彩瓷繪...

三個月前玩過初班, 雖然畫得唔算靚(畫畫, 我真心冇天份架...只係我喜歡畫咋).....畫得唔好咩, 再接再厲上埋進階班, 雖然都仲係畫得麻麻, 不過...今次買咗少少顏色番屋企練習, 希望有進步啦(敗家總有藉口的)....唉...搓泥班啲功課有少少脫腳添, 再努力追番先! 乜嘢係無事忙?睇我咪知囉, 下次都係上一個COURSE好喇! haha

 

黑糖小蛋糕

乜解究黑糖小蛋糕冇黑糖味架? 都係黑糖啫...點解整出嚟唔夠黑嘅? 真係十萬個為什麼呀....不過蛋糕有蛋糕味....希望大家唔好介意啦!

練習中.....

初馬前最後一個長課, 本來想跑25K, 不過狀態不佳唔想免強22K就停低咗喇...不過係咪喺呢個地方PK過兩次, 跑起上嚟總係有啲心理陰影, 跑起上嚟就住就住咁, 其實PK皮外傷都唔係最驚, 怕一個唔小心拗柴就大鑊喇, 到時分分鐘跑唔到....坦白講我有信心完成全馬架(但求完成果隻)....只要唔好受傷....應該可以的....加油呀...

 

新春跑!

猴年第一個賽事, 其實識咗呢班跑友咁耐都未試過一齊玩比賽,今日就嚟個隊際比賽! 全女班嘅女子隊際賽, 一齊跑10K計哂時間總和定勝負, 今日有10隊參賽, 本來大家今日無心戀戰, 其實我真係幾冇心肝架, 連報咗乜嘢比賽,去邊跑,跑幾多乜都唔記得哂, 前一日問隊友先知呢! 諗住輕鬆跑10K呢, 點知大家越跑越起勁, 我都唔好意思渣流灘(唔PB = personal best 都唔好PW = personal worst啦)....起碼保持52分鐘左右, 重有3星期跑初馬, 唔想受傷呢, 要小心啲跑! 好在幸保不失....平安完成! 最後重喜出望外地得到隊際亞軍, 第一次上台攞獎咋, 好感動呢!

Happy gathering

放工除咗同朋友食飯之外, 同同樹一齊食飯一樣咁開心...雖然病病哋有啲攰不過吹水自然會精神架啦!

 

 

 

WEEKEND繼續HAPPY MEAL, 同樹嚟我屋企HOUSE WARMING, 打邊爐就最簡單, 重可以蒸海鮮, 好味喔!

 

 

 

又呃飯食...

雖然生日已經過咗一排, 不過有人請食飯我都一樣照GO架...而且呢位朋友一定走唔甩, 就算幾遲都要佢請啦! 今次試吓新嘢, 食韓式嘢,呢間又幾好味喎!兩條友飽到反肚....

初七名馬長跑團

話說我嘅名古屋初馬(名馬)重淨番一個月都唔夠就要比賽喇....真係好緊張呀, 而家除咗要努力行程之外最重要嘅當然係要努力練習啦! 今日我同名馬兩位女跑友一齊練習, 為免大家太HEA重邀請咗位特別嘉賓鞭策大家...HAHA....

 

就係咁今日就4條友喺荃西出發...去到屯門轉車站撞到另一批將軍澳跑友, 最後重一齊跑去黃金海岸同三聖村添, 好熱鬧呢!

 

最後用咗4小時先完成34K, (其實有啲慢呢, 希望比賽當日可以快番少少! ), 跑完成個人散哂咁滯, 齊齊去青衣飯茶食飽就番屋企休息喇! 攰到爆今晚實好好瞓!

初二開年跑

好想試試一個人跑長課, 有啲自虐不過真係好喜歡一個人的長課, 靜靜地享受跑步嘅樂趣, 沿途重遇到唔少跑友呢!唔覺唔覺跑咗31K....冇死吓死吓好開心又有進步喇....可惜臨last 3 K又唔小心PK...好痛呀傷上加傷, 要好好休息幾日先得!

日出跑....

 

其實好少機會睇到日出, 記真幾年前去台灣天寒地凍晨早5點起身諗住睇日出啦, 點知個天白茫茫一片, 前年又同朋友們去柬埔寨,又係晨早4點幾出發諗住去小吳哥睇日出啦, 點知...又係朦查查, 越睇唔到就越想睇係好想睇一次日出呢! 咁啱有個睇日出嘅團跑, 重係未跑過嘅地方....由北潭涌起步再去東壩, 好型喎...5:30起步模黑跑....又真係未試過, 難得有三十幾個人一齊癲, 咁多人陪應該OK喎....就係咁三十幾人一齊去癲!

 

未睇過日出, 大鄉里嘅我以為又係朦查查乜都睇唔到啦, 點知隔咗一陣....太陽出來了...YEAH...好靚呀.....超開心終於睇到日出喇!! 重有跑友好有心思帶埋暖笠笠嘅湯丸分比大家食呢, 好溫暖喔!

朋友們的生日飯@九重鮮......

呢餐飯約完又約地點改完又改....最後都係維持原判去番九重鮮....呢間比上次荃灣食過嗰間更好味呢...海鮮好新鮮, 原汁原味, 啲粥都有好多味精揀架, 我哋揀咗豬骨同泡菜湯底, 各有特式好玩又好食嘅一餐!

 

生日跑2016

我又真係從未試過生日走去跑步喎, 不過呢個星期應該係咁食, 而且我嘅首馬又迫在眉睫, 都係趁有時間練習吓好啲...本來想跑個30K長課, 不過我呢隻懶豬遲咗起身唯有跑23K啦....諗住休息夠又食跑應該狀態好好啦, 點知...跑唔夠9K就PK....成個人趴喺地真係嚇鬼死, 好彩只係皮外傷啫.....見冇乜嘢就繼續跑啦, 去到屯門轉車站就去襟盒奶茶定吓驚先....飲完就跑埋佢!

飯局一星期...

每年生日都同農曆新年好接近, 除咗生日飯之外重有好多團年飯同開年飯食....餐餐都好豐富真係飬猪一樣...由於今年識咗好多跑友飯局都多咗好多呢....呢個係將軍澳區嘅跑友.....將軍澳咁遠你都啱?! 係架....放工近吖嘛, 基本上weekday同weekend 我都會join唔同嘅跑谷架, 可以周圍跑吓冇咁悶嘛!

 

好豐富呀, 二百幾蚊質素都唔錯, 最重要係一大班朋友一齊食飯好開心呢, 重有獎抽添呀...我都抽到對襪呀, lucky!

 

go 糕高....

整咗幾年蘿蔔糕, 不過唔係次次都好食, 試過削咗啲(唔過份嘅,不過硬係爭啲囉), 又試過蘿蔔絲質地太幼唔好食, 又試過啲材料唔靚最後嘥心機(都係嗰句啦, 健康嘅嘢通常都唔會好味架!) 綜合咗幾之經驗今年第一次人手切絲, 口感係好啲, 不過第一轉啲糕都係削咗少少, 第二次就好好多, 味道質感都唔錯呀!

 

其實之前都好想試吓整馬蹄糕同年糕架, 今年終於的起心肝整喇, 可以有屋企人一齊住啦, 冇咗一條友整糕嘅戇居感覺, 反而好想整啲賀年食品同家人一齊分享呢! 好在, 幾底糕都算成功, 幾老嚟喎!哈哈!

Tea Time....

上星期六有幾位朋友仔上嚟我屋企HOUSE WARMING, 咁啱呢日凍冰冰所以諗住整啲暖暖哋嘅食物比大家一齊食.....當然啦, 蛋糕少不了....

 

雖然咸點笨唔係我專長, 識整又整過嚟款式真係唔多, 唯有番炒啦! 好在之前整咗蘿蔔糕, 不過第一水真係爭少少呢, 味道OK不過質地就稍削.....叉燒批其實OK架...不過凍咗再焗又唔夠熱.....雞翼嘛...乜解究醃咗成日都冇味架?! (後來先發現原來頭抽唔夠味架...唔可以用嚟醃嘢, 第二日家姐先搵番支正常豉油出嚟! 吹啤啤....下次再整應該仲有好多進步空間囉!