lee兩個禮拜過得好苦呀, 下晝喺lunch食餐好之後都痾到死吓死吓
大夫話我腸胃敏感呀,叫我食嘢要清淡啲...唔怪得去茶餐廳同快餐店食啲cheap cheap通粉同蒸飯反而冇事啦, 真係激死人喇....早知唔食咁貴嘅lunch啦, 食完重要痾餐滯!
由於恐怕出街食啲嘢肥膩, 都係自己落手整罷啦!
2007年8月30日星期四
2007年8月29日星期三
賤骨頭
唔知點解近排頻頻毒發, 最攪嘢係食啲貴嘢就會毒發, 食cheap嘢(好似茶餐廳同快餐店嗰啲)反而乜事都冇,真吹漲
!好似今日lunch咁, 我同師奶仔
....本來諗住食餐好啦....點知....最後都係毒發收埸...重痾咗兩次...痾完重要走去開會.....鳴鳴....好慘呀!! 
鱸魚炒飯.....又唔算好大碟....都夠飽呀(其實我都唔敢食咁飽喇, 可惜最後都係....
)
重有杯綠茶添.....師奶仔
由於下晝毒發完嘅關係,今晚淨係食咗碗粥同一碟油菜咋...家陣重餓餓哋添...救命呀!
2007年8月26日星期日
一班大食怪
為咗興祝兩位8月之星lu lu同骨妹嘅生日...所以今晚約咗幾個朋友仔去老尖間食韓國嘢, 我哋叫咗一個石頭飯、炒年糕、海鮮薄餅同埋一堆燒得嘅嘢(猪、牛、雞、魚等)....
重要一枱都係前菜.....攪到冇位擺嘢....
叫咗好多肉同埋肉
...好飽呀!
食到10點倒大家都未有意欲番歸, 之但係lee排又冇乜戲啱睇, 唱k又唔係個個啱...最後我哋選擇去諾士佛臺飲吓嘢hea吓....
不過大家都好似叫果汁居多喎....莫非真係年紀大!
雖則啱啱食飽飯...之但係齋飲又太單調, 所以又叫咗啲小食, 本來個個都話飽, 不過....最後...啲嘢食都係比我哋隊哂....非常堅!!
飲飽食醉之後大家終於肯散band.....番到屋企攰到死咪即刻沖涼洗頭囉...點知頭先洗洗吓頭嘅時候, 發覺啲洗頭水有啲唔對路....睇真啲原來我拎錯咗支沐浴露當咗洗頭水呀....真係飲大咗!!
2007年8月24日星期五
Triple O's
今日放工同咗兩個朋友仔去咗尖咀嗰間Triple O's 開飯....由於地方太細嘅關係等咗陣先有位....終於都搵到個靚位! 我哋一人叫咗一個餐....嘩!
一個餐(一個包+薯條+奶昔)都要成81蚊, 三個餐要成2百幾蚊 ....食2百幾蚊漢堡包真係第一次....又確係威呀!
冇花冇假架...大拿拿兩舊水架!
啲包又確係好鬼大個....我就揀咗個
重有個
2007年8月20日星期一
給關氏夫婦的溫馨提示....
關氏夫婦,借問聲嚟緊lee個星期六(8月25號)有冇空 ? 我哋擇咗lee個吉日出嚟食八月之星嘅壽宴呀...希望星期六可以齊齊整整咁食餐飯啦....
重有呀....順便問多句....關太....lee個星期六.....會唔會做facial呀
....去嘅話順個便幫我book埋吖唔該!!
喂喂...關氏夫婦....若然你哋咁都唔覆我..下次我會出個通緝令架喇!問你怕未!
各位朋友仔...麻煩係哋諗吓去邊開飯吖...要求好簡單啫...頭皮平靚正又坐得舒舒服服就得架喇....以你哋嘅聰明才智lee個問題簡直係濕濕碎啦.....麻煩哂!!
今晚嘅戰績
今晚同兩個朋友仔去咗峰壽司開飯....本來3條友食23碟嘢都唔算好過態....不過對我嚟講今餐真係飽到亞媽都唔認得, 番到屋企重飽得滯毒發添.....
事原係咁嘅, 本來約咗個朋友仔去銅鑼灣買嘢, 之但係6點幾喺收到個朋友仔電話, 佢話要遲啲先到, 叫我食少少嘢頂肚....根據慣例...shopping嘅嘢確係可大可小, 閒閒哋都幾粒鐘架喎, 而且又確係餓餓哋....所以去咗茶餐廳隊咗個腿蛋冶+凍檸茶囉........
點知....今晚嘅行程又相當順利....兩粒鐘都唔駛就完成任務, 之後就去咗食峰壽司, 又咁啱峰壽司又唔多人排隊,唔駛等都有位....9點又開飯...又抵受唔住美食嘅引誘(再加上荒死蝕抵嘅心態)....係咁食係咁食(啲餓鬼朋友仔食幾多我又食番咁多)...真係超勁飽呀....
2007年8月16日星期四
論論盡盡一日遊
今日請咗日假同咗排骨仔同肥師奶去咗佢哋屋苑攪嘅新界一日遊, 其實係去Pizza Hut參觀pizza嘅製作過程同埋比啲小朋友試吓親手整pizza、參觀香港文化博物館、三楝屋博物館(本來係去可樂廠參觀架,不過好似話可樂廠有啲問題,lee個禮拜嘅參觀活動都要取消,所以改去三楝屋)我哋三個晨早8點半就喺青衣集合, 之後就去馬鞍山嗰暑Pizza Hut參觀....10點都未夠就去到喇,重未開門架, 我哋包咗個場呀, 真係威!....一嚟就比啲小朋友試吓整pizza先.....話就話比啲小朋友整啫, 其實一早已經準備好個餅底, 啲小朋友都係負責擺啲配料上去
...雖然只係好簡單咁塗啲蕃茄醬去個餅底度, 不過啲小朋友又真係樂此不疲, 個個都好開心咁爭住玩! 連平人斯斯文文嘅排骨仔都整得非常投入.....
攪咗一排終於整好喇,可以拎去焗, 睇嚟都似模似樣架, 可惜焗好之後個侍應姐姐派咗第二組個pizza比我哋呀, 試唔到肥師奶同掛骨仔啲手勢添!
之後就去廚房參觀pizza製作過程...入廚房前要戴番頂帽先, 
參觀完Pizza Hut又食飽意粉同pizza之後就繼續下一個行程"香港文化博物館"(即係沙田)喇, 原來近排有個"三星堆"展覽呀, 啲文物有成二千幾三千年咁耐, 由於當時未有文字, 所以連古籍都未有記載不過廚房入面唔準影相喇......
之但係同lee兩隻小魔怪睇文物又確係好鬼嘥氣, 佢哋都未識欣賞, 沿途我只係聽到肥師奶不繼咁問我, "我哋幾時自由呀, 好悶呀"......鬼咩, 佢知地下有個兒童樂園嘛, 梗係想快啲閃啦!
有超大嘅"鬥獸棋", 不過肥師奶好鬼矛,佢啲棋隻隻都係"不死身"嚟架, 比佢激死
!重可以近距離睇魚, 肥師奶好鬼鍾意呀...
話咁快又到最後一站"三楝屋"喇.....其實我都係第一次去咋!
之但係今日連場大雨呀, 攪到我哋好狼狽.....有遮都濕哂......突然之間好懷念可樂廠呀
雖然濕笠笠,肥師奶仍然玩得好開心....lee頭扮擔水....
嗰頭又扮村姑....哈! lee排佢哂到黑黑哋又確係又幾分似~
訂閱：
留言 (Atom)