今晚同兩個朋友仔去咗峰壽司開飯....本來3條友食23碟嘢都唔算好過態....不過對我嚟講今餐真係飽到亞媽都唔認得, 番到屋企重飽得滯毒發添
.....
事原係咁嘅, 本來約咗個朋友仔去銅鑼灣買嘢, 之但係6點幾喺收到個朋友仔電話, 佢話要遲啲先到, 叫我食少少嘢頂肚....根據慣例...shopping嘅嘢確係可大可小, 閒閒哋都幾粒鐘架喎, 而且又確係餓餓哋....所以去咗茶餐廳隊咗個腿蛋冶+凍檸茶囉
........
點知....今晚嘅行程又相當順利....兩粒鐘都唔駛就完成任務, 之後就去咗食峰壽司, 又咁啱峰壽司又唔多人排隊,唔駛等都有位....9點又開飯...又抵受唔住美食嘅引誘(再加上荒死蝕抵嘅心態)....係咁食係咁食(啲餓鬼朋友仔食幾多我又食番咁多)...真係超勁飽呀
....
沒有留言:
發佈留言