搞掂食碗麵!!

部新洗衣機今日終於送咗嚟...真係有啲擔心今日請唔到假呢....好彩最後比我博大霧請到假啫....雖則可以搵大家姐代勞...不過我都係想....乘機放吓假嘛...HEHE....其實等部機送嚟再等佢安裝真係等足幾粒鐘架, 好在有大家姐同MEME陪我等都冇咁悶呀!....裝完即刻急不及待試機!! 呢部機嘅操作比之前嗰部簡單啲, 啱哂我呢啲機器白痴!!

破財

上文提到亞祖屋企嘅洗衣機已經受返魂乏術.....好彩家姐住得近咋....呢幾日有專人幫我洗衫同晾衫...之但係長貧難顧, 都係要快快買番部洗衣機先得!! 由於我乜Q都唔識嘅開係...唯有搵大家姐幫手一齊揀啦..HAHA.....(其實大家姐已經幫我做埋資料搜集...)....最後搵咗部唔駛2千蚊嘅機...YEAH...比我想像中平呢....買完就去開飯賀賀佢先!!

唉....嚟緊重有部冷氣機要換....呢個先甘呢!!

微型展@德福

前排青衣城攪咗個微型展.....隔咗無耐又輪到德福有展覽....重以為冇乜新嘢睇啦....點知又唔係喎, 喜出望外呀! 又係偷師嘅時候! 勁!!


睇完展覽就同咗同樹去淘大....好耐冇去嗰頭喇...今次係想去買啲小手作嘢啦....買完就去咗呢度食炸豬扒飯....六十幾蚊有交易...唔錯!!

水災

唉....去到長假期嘅最後一日....諗住可以繼續HEA吓啦...點知一起身梳洗完諗住去廚房斟杯水飲吓啦....乜解救廚房個地咁....濕嘅?!! 嘩....睇真啲...真係"滔滔千里，淹天地" ....無啦啦一大灘水喎....唔係FA.....究竟水從何來呢? 最近嗰個灘水嘅地櫃明明唔係水喉位嚟架喎....抝爆頭都唔知啲水點嚟....之但啦我拖拖吓地無啦啦一個轉身就解開咗呢個謎喇...頂!原來係個洗衣機出咗事....佢喺度.狂漏水!!!亞祖真係對呢啲家居常識一窍不通...9秒9打比家姐佢地求救....於是我拿拿淋關咗駁住洗衣機條水喉先等佢唔好再繼續漏水...

又乜解救關咗水喉都有水漏嘅...頂....洗衣機入面注滿哂水...足足倒咗幾桶水出嚟....擔完幾桶水之後真係散哂!!


睇怕...個洗衣機都夠期換喇....之後見部冷氣好似有啲唔對路重諗住換部冷氣機先...駛唔駛輪住壊呀!!

燒燒燒

又嚟團購餐喇...今次同搣匙撐枱腳.....吹吓水又一晚....個新SYSTEM終於滿月....呢個星期感覺輕鬆番啲....重有個LONG WEEKEND抖....正!!

 

名人私房菜

痾完又嚟食過....其實呢餐係卜友仔MAGGIE生日飯嚟架....好耐之前已經約咗喇....見腸胃炎都隔咗幾日, 之後都冇出事....應該OK嘅....照去GOGOGO啦...HAHA....呢間上年都食過....唔錯呀有信心唔會死架喇....好味!! 不過今次啲服務態度真係麻麻....希望佢改善吓啦!

文鼎酒家

前幾日同咗幾位同事去咗文鼎酒家farewell同樹小青蛙....又確係幾好味....不過嗰晚確係有少少唔C服...再食咗少少生蟹(呢碟似乎嫌疑最大, 我都估未必受得架喇...又要學人為食)....嗰晚又成晚同摟住個廁所玩遊戲, 都好嘅....病咗sick leave當抖吓囉....同個死人SYSTEM作戰咗3星期都未有好轉跡象...唔係佢死就係我亡....既然係咁...比我死先啦.....當然係....抖咗一日....啲工作祗係會延遲一日做啫....呢個道理我明架...平時唔太忙嘅時候都已經係咁...何況家陣咁忙呢!!

正能量....

呢期番工忙爆....放工又悶爆(番工真係做到真係太攰, 日日做到冇停手....乜MOOD都冇哂......連去開飯食餐好嘅動力都欠奉!!頭皮吃飽就番屋企抖)...趁星期六...一於尋找正能量....果然DUCK喎...太可愛喇....望吓佢又真係幾開心!! 搵日下晝探吓佢影番張日境先!! HEHE!

黏土節日花下集~第一回

有架....我重有上搓泥班架....有做功課架....不過做極都做唔切之嘛....好在有個五一勞動節...追番好多功課喇...你知啦...我都係老人痴呆架嘛...隔得太耐連朵花係點都唔記得...HEA吓HEA吓又唔整架喇....要快手啲先得!!

呢啲就係我努力嘅成果喇....一盤都未插呢....


其實我整咗三種花架...呢樣係第一種....估唔估到係乜呢? 呢個款都應該估到啲嘅....下次插完就知架喇!

 

呢個雖然整得唔夠靚...不過應該好易估喇掛!!


呢埋紅卜卜似乎幾難估...比啲貼士比大家啦..佢同上面嗰種花都幾FRIEND架....新年都幾興插佢架....