得可以冇遮冇掩見到佢哋....
睇完動物就去玩喇.....排骨仔搭極都唔厭嘅小火車係必玩架!由於呢期玩"哈佬喂"...整咗間鬼屋比小朋友玩.....肥師奶重親自整頂"巫婆帽"添呀.....
行完鬼屋重可以影番張大合照添....不過...影相哥仔就有啲手震喇....
之後玩埋摩天輪同青蛙跳就去睇海豚喇....其實....我一面睇海豚已經一面恰眼瞓喇....下晝三點已經頂唔蒲...超攰! 真係企喺度都瞓得著....最後....用"念力"克服咗佢...'我好精神...我好精神....我好精神'.....
睇完海豚玩埋啲機動遊戲又6點幾喇.....夜場"哈佬喂"都開埋我哋都唔捨得走呀...最後hea到7點先離開..........................
其實個魚蛋檔course又完咗喇....不過搓泥搓得慢吞吞嘅亞祖當然係未完成哂啲功課啦!查實我想完成哂個檔口先post架...之但係以我嘅度速....冇一頭半個月都唔得啦...所以都係update吓先啦! 話時話...唔知典解呢期分別都有啲朋友仔問候我啲搓泥功課...haha...大家放心啦...搓泥呢家嘢我係唔會放屁嘅...oh...sorry...係唔會放棄至啱! 為免大家瞓著...都係廢話少講...大家又嚟估吓我整梗乜東東啦....
呢啲黃色一舊舊係乜呢? 係咪有啲難估呀...其實佢哋係"魚肉燒賣"嘅架!
話明要"督"魚蛋...梗係要搵番啲竹簽吉住佢哋啦!
呢個應該知係乜掛?!冇錯...就係魷魚喇!
呢樣食物除咗喺魚蛋檔受歡迎之外...打邊爐嘅時候一樣好受歡迎架!冇錯...佢就係蘿白喇....好味!
煮嘢食梗係要點個火啦....gas一樽...呢個比我想像中易整呀!
由於時間關係...架車仔已經準備好喇(好明顯係買番嚟架啦..haha!)....
架車仔又確係幾靚...唉....又敗家喇!
其實...重有好多後期工作未完成呢! 未上色又未整啲咖喱汁同豉油汁! 憑大家嘅想像力...又估唔估喺腸粉隔離嗰啲白色嘢係乜嚟呢? 下次話你知啦!
haha...我成日要人估嘢係咪好煩又好閹悶呢?查實...若然我唔講而大家又估到我整梗乜嘢嘅話...確係好有滿足感架....有時我睇人哋啲卜我都會齋睇圖先...估吓人哋整乜....好低b呀!
重有...今次真係要"讚"吓yahoo喇...頭先打打吓卜我部死人電腦竟然hang機...唉!正當我諗住再由頭寫過篇卜嘅時候....突然間諗起去"草稿匣"嗰度睇吓有冇啲屍骸可以執番啦...wooowooo...成篇嘢完整無缺喺番度呀...真係多謝哂!!
