新飯堂

lee排天氣咁熱又真係冇乜胃口,由於冇乜胃口嘅關係連飯都煮少咗....不過成日食埋啲茶餐廳同快餐店又確係幾悶....不過自從前排同骨妹食完super sandwich....唔知係咪好耐冇食呢...又覺得啲焗薯幾好味喎!

其實我第一次去super sandwich已經係十幾年前嘅事喇, 嗰次係大家姐帶我去食架...不過當時又真係一啲都唔識欣賞...因為嗰次我啱啱病鬼咗, 真係食龍肉都冇味, 更何況係食包! 當時我個心重諗"乜大家姐咁鬼cheap呀, 好日都唔帶我去威, 一帶就淨係食麵包同薯仔..." ...由於lee個童年陰影嘅關係, 之後一路都冇乜去過lee間嘢喇...哈!都幾低能!

可惜...沙田冇super sandwich啦....