Cadero Grill & Oyster Bar@海港城

前幾日約咗幾個朋友仔去開飯慶祝8月之星嘅生日....朋友仔揀咗呢間喇....

先嚟幾個包仔先啦......

再嚟係哈蜜瓜+parma ham...

墨魚麵...d蝦都幾好食喎......

唔知乜乜意大利飯.......

唉...有啲相揀錯mode添...黑麻麻咁.....

呢個唔知乜卷...都唔錯呀....

唔知乜羊肉....

西班牙海鮮飯...海鮮多過飯.....

餐廳重送咗兩位8月喇星一人一舊小蛋糕添...

"佛時trade".....

"好...真係好辛苦"...呢句係亞祖近排喺公司講得最多嘅一句說話(粗口除外)...唉...無他嘅...呢排攪梗個"出道"以來最最最難頂嘅一個project....重要一條友孭飛....更加要對住幾位唔同款色嘅亞姐....其中有兩位重係人間極品...集所有麻煩女人嘅特徵於一身...又煩又蠢又懶又長氣又野蠻又善變.....日日要同呢兩個雙妹嘜deal真係..唔少細胞...日日都打仗一樣!

好似尋日咁..行開咗一粒鐘去開例會...番嚟check吓個電話有冇miss call...結果...有6個miss call都係雙妹嘜們嘅...佢哋真係"每隔兩秒乜都想起我....."...查實..類似嘅奪命追魂call真係見唔少! 同佢哋開會呢.....又乜q都唔關佢哋事...."嗯...啲嘢...都係等亞祖整先得!" 頂! 咁請你番嚟做乜呢? 啲request改完又改...真係唔知想點....講又唔明...明又唔理...要理嗰啲嘢就攪到一鑊粥...究竟想點呢?!

不過....以上嘅事件都真係"慣咗"....今日....又收到雙妹嘜一號嘅call...

雙妹嘜一號: 「點解個report又唔啱嘅...個數又double咗喇...」
亞祖: 「邊個數呀...有冇check吓你入啲record呀」

雙妹嘜一號: 「唉...好frustrate呀,啲嘢對極都唔啱」

聽到呢度...亞祖真係無名火起....亞大嬸...借問聲你成個project做過啲乜呢? Data你又入到錯q哂...叫你test report你就真係淨係襟個制...睇吓個數...一見唔對路就即刻隊咗比我....問長問短...同一原理嘅問題都要問十次.....but十次有九次都係你入嘢有問題呀大嬸!

聽到呢度...亞祖唯有火火哋咁回應: 「嘩..我重"佛"呀...吓吓都話我整啲嘢錯, 不如你check吓你係咪入啲嘢有問題先啦!」(欺善怕惡嘅人通常最後都係比我鬧到飛街架...哼!)

其實...成篇嘢咁長..我都係想講...今日...我學咗一個英文生字...."佛時trade"

Kitty Lab

Kitty又嚟喇...今年嘅主題係Kitty Lab...你睇...Kitty個爆炸頭幾in幾攪嘢...一定好有趣喇...真係未出發先興奮呀....不過....淨係買飛都排咗幾個字隊...確係慢呀!

今次重有証件套送呀...好精美架...我哋就揀咗紅色......

張入場卷就同上年參唔多....

初時重以為買飛啲姐姐仔吹水...佢哋話要排兩粒鐘....開始嗰陣條隊好似排得好快咁...之但係...排排吓條隊好似唔識郁咁...最後真係要成兩粒鐘先入到去...好顛呀!就到喇...好緊張...趁未入得...影吓出面個公仔先!

終於輪到我哋喇...入到去就一人派一盞燈...盞燈好可愛呀...

嘩...今年個場好似大咗又靚咗...有好多counter玩呀.....今次我哋一面玩遊戲一面幫kitty揀造型....最後就會將我哋設計嘅造型print落張card度比番我哋留念架...有趣!

今次啲製作更見認真....真係好得意架....

其實個場唔比人影相架...不過實在太靚喇....個個都忍唔住手係咁影...啲工作人員都冇哂我哋辦法haha!

啲遊戲又確係幾得意幾好玩.....之但係就成日輸囉....hehe...不過唔打緊啦...最緊要好玩吖嘛.....連我呢個唔係超級fan屎都覺得好玩...真係唔錯(好似同佢買廣告咁)!

我哋4點去....攪到8點落閘放狗先走....真係非常盡興! 原來玩KittyLab都可以玩到咁攰, 真係估佢唔到.......

搓my breads (第四至十課)

終於可以寫番篇卜喇...呢幾日成日都login唔到...好飄忽呀! 真係趁有得寫好寫...有得食好食...有得著好著...趁重login到就拿拿淋寫埋篇搓my breads了咗件心事先!

由於懶嘅關係...都係一次過寫哂咁多堂嘅嘢罷啦...橫掂搓包嚟嚟去去都係將啲粉呀...蛋呀...依士呀...水呀..搓埋一舊....再整啲唔同造型...

呢個係第四堂...整咗洋蔥包同檀香包....乜嘢係檀香包?其實都食網名啫..有啲似麥西哥包(圖中長形嗰啲包)...包上面有一層"傻波羅"...又ok喎! 洋蔥包就更加唔駛講啦...直頭係我嘅飛彿...又香又軟...好味.....

到咗第五堂喇....今次係整粟米包同農夫包...啲同學仔重自備咗啲好好味嘅芝士加落啲包度...正呀芝士我至like架喇! 加埋啲煙肉之後個粟米包就更加香......相比之下個農夫包....嗯.....真係寡咗啲囉.........

由於第六堂病鬼冇番...好快又到第七堂喇....今次整中東包同香草包....個中東包焗好之後要開隆夾啲嘢菜同芝士架...所以焗之前要碌吓舊粉...整到佢一層層有咁....不過原來呢個step都幾有難度....雖則唔係十分成功不過都算ok吖...話哂第一次整嘛...夾埋其他材料就更加好味...至於個香草包...真係太多橄欖....我就麻麻喇!

第八堂喇...有古古力包同芝士包...其實啲古古力包夾咗啲m&m之後甩色好樣衰吓架...不過肥師奶佢就好like啲古古力包...話好好味...個樣有啲衰都冇問題喎haha! 至於我呢...聽到芝士包呢3個字已經好like啦..芝士...芝士....真係好好味架...芝士..芝士..yeah!

話咁快又第九堂....今次整咗啲好肥又好味嘅牛角包呀...真係用超多牛油....見到都有啲驚...不過...又確係幾好味架喎!有咸嘅牛角包...有啲重夾咗條腸仔架...好味....亦都有甜嘅牛角包...加啲吉士同波羅喺面都唔錯呀!

最後一堂喇....今堂教乜?冇嘢教呀.......係咪亞sir呃錢?唔係...其實係啲同學仔發起攪大食會呀....啲同學仔整咗好多嘢食呀......小青蛙就整咗個栗子芝士蛋糕...好味呀...真係超飽.....亞sir都整咗啲麵包條同pizza過我哋食...

連幫手清潔嘅亞姐都陪我哋顛埋一份...整咗啲合桃酥一齊食...

不過...唔知典解..我哋明明四個人(小青蛙, 火星人, 師姐同我) 一齊報...之但係成個麵包班未試過有一次係齊齊整整咁上足成堂...一個二個唔係早走就冇番...真係有阻咒一樣...超邪!

回歸!

終於番嚟喇...幾日都login唔到yahoo...真係超擔心呀!喺度寫咗5年卜...寫咗千幾篇卜架....實不相瞞...大家見到嘅卜只係三分一咋....我真係當日記咁day day寫架...真係好驚再login唔番呀! 話時話...好多謝朋友仔們....知道我login唔到都非常關心咁....

美少女廚房の再接再厲

繼上個月"美少女"肥師奶整咗個超甜曲奇之後...今次又再接再厲....又嚟...焗曲奇....今次製作好認真架....由於美少女同四眼小廚師趁暑假學整餅, 今次點都好過上次喇掛! 我哋重買咗杏仁片同一排古古力嚟整色整水添!!

你睇...肥師奶真係好有心機整架......

不過....啲造型就似乎有侍改善囉...

趁焗餅嘅時候整溶啲古古力先...呢個方法又幾好喎慳水慳力....

排古古力好快就溶哂喇.....

啲曲奇焗好喇.....又幾香喎.....

又到咗整色整水嘅時候...加啲古古力漿先.....

真係.....考認真架............................

好藝術feel囉..haha...不過....其實味道確係唔錯...嗯...我都係鍾意最raw嗰款.....冇都唔加好似重好味呀...........

再嚟...整多款古古力曲奇......加啲可可少就得架喇........

上一盤好似太迫....今次分兩盤整唔駛咁迫.....

話咁快又焗好喇....

最後一盤喇..........

又加啲古古力漿先......

話時話...典解啲古古力漿除咗加喺啲曲奇上面....重加咗啲喺"地"同"梳化"度架呢?!吹漲...真係地都拖咗幾次......

成堆曲奇呀...今次味道唔錯呀....又唔會太甜造型又夠"特別"...唔錯唔錯.....haha!