lunch buffet@日航

話咁快又到咗聖誕最後一日假期....今日都係飲飲食食中渡過!!今日就係約咗啲家姐一齊開飯....齊齊去日航酒店食lunch buffet!!

可惜狀態都係麻麻...唔敢太博呢!! 唉, 成個月都病吓好吓....好煩哦! 成日都掛住食唔記得影相....啲嘢都幾好味!!

最吸引都係甜品...雖則冇以前食得咁顛...不過見到咁靚都忍唔住拎多啲...最後當然係食唔哂啦...

卜星day2011

本來諗住今日休息一day...不過朋友仔話佢同佢啲朋友仔諗住去睇工展會問我join唔jon...又好喎....其實行工展會又真係冇乜性趣...不過入面有個微型展就好有性趣...見横掂冇嘢做就join吓啦!!

其實今日行程好豐富.....行工展會之前已經行咗轉什麼冬日嘉年華...又係食同食嘅嘢!!行嚟行去...yeah....終於有得睇我嘅飛佛喇!!

不過....行工展會嘅時間都發生咗段小插曲呢...話說行到8點幾....亞祖個胃又唔生性痛起上嚟....於是我就細細聲問朋友仔行到幾點先閃啦...朋友仔話行到9點先....於是我就正言話佢知..."我個胃痛...都係唔行喇...你同你啲朋友仔繼續行啦...我要走先去食嘢喇...." ...朋友仔就為怕我一條友戇居居去開飯就想叫埋其他人一齊去食飯啦...我唯有再同朋友仔解釋" 之但係...佢哋一行十人....若然其湊埋一齊開飯....搵啱食嘅嘢再要搵到位....嗯...斷估9點都未有得食.....我個胃真係痛的!!" 最後....朋友仔竟然聽都唔聽我講...一意孤行的叫埋佢啲朋友去開飯....坦白講...我真係超級勁嬲呢!!我當然係明白朋友仔嘅想法...但係...你又明白我嗎? 況且我已經解釋得好清楚....完全有比人老強嘅感覺!

查實...因為太嬲黑面不特止重送咗句粗口比呢位朋友仔.....坦白講....我真係好少鬧朋友囉!!而且佢係一位相識多年嘅好友....真係令我超失望!!! 唉!! 我只係想安安靜靜食啲嘢就番屋企啫!! 最後重要飲嘢又呢又路....救命...真係好攰.....我真係想番屋企多啲呀!! 當然...呢件事已經過咗去....咁耐朋友都唔會因為咁而影響友情...不過...朋友仔呀朋友仔....千萬唔好用自己嘅想法加諸別人身上呀! 記得嗎...當時我已經好清楚表達我嘅意向哦!!

聖誕2011之港燦長洲遊

呢個聖誕真係波折重重...本應約咗幾位朋友仔一齊去長洲遊一遊....點知....前一日原居民因為抱恙出席唔到....貢真係冇辦法喇!!....唯有繼續行程啦....本來約咗大家先去翠玉軒飲啖茶先搭船...點知到25號嗰日...有另一位朋友仔話突然有急call要做嘢....oh ...shit....真係買少見少.....好在最後出玩多位唔神秘嘅神秘嘉賓...一行5人繼續上路啦!!

先嚟翠玉軒食lunch先....都ok啦....已經冇想像中咁貴喇!!


唔駛介紹啦..都係嗰啲嘢....haha

食飽就搭船喇...快船半粒鐘就到喇! ..一到步又係食....一人一串魚蛋....嗯....好似冇乜特別喎...再嚟一杯凍橙檸...嗯...同一杯普通嘅橙汁都冇分別喎!

食飽又上路喇....喺活力先生嘅帶領之下....大家齊齊行山去...haha...大家都估唔到原來今日嘅活動係咁益智架!! 好靚嘅日落呀....


益知完又係食番啲嘢喇....馳名亞婆雞蛋仔....若然佢啲邊邊脆啲應該會更好味!!

hea多陣又開飯喇....就整個4人套餐啦...加多碟乳鴒, 改咗個京都骨....轉咗條魚!! 位位二百有找...確係相宜...當然要求唔可以太高啦!!

再去允升隊埋個甜品都滿足哂喇!! 好味!!

平安夜2011

呢個平安夜又嚟黐飲黐食喇....朋友仔話有趴地問我join唔join...拎份禮物去交換就得喇喎...gogogo啦...又有好嘢食...haha!

呢度只係小部份食物咋....之後重陸續有嚟架...真係擺都擺唔哂....辛苦哂主人家喇!!


戲肉到喇...交換禮物! 我呢....換到個鬆弛熊暖水壺...巧可愛架....like!

蒸榚bell...蒸榚bell...蒸榚 all the way.....

攪乜鬼聖誕都未過貢快就過年呀? 我都唔想架...因為下年一月就農曆新年....呢啲整糕班12月就上堂喇.....唔打緊啦....學咗新年再整囉(有時間整的話..haha)!

坦白講...呢個center真係麻麻....睇得唔清楚....又唔知點解教中式烹飪嘅師傅大多數都冇西式烹飪嘅師傅咁清楚同細仔!! 加上幫手嘅清潔亞姐口黑面黑....真係no good呀! 最重要嘅係...呢個明明係實習班...不過真係冇乜機會"實習"....最後都係觀戰咋!!


其實睇落唔算困難...都有信心番屋企可以再整!! 總算有兩底糕拎走....不枉此行啦!! haha

其實我本身喜歡食咸點多啲...不過比我揀...我就比較喜歡整西式甜品....感覺開心啲呀...呢期爭排骨仔唔少蛋糕...雪糕...重有雪葩...有排都還唔哂呀!!!

黏土蛋糕の生日小禮物 (12月喇星)

 

從前...有隻小啤啤....佢叫勞蘇呀.....咪睇佢好似好可愛貢呀....其實....佢係奸架....佢呢最鍾意呃細路架喇....


拿拿拿....呢隻個樣笨笨嘅pig pig豬叫火腿呀....佢就係成日比勞蘇坤架喇.....

有一日...佢哋遇上傻頭傻腦嘅薯蛋頭先生......

三條戇居居咁唔知做乜好.....最後....比大魔頭亞祖捉住咗....用嚟整蛋糕送比位c奶呀.....(大家係咪睇到巧緊張...巧驚呢...wakakakkaka)

最後...佢哋就係貢成世都要企喺個蛋糕度喇.....呢個故事幾得人驚!!

haha....超低b同無聊! 言歸正傳罷啦...呢個其實係送比c奶仔嘅蛋糕嚟架....由於大多公仔喇.....今次個蛋糕要略為整大些少!!

嚟個12月份小禮物合照先啦.......

因為個蛋糕大咗又"高"咗....之前嗰啲盒都唔啱駛喇....唯有用啲大少少嘅盒啦...之但係又太大個....唯有用啲紙條塞滿啲啦!!

yeah...終於可以送埋今年最後一個蛋糕喇.....一月冇人生日可以抖吓喇!! 最後祝壽星女生日快樂....個屎人"大lamb覓"快快攪掂....唔好煩住哂...(haha...呢個好明顯係我嘅願望!!)...重要亞仔同佢愛人都聽聽話

極爛X'mas party 2011

好耐冇喺個卜度發爛渣....雖則係小事一樁...不過都要發洩吓!! 話說聖誕又到...每年敝部門都會攪吓聖誕趴地!!就係咁...上兩個week開會嘅時候就搵人攪攪佢啦...咁啱我就病咗冇番工...另一個同事都係冇番...最後就老屈咗我同佢一齊攪party喇....其實呢個都係敝部門嘅"傳統", 鬼叫自己病得唔著時咩,而且次次都係負責食冇乜貢獻...一心諗住為做少少嘢都唔介意...唯有接受呢個"任務"啦!!! 就係咁...我同另一個同事就分工...佢負責遊戲節目...我就負責食物!! 好在姐姐同c奶仔都好幫手....搵咗啲到會source比我...我都係睇餸食飯咁有幾多$咪order幾多嘢囉!! 最後就搵咗大家樂(十四條友得$1,200, 大家樂$1,020嘅12人餐已經係最相宜喇!!).....好喇...到咗今日...亦即係開趴地嘅日子....喫契弟咁搵人幫手拎嘢已經算啦...班友仔拎到番嚟又真係擺哂啲食物喺度乜都唔理亦都算啦!! (真係得我同另一位負責嘅同事執嘢"舖"枱咋!!好明顯平時真係冇朋友啦!呢啲都係人嘅問題冇辦法!)

以上所有嘢...都可以算啦!! 點知集齊人碼....一埋牙第一句係聽到有人(化名:人地)問 "夠唔夠食架?"....我唯有笑住答: "唔夠都冇辦法,冇錢喇!! 唔夠就自己落街買嘢食囉!!" 其實姐姐都已經幫口話ok架喇....咁...都唔理啦...真係得咁多咪照食囉!!

今年爛都連抽獎嘅禮物都...唉!! 其實最後都有3個百佳cash coupon嘅....不過...真係大不如前啦...不過都係sponsor縮咗水...冇法!! 都好在有另一個同事負責嘅遊戲節目幫補吓...過程先冇咁悶咋!!!


好喇...當大家以為事情已經完結嘅時候....最激氣嘅事就發生喇!! 已經帶點不滿嘅我拿拿淋拎啲單去claim錢...諗住快快嚟個了結唔好煩啦...張單總數係$10,9X....當我隊張單比人approve嘅時候又有"說話"聽...

人地:   "乜你咁慳家....之前佢哋都係over budget架喎..."
我:       "係咩...我唔知呀...我驚要貼嘛...."
人地:   "唔係架....多咗嗰啲我比囉"... (我心諗....咁點解一路以來我冇聽過呢句message嘅?係嘅話...做乜唔大方啲之前講明? 明知我係第一次攪....冇人講我知囉!!...喇星....仆你個街吖比說話我聽...重係一而再...再而三地比說話我聽!!....下刪10000字粗口....唔好意思..呢期真係太慶...忍唔住爆咗句粗發洩吓!)

最後, 我當然會問吓之前嘅攪手有冇overbudget事件啦....答案係....唔會買到overbudget喎...頂多....係"人地"晨早會講定有sponsor幾舊水!咪可以食得豪啲囉....之但係...我已經晨咁早問有幾多budget架喎...一路都聽唔到有人話sponsor囉...原來係我錯囉!! (平時做嘢聽埋唔少"說話"而已算啦....連攪趴地都係咁煩...想典呀!)

Brunch@Sorriso

今日下晝同咗個朋友仔去咗呢度食brunch.....好期待呀 (因為見到人哋個卜寫&影得啲食物好好味咁!)


yeah...嚟喇....其實呢個係半自助餐嚟架....前菜同甜品都係任食....巧吸引呀!

若然喜歡食蠔嘅真係啱哂喇....任食架....呢款蠔唔算creamy...細細隻但係又好新鮮....一啲都唔腥......可以嚟多幾round.....唔係講笑架...我朋友仔本身唔食蠔都隊咗兩牒呢!!....我嘛...都係食咗3round咋....若然呢期唔係狀態麻麻真係可以整多round(起碼)!! hahaha

重可以叫意粉同長通粉架.....整多個沙律先!! 跟住就食主菜喇....朋友仔就食羊....我都係清清哋食舊魚算喇!! 又估唔到舊魚又幾好味喎!!

最後就緊係甜品時間啦....好味呀...可惜唔敢食太多呢!!

整番杯熱檸茶就真係飽到上心口喇....超滿足呀!

我的幸運水晶球

又嚟喇....又係團購時間喇...haha!! 乜啫....番工番到悶悶哋嘛...手作仔有益身心呀!! 今次嘅"無聊"之作(又真係幾無聊架!!).....係水晶球...其實大慨都估到係點整....冇乜難度.....只係有啲好奇佢用"乜水"倒落去啫...原來真係唔只用普通水喉水架....重要加啲神仙水先得!!

話時話...呢間嘢都幾掠水....水晶球入面嘅公仔只係包一個....若果加一個公仔就比10蚊....之但係....佢啲公仔都係唔多掂檔成堆recycle雜物咁....擺一舊公仔又真係太單調...喺揀無可揀嘅情況之下搵咗個啤啤熊同小喇叭! 跟住用埋大會供應嘅布碎同絲帶圍一圍邊.....



攪掊食碗麵......

反斗奇兵@海港城

難得放吓假...雖則病病哋都要出去行陣嘅...之前已~想去呢度架喇....weekend嚟肯定迫爆啦..


又真係整得幾靚喎.....見到都開心呀!!

重有棵3眼仔聖誕樹...真係超得意呀!