其實好少機會睇到日出, 記真幾年前去台灣天寒地凍晨早5點起身諗住睇日出啦, 點知個天白茫茫一片, 前年又同朋友們去柬埔寨,又係晨早4點幾出發諗住去小吳哥睇日出啦, 點知...又係朦查查, 越睇唔到就越想睇係好想睇一次日出呢! 咁啱有個睇日出嘅團跑, 重係未跑過嘅地方....由北潭涌起步再去東壩, 好型喎...5:30起步模黑跑....又真係未試過, 難得有三十幾個人一齊癲, 咁多人陪應該OK喎....就係咁三十幾人一齊去癲!
未睇過日出, 大鄉里嘅我以為又係朦查查乜都睇唔到啦, 點知隔咗一陣....太陽出來了...YEAH...好靚呀.....超開心終於睇到日出喇!! 重有跑友好有心思帶埋暖笠笠嘅湯丸分比大家食呢, 好溫暖喔!
沒有留言:
發佈留言